كرونيك :💕عنيد_&_عنيدة💕

الحلقة 179

الحلقة 179
حط الساشيات وقرب عندها
باس راسها وزاد طبع بوسة علا خدها وقال ببتسامة : صباح لخير كي بقيتي يا عمري
غلا حست بقلبها راح يطير من لفرحة طيقة كلامو دل علا انو مسامحها ردت عليه ببتسامة: صباح النوور
عدلت روحها باش تقعد قرب عندها بسرعة سندها باش ترتاح
قال وهو يقدملها لفطور: هيا حبيبتي جبتلك فطور كيما تحبيه وانا نحبك تكمليه باش تسترجعي صحتك
غلا كانت مركزة معا كل كلمة غزل وحب تخرج من فمو حطلها لماكلة فحجرها وشاورلها باش تاكل تبسملها وبدات تاكل كانت حاسة بالذنب بفقدانها لولدها هيا مرداتش لبال لصحتها وماكلتها
خلصت ماكلتها وقالت:عزام انا السبة سمحلي
عزام كان متوقع انها تطلب السماح قال بحنان: نساي لماضي وخلينا نبداو صفحة جديدة نعيشو حياتنا بعيد علا لمشاكل
غلا: كيفاش ننسا اه واش ننسا ننسا بلي بسبتي انا خسرت ولدك
كملت بشهقة: انا ما
عزام قاطعها: غلا واش هاد الكلام اللي صرا قضاء وقدر
قعد قدامها عنقها بذراعو وقال: ديجا نتي واش لي عرفك بلي الاناناس راح يضر الجنين ما انا تصدمت كي عرفت
غلا بصدمة:😨😨الاناناس
عزام: ممم الاناناس لي كليتيه هو السبة فولادتك كس سقساني الطبيب واش كليتي مكنتش عارف سقسيت الخدامة قاتلي كي خبرتو اكدلي انو الحوامل مياكلوهش ففترة الحمل فشهر 7
غلا : اهئ اهئ مكنتش نعرف معنديش شكون نسقسي علا واش ينفع وواش يضر
عزام: ششش الخطرة الجاية مراح نستغفلو حتا معلومة
غلا بتوتر:واش بصح كاينة الخطرة الجاية
عزام:هيه كاينة راح نجيبو الثاني والثالث والعاشر الا بغيتي
غلا:مي حتا نتأكد بلي راك مسامحني وانك مستعد تنسا اللي صرا كيما انا نسيت كل لي درتو فيا كي تزوجنا
عزام : ايه مستعد يا روحي وخلينا نبداو من دوك وقرب عندها باسها من شفافها بحب وشوق