الحلقة 50
~~~عند إياد~~~
خرج بعد ما دار دوش لبس شورت قصير نوار و تريكو بلون عدل شعرو وهو يتبسم كل ما يتذكر شمس
مسكينة هههه عمبالها صح راهي تغلبني فكل خطرة نحاول نمسها ماتخلينيش عمبالها منقدرلهاش وانا ما نحبش ندير معاها حاجة بالسيف
لبس شلاكتو و رش بارفانتو و خرج
شافها قاعدة فالصالون تهدر وحدها قرب منها و سمعها تقول: هاه قالي عيطتلك باش نباركلك ها قولي عيطلي باش تتشمت فيا
إياد حمارور عينيه قال و هو يرص على سنانو : و شكون هدا لي حاب يبارك ولا يتشمت
شمس نقزت من بلاصتها خلعها صوتو شافت فيه و قالت: ونتا واش دخلك
و راحت تمشي قدامو حابة تخرج من الصالون بصح هو حكمها من يدها بقوة و جرها لحضنو
قال و هو يتبسم : و شكون انا يا شمس باش ما ندخلش انا ايادو حبيبك و ضحك فوجهها
شمس توترت من قربو ليها خصوصا و نفسو يضرب فوجهها و ضحكتو لي تديلها عقلها : هاه بعيد الشر نموت و ماتكونش حبيبي و دوكا بعد عليا و حاولت تتملص من عندو
بصح هو زاد قربها لعندو و طبع بوسة عنيفة على فمها حتا ذاق طعم الدم وزاد هبط لرقبتها باسها و عضها بقوة حتا خلالها أثر
بعد عليها و هو يتبسم بخبث يمشي و يغني باش يزيد يغزلها
شمس بلعياط: تفوو عليك رخيس
دور لعندها و قال: واقيلا راكي تحوسي على حاجة وحدوخرا غمزها و تبسم بخبث
شمس حمارت و قلبت عيونها: هاه جرب برك و راح تشوف
إياد تنهد حاب يحبس هاد الحرب لي قامت: شوفي حبيبتي خلينا نحبسو هاد الحرب اومبعد نكملوها و نروحو نشوفو كاش ماناكلو و راح للكوزينة
إياد فهم بلي أسلوب العنف ماش راح يجيب فايدة معا شمس وقرر انو يصبر عليها حتا تتقبلو فحياتها و ماراحش يرفد يدو عليها مهما صرى لانه كل مايتذكر جداتها كيفاه وصاتو عليها يوجعو قلبو
دخل للكوزينة و بدا يجبد فالدوزان هو موالف يطبخ وحدو وعلابالو بلي شمس ماتعرفش تغلي حتا الحليب
شمس دخلت لعندو و قالت بنرفزة: ممكن توصلني عند ماني
إياد ببرود: لالا
شمس : هاه كيفاش لالا لا تكون حاب تحرمني نشوف عايلتي
إياد و هو يقطع فالخضرة: نوو مانحرمكش برك مش حاب نديك حتا يتنحاو ليطراس لي في شواربك و رقبتك و تبسم
شمس حست بقشعريرة من كلامو قالت بغضب:هادا كامل بسبتك نتا لي شوهتني
إياد ضحك: ههه واش من تشوه و هي برك عضات خفاف خلاولك هاد لطراس بصح نقولك حاجة برك مانعاندينيش خير ما نديرك حاجة اقوى من هادو و غمزلها
شمس اععع لوكان غير نقدر نتحكم فروحي ونتا غير تقرب مني نحس بروحي فشلت و عظامي تخدرو ما نقدرش نقاومك
إياد شاها تخزر فيه شارة تبسم: كي راكي واقفة تما كي المصنوع مدي يديك عاونيني
شمس و هي تسوطي باش تقعد فوق البوطاجي : نظن بلي علابالك بلي ما نعرف ندير حتا حاجة فلكوزينة قبل ما تتزوجني
إياد: ممم علابالي و من اليوم راح تتعلمي
إياد كان مبرونشي فيها كيفاش قاعدة و مربعة رجليها و فخاضها قريب يخرجو من البيجامة القري لي لابستها و زاد مرسوم فيها دببة ولاماش تاعها مدلية على عيونها و كأنها طفلة صغيرة
قالت و هي تلعب بلكاس: و شكون قالك حابة نتعلم غير ما تعبش روحك الطياب ماشي من تخصصاتي
إياد حب يغزلها: ممم ماو نعرف تخصصك نتي فاشلة فكلشي
شمس بنرفزة: اييه فاشلة ونتا واش داك تتزوج بيا طلقني وروح شوف وحدة شاطرة
و هبطت من البوطاجي حابة تروح بصح هو حكمها وقال ببرود:بصح الفاشلين لازم يتعلمو و نتي لازم انا لي نعلمك
شمس جبدت يدها بقوة: وانا مانحبش تعلمني و راحت
إياد تبسم والله غير تتعلمي و بسيف عليك صبري برك وراح يكمل شغلو و هو يفكر يجيب خدامة تتهلى شوية فالدار خاطر علابالو بلي لوكان يخليها و حدها فالدار راح تحرقو prsq هو راح يولي للخدمة غدوا
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
