الحلقة 69
سمانة
~~~عند نور~~~
ملي خرجت من السبيطار وهي عند يماها نسات او تناسات جرح خالد
لبست ووجدت روحها خاطر حنان وشمس جايين لعندها كانت لابسة روب الحوامل روز فيها شريط تحت صدرها بلون حطت ماكياج خفيف وراحت قعدت فالصالون نسنا فيهم
~~~عند شمس~~~
عندها ساعة وهي تنوض فإياد و تلح عليه وهو راقد ولا علا بالو
كان غلبان من الخدمة شمس صبرها نفذ راحت لعندو تهز فيه من كتافو بقوة: اياد اياااد نوض نوض ولا والله غير نغرقك بالما
اياد ها حليلي النسا تاع الناس يفيقوعهم بالتعناق و البوسان وانا مرتي حابة تغرقني بالما اففف علا زواج تع وذني
اياد داد لعندها نحا الغطا عليه وبان صدرو العريض😍😍 شمس غصت راحتلها لهدرة
اياد بغضب :وتزيد تهدد قوتلك هنيني مانوضش مانديكش انا نقولك عيان حاب نرقد و نتي تندبي علا راسي مانيش فارغ لخرجاتك امشي منا
شمس نسات حشمتها و قالت : تبانلي نتا راجلي و نتا لي تديني و دوكا نوووض ازرب
اياد بلعياط: اييه يا شمس راجلك ماشي خدام عندك كل ما تطلي مني حاجة نديرهالك و انا جامي طلبت منك حاجة ودرتيها
شمس اول مرة نحس بالذنب تجاهو عندو لحق جامي يرفضلي طلياتي و انا حقو الشرعي ما قدرتش تي مانقدرش ممبا نتقبلو كزوج مزالت نشوفو خوها لعلياء الشريرة وقفت من السرير و قالت: و المفيد نروح ولا نو
اياد عيط عليها: نو مكانش المرواح و دوكا اخرجي عليا قبل مانوض ليك نكرفصلك وجهك
شمس خافت منو خرجت تجري وهو شد راسه بين يديه كان يحس بوجاع من قلة النوم
شمس الحقيقة خفت منو و من تهديدو كنت قادرة ندير رايي نعيط للشفور تاع ماني يجي يديني بصح ماعرفتش علاش ماقدرتش نديرها و نكسرلو كلمتو
~~~~ عند غلا~~~~
طاح عليها الخبر كي الصاعقة ما قدرتش تستوعب الحكاية
قالت بخوف: بابا وشراك تقول نتا تعرف عزام وحياتو
حميد كان بين نارين يا اما يقبل يزوج بنتو لهداك الحيوان ولا يرضى بيه يدخلو للحبس و يتخلى علا خدمتو ويخلي بنتو تضيع منوراه
قال بحزن: يا غلا يا الغالية انا مانقدرش نفرط فيك بصح الدنيا ماترحم حتا واحد
كمل وعيونو مزغللة بالدموع:لوكان غير نعرف لادراس تاع يماك كنت هربتك لعندها و ماهتميتش بتهديد هاداك الهامل
غلا قربت لعنو عانقتو تبكي: خلاص يابابا قابلة نتزوج هاد الهامل مستحيل نبعد عليك
باباها مسح علا راسها و قال: متخافيش سي ناصر قال راح يحميك منو اذا غلط معاك ديجا هو مقبلش بهاد الزواج بصح عزام عاهدو بلي راح يتسقم و يتوب
غلا : هيه علاش مقوتلوش بلي راه مهددك
حميد: خبرتو وهو قالي بلي راح يحميك بصح لازم تعاونيه باش يسقم وليدو
غلا بعمري ما حسيت بالقوة ديما نتكل علا بابا بصح كلامو و كلام عمي ناصر خلاوني نقرر باش نخطي الخطوة الاولى فحياتي لازم نتغلب علا عزام مانخليهش يتمرد عليا
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
