كرونيك :💕عنيد_&_عنيدة💕

الحلقة 111

الحلقة 111
وقفت وقالت ببتسامة: نسيت ماضيفتكمش واش تشربو
كنت متعمدة غير باش نبعد عليه
البنات : مرسي متعييش روحك هذا وين كلينا قعدي برك
صدمني عزام كي سحبني من يدي قعدني فحجرو وقال : هاا قعدي قالولك مابغاوش
خواتو حشمو قالو :ايمالا نخليوكم وقت النوم وخرجو يجريو
هما خرجو من وانا شعلت فعزام من دزيتو بقوة وقلت بلعياط: بعد عليا متمسنيش شحال من خطرة حذرتك
عزام تفو الله لاتربحهم علاش روحو دوكا عصبتني هدرتها بصح تجاهلتها وقفت نروح لاشونبر وهي تخرنن وحدها تبسمت كي تفكرت بلي ماتقدر دير والو قدامهم هههه يا سعدك يا عزام هكدا راح نقدر نسيطر عليها
~~~عند شمس~~~
وصلها لدار جداتها بعد ماتعشاو عند باباها لي حلف ما يخليهمش يروحو بلا عشا
كانت التناش تاع الليل دخلت كانت الضو مطفي. جداتها سور راقدة ماشي من عوايدها تسهر
دخلت لاشونبر تاعها حست باحساس غريب ماشي كيما لعادة لعادة نتوحشها بصح ليوم لا
فلول كانت تحسب الليالي والساعات باش ترجع ترقد فيها بصح دوكا حبيت نرقد فبلاصتي الجديدة لي هي حضن إياد
نحات حوايجها لبست شورط وبوستي بلون رمات روحها فسرير تنهدت وقالت بشوية: واش هادا يا شمس كيفاش يأثر فيك كلام علياء وانتي لي كنتي تحبي طلقي منو

وشصرا فيك وليتي تشرقي بسميتو وتعصبتي اذا جابتلك ختو سوجي تاع الولاد يعني خفت لوكان يفكر وغيرك اذا ما رفدتيش بلكرش
بصح علابالي بلي مزال الحال باش نحمل بصح الجايحة تاع علياء واش يفهمها قطع سرحانها تلفونها
رفداتو تبسمت وريبوندات : الوو
اياد ماقدرش يرقد و شمس بعيدة عليه سيرتو كي عرف بلي معصبة من كلام ختو حب يسمع صوتها ويطمن عليها قبل ما يرقد
اياد براحة: سلام احح علا لفوا تاعك
شمس عضت شفافها وضحكت :هههه
اياد ذاب من ضحكتها قال بخبث: ودوكا بعد ماشفتي جداتك وطمنتي عليها واشرايك نجي نروح بيك
شمس بخوف:نونو كيفاش تجي وشكون قالك شفت ماني اصلا راهي راقدة
شمس خافت كون يعاندها ويجي يروح بيها صح تعرفو مهبول وهي محتاجة تقعد وحدها هاد ليومين
اياد:افف واش هاد الزهر الخرا
شمس تبسمت وقالت: ها واش بيه زهرك
كانت متشوقة باش تسمع جوابو

اياد وهو متسطح فسرير تنهد وقال: زهري لي راح يقتلني بلعرق
كان يقصد حبها صعيب راح يتعب باش يوصل لقلبها
شمس مافهمتش واش قال فهمت بلي زواجهم هو لي راح يقتلو قالت : زهرك لي ربطك بيا ياك
اياد: لالا ماتفهمينيش غالط بليز
شمس بتنرفيز بلا ماتفهم : خلاص ماتفهمنيش وكوبي راح نرقد
اياد بتنرفيز: شمس ماتكفرينيش بتخمامك الناقص
شمس غزلت من كلامو كوبات عليه ورمات التلفون وقالت تخمامي الناقص يا اياد اوكي دوك تشوف واش لي ناقص
شافتو يعيط كثر من عشرين خطرة ماريبونداتش واخيرا بعتلها ميساج فتحاتو
اياد تنرفز منها كي كوبات عليه عيطلها باش يعرشلها بصح ماريبونداتش بعتلها ميساج(اوكي يا شمس الا ماخلصتيش علا هاد التصرف مانكونش اياد غدوا الصباح نلقاك واجدة نروح بيك)