كرونيك :💕عنيد_&_عنيدة💕

الحلقة 97

الحلقة 97
~~~عند عزام~~~
دخل للدار جايب معاه الغدا ققرر يجيب لغدا من من برا كسرت خاطرو كي شافها الصباح راقدة ماحبش يتعبها وهو علابالو بلي رقدت من التعب
غلا مزالها راقدة كأنها الاميرة النائمة كيما وصفها عزام كيشافها
قرب لعندها وقال وهو يمسح علا راسها :غلا غلا
غلا نقزت علا صوتو ولمستو
قالت بخوف وهي تبعد عليه: ها واش تحب
وقفت بعيدة عليه تعدل بيجامة تاعها لي طلعتلها من الرقاد
عزام اه نحس بموس يتغرس فقلبي كي نشوفها ترجف بلخوف مني قال ببرود: لالا غير كي شفتك طولتي فرقاد ظنيت فيك شي
بقات تخزر فيه كمل يحكي:راهي الوحدة فاتت عليك صلاة الفجر والظهر وهادي ماشي من عوايدك
غلا كون نلقا نقتلو كيفاه يهدر زعما هو ملتزم بصلاتو تي راه نساها قالع وستغربت كيفاش مافيقهاش كيما العادة وانا هدا كلو رقاد ففف قالت: ايه الفجر صليتو امبعد رقدت وكملت بصعوبة خافت منو يضربها تعرفو رخيس : سمحلي ما وجدتش لغذا
عزام حسيت بخوفها مني كان نلقا نعانقها ونقولها مايهمش قال ببرود:اصلا حسيت بلي ماتوجديش كيشفتك كيفاش راقدة الصباح علابيها جبت لغذا من برا

غلا اه شافني وقتاش وكيفاش ماحسيتش كي دخل قالت بخوف من نظراتو:اوكي تحب نوجدهولك بين ماتكون بدلت حوايجك
عزام حس بلي راهي تليكيدي فيه من خوفها قال: ايه نروح نبدل الغذا راه فالصالون
كانت مركزة معا شكلو ظهرو العريض طولو كتافو كأنو مصارع تنهدت اوه خطرات يكسر بخاطري وخطرات نحب نقتلو هاد المخلوق بعمري ماشفت كيفو تحسو مريض عندو انفصام فالشخصية كل خطرة كيفاش يبين روحو
قربت للباب قفلتو بلمفتاح باش نبدل خلاص خفت منو ملي قالي شفتك كيفاش راقدة لبست جلابة تاع الدار جون واسعة شوية عند الصدر وهدا لي بغيتو نحس بلقهر كي نتفكر حوايجي لي قطعهم هداك لمتوحش كملت خرجت رفدت لماكلة ودخلت للكوزينة
تفكرت بابا اه كيفاش نسيتو واش راح ياكل مدام ما طيبتش يا ربي نحط لعزام ياكل ونروح لعندو نطيبلو كاش حاجة ياكلها
وجدت لعزام بصح ستغربت كي لقات بلي جاب لماكلة بزيادة تجاهلت لامر وراحت حطتها فطابلة وبقات تدعي باش يخليها تروح لبباها
عزام كمل وخرج بعد ما خذا دوش بارد باش يبعد عليه التوتر
حاس روحو مخنوق ماشي هدا لي كان مخططتلو هو كان حاب يرجع كرامتو من باباها خرجت هي اقوى منو قدرت تسيطر عليه كل ما وقف قدامها يعجز لابس شورت كيما لعادة نوار تريكو بلون واسع شعرو مشطو للور ريحة برفانتو تتشم من بعيد
اول ما دخل شافها موجدة الطابلة وهي قاعدة تسنا فيه تمناها تكون تسنا باش ياكلو معا بعض بصح هدا من سابع المستحيلات خوفها منو مخلاهاش تمضغ قدامو
قعد راح يبدا ياكل حبسو صوتها لي يرجف
غلا: ماعليش نروح عند بابا
عزام خزر فيها وقال: علاش
ماكانش قاصد حاجة كان برك حابها تبقا معاه
قالت: نوجدلو كاش حاجة ياكلها
حسد بباها من كثر اهتمامها بيه قال بهدوء: حسبت حسابو فلغذا ديلو منو
غلا مصدومة حست بلي ليوم ماهوش كيما لعدة حنين قالت ببرود: نو خلي ماكلتك تاكلها وانا نروح نوجدلو لبابا
قطع عليها بعياطو: واش نتي ماتفهميش قلتلك حسبت حسابو ديلو منا وشورلها لطبسي غلا خافت منو رفدت الطبسي وراحت تديلو لباباها مي حبست كي قالها: حقا باباك ماههوش فدار شفتو رايح عندد عادل جارنا
غلا تفكرت باباها وخططو معا عادل لي يحوس يلقا يماها باش يهربها لعندها جاتها الضحكة من عزام الي ماراهو فايق بحتا حاجة راحت للكوزينة جمعت ماكلة تاع باباها كي يرجع تديهالو
~~~عند اياد~~~
كانو قدام دار الجدة فالطنوبيل قال ببتسامة : هاو وصلنا عند جداتك ودوكا خلينا نششوفو مرتي الشاطرة كيفاش تودع راجلها هههه
شمس حشمت وقالت: مانعرفش بصح لي نقدر عليه هو فتحت لباب وتبسمت وكملت تحكي : هيا بسلامة يا راجلي اه نسيت نقولك راه نبات هنا
اياد: مم احلمي تباتي حبيبتي العشرة نكون عندك وكمل بخبث : فكريني كي نولو نعلمك فنون الوداع لي ديرهم المرا معا راجلها وضحك
شمس خبطت عليه الباب بقوة وراحت كانت تحس بسخانة طلعتلها من كلامو
اياد : ها كسريه خير😠 وراح