كرونيك :💕عنيد_&_عنيدة💕

الحلقة 32

الحلقة 32
بعد ما صلى وسقم روحو خرج لعندها شافها قاعدة تتفرج راح قعد قدامها وقال: حابة نروحو نتغداو لتحت مع لافامي ولا نوصيهم يطلعو لغذا لعندنا
هو مافاهمش مشاعرو تجاهها قالت و هي تتبسم: كيما تحب ما عنديش مشكل
خالد زعما هاد الاحترام راح يبقى هكدا ولا راح تتبدلي عليا كي نتعلق بيك تنهد و قال: نهبطو لتحت خير لبسي حاجة مستورة و مسحي هداك لي فوجهك ويتلفت يتفرج فالتلفزيون
نور ههه ياك عروسة تفوو غبي قالت: اوكي كيما تحب و راحت
~~~عند شمس~~~
ما رقدتش ليل كامل و عيونها محلولين شطر كانت تحس بالخوف و الوحش غفات شوية كي بدا الضو يدخل من الطاقة
فيقها صوت جداتها و هي دق فالباب : اصبري يا ماني راني جاية
دخلت جداتها و قالت بغضب:شمس علاش راكي تعاندي و ما جيتيش تباتي فدار خالك
شمس قعدت فالسرير و قالت: ماني ياك علابالك بلي مانروحش لدار خالي
جداتها: اي وعلاش كاش ما صرى و لا كاش ما دارولك و ما هدرتيش
شمس كانت حابة تنسى الحكاية قالت:ما بيا والو برك مانحبش نروح عندهم
جداتها تعرف بلي شمس مستحييل تحكيلها: اوكي كيما تحبي يعني كبرتي و وليتي ماتحبيش تحكيلي و خرجت
شمس نطرت روحها فوق السرير و قالت : اااه و شراكي حابة نقولك بلي وليد خوك هانني و ضربني فدارهم و قدام الخدم
اااه يا ايهاب يا رخيس طول عمرك تكرهني كيما عمك جمال كيف لا و انت و ياه نسخة اصلا حتا انا نكرهكم مووت