الحلقة6
جاد دا خاوتو و خرج
ع.النور ناض :مع السلامة خالتي و خرج و هو قريب يترطق من تصرف جمال مهما كان مالازمش يضرب بنته و قدامه و يوصفها ببنات الشوارع
الجدة:يخي نتا متحشمش تضرب بنته قدامه و تقول عليها ماشي متربية شمس انا لي ربيتها ملي كانت صغيرة يعني سلوكاتها انا المسؤولة عليها خلاته هكاك و راحت تشوف شمس
جمال كان ندمان من شيرة ع.النور و يماه اما كان مقرر انو يكسر راسها ل شمس رفد تيليفونو و خرج
~~~~ف لا شنبر تاع شمس~~~~
كانت واقفة قدام المرايا تشوف لاتراس لي بقات في خدها قالت:كسرة في يديك نشاله
شافت جداتها داخلة عليها
مشات قعدت فوق السرير
راحت جداتتها قعدت قدامها و قالت بحزن :شمس بنتي توجعك
كانت تمسح على خدها و هي شويا و تبدا تبكي:نو متوجعنيش ديجا راني والفت ياما خذيت ضربات كتر من هادي
كملت تحكي بغضب:ولدك هادا قوليلو مايدخلش روحه فيا ولا سيبا لابان يجي كامل
جداتها:يا بنتي شحال من خطرة و انا نوصيك متريش عليه احقريه
شمس بعناد:منقدرش ياك شفتي واش كان يهدر
جداتها:شفت يا بنتي شفت و راني خايفة نموت و تضيعي راكي مكرهة خوالك فيك حتى مرت باباك و ماسلكتش
شمس :اصلا كامل يكرهوني ملي كنت صغيرة غير نتي و عنقتها
رجعت بيها الذاكرة كي كان في عمرها 7 سنين كان خلها جمال متزوج مرته بدور و هي كانت تلعب مع حنان
راح لعندهم هو و مرته سقساته شكون فيهم بنت حنان اله يرحمها
رد عليها جمال و هو يضحك و يشاور عليها:قصدك سبب موت ختي انا نظن بلي ختي نتاحرات نهار شافتها هو كان يحكي بقصد الضحك برك
و هي كانت تخزر فيهم بكره كبير كانو حاسبينها ما تفهمش كانت تلعب بعلبة الالوان رفدتها و لوحتها عليهم و تمت هاربة لعند جداتها و جمال يهدد فيها
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
