كرونيك :💕عنيد_&_عنيدة💕

الحلقة 180

الحلقة 180
👇👇👇💗الحلقة الاخييرة💗👇👇👇
بعد 3 اشهر
فاق علا عياطها عرفها موعد لولادة راح يجري يلبس لبس شورط تريكو مقلوب جر فرجليه كلاكيت تاع شمس هداك ملقا قدامو
شمس تبكي تعاير وتسب فإياد حتا طرشاتو معرفش واش يدير رفدها وهيا تعض فيه وتتلوى بلوجاع وصلها وهيا قاتلو يروح يجيبلها جداتها ولا متولدش اياد طلعو جنونو راح يجيبها مالغري لوقت ميسمحش راهي الوحدة تاع الليل
بعد 4 ساعات خرجت الطبيبة تضحك بشرتهم بلي صحة الطفلة ويماها مليحة ملغري تعذبو معاها
اياد حس بفرحة غامرتو بدا يريبوندي علا اتصالات العايلة يطمنو عليها بشرهم بجية بنتهم حنان كيما بغات شمس تسميها
~~~عند غلا ~~~
خرجت من السالدوبان بصورتي د بان قصير شافت عزام كيما فاق يحك فعينيه
قالت ببتسامة : صباح لخير يا لفنيان قوم قريب يأذن الظهر
عزام:صباح النور والحب يا عمري ديجا نتي السبة كي نشوفك يطير عليا النعاس
غلا بدلال وهيا تقرب عندو:يااه صار انا السبة يالمسعور
عزام وهو يبوس خدها ورقبتها: هممم نموت عليك انا
غلا تخدرت من بوساتو فرحانة كي تحسنو امورهم باباها زارها شحال من خطرة عزام خلاها تشوفو بعد ما عتادر منو
عزام: وجدي روحك ليوم نروحو للمزرعة معا العايلة نبقاو سمانة وناض يدخل لسالدوبان
غلا: نشاله ها حبيبي واش حتا خواتك يروحو معانا
عزام يعض علا شفافو من كلمة حبيبي: ايه يا عمري
غلا تبسمت وبعثتلو بوسة فلهوا وراحت تجري خرجت قبل ما يتهور
عزام ضحك عليها ودخل لسالدوبان
~~~عند نور~~~
داخلة فشهرها 4خف وحامها شوية كملت لاسوتنونس تاعها عطاوها موايان مليحة فرحت خاطر قدرت تنجح مالغري الضغط لي عليها تربي فهد وواجباتها نحو خالد و الحمل
سحبت روحها من حضن خالد باش طل علا فهد
طلت عليه لقاتو راقد رجعت لبلاصتها تسطحت وهيا تحس بيد تسحبها
خالد ببحة: شحال من خطرة حذرتك متبعديش من قدامي

نور بدلال وهيا تمسح علا صدرو: حبيبي خفف عليا شويا متنساش راني اونسانت خايفة تضرني
خالد بعناد: لالا منضركش متنسايش بلي كي حملتي بفهد مقربتش لعندك وخلاص وحتا فهادا باغية تحرميني منك حرام عليك
نور: ههمم كيما تحب 😘😘
~~~عند شمس~~~
خرجت من السبيطار وجات عندها جداتها تبقا معاها وتعاونها فلبنت ديجا شمس متعرفش كيفاش تتعامل معاها كي تبكي تبكي معاها حتا تقشعها جداتها وتقولها ترضعها فلول مرضاتش تقولها تقصحني مرضات حتا شحفتهم اياد ملي يدخل وهو يحلل فيها باش ترضعها هبلاتهم
تعلقت ببنتها لاقصى حد حتا اياد متخليهش يتوشيها هههه وهوا ديما معاهم حتا كي يكون فلخدمة كل دقيقة يعيطلها يسقسي عليهم
دخل لعندهم يتبسم قعد قدام شمس وباس راس بنتها لي عقدت حواجبها كأنها تعصبت قال: هاويلي تبانلي نسخة منك
شمس بتنرفيز:😒😒علاش واشفيا انا
اياد وهو يمسح علا خدها: والله غير فيك التمرد واللسان الطيل تعذبت باش نروضك
شمس: هاا مالي تشوفني نلوح فحوايجي
اياد يضحك: ههههه لاا انا كل يوم نشكر ربي لي لاقاني بيك وكتبك تكوني مرتي وام ولادي وانا نتمنا يبعث ربي لبنتي واحد صبور كيفي
شمس سكتت اصلا عندو لحق صبر معاها بزاف هيا متمردة ولسانها ماشي ليها مي هو قدر يعدلها
هيا فقدت قوتها قدرت تتلاشى بين يديه

💗النهاية💗😘