كرونيك :💕عنيد_&_عنيدة💕

الحلقة123

الحلقة123
~~~عند شمس~~~
كانت واحلة فلكوزينة توجد الحود كيما طلب اياد تخدم وتبكي خايفة لوكان ما يصلحش ويعاقبها كيما لعادة
قعدت تقطع فالشلاطة دخل اياد فتح لفريجيدار جبد لما يشرب هدا وين كمل من الخدمة
جبد القرعة شرب منها ديراكت بلا ما يصب فلكاس الحركة لي تكرهها شمس وهو تعمدها
شمس: شحال من خطرة قتلك متشربش ديراكت صب فلكاس
اياد حك راسو وقال: شغلي
شمس حمار وطول عمرك حمار تجاهلتو وكملت تقطع
اياد سحب كرشي قعد قدامها وقال بخبث :بغيت نعرف علاش متحبيش نشرب من القرعة ياك غير انا وياك لي نشربو منها
شمس مغزلها بهبالو وجرأتو الزايدة هاد ليام رفدت لموس فوجو وقالت: دوك تخرج ولا والله غير نقطعك
اياد يضحك خاطر خلاها تتعصب قال وهو خارج: لالا راح نخرج خير ماتقتليني وتذبحك عليا يعني نتوما تحبو بعضاكم وكمل يضحك وهي شاعلة من الغضب
~~~عند غلا~~~
سمعت لباب يدق راحت تجري تفتح قبل ما يفيق عزام فتحت لقالتها دينا
دينا بخوف :غلا واشصرالكم علاش ماتريبوديوش علا التلفونات تاعكم
غلا تفكرت تلفونها حطاتو سيلونس وعزام متعرف وينو تلفونو قالت: sorry تلفوني سيلونس ماسمعتوش
دينا : ايه وعزام كيفو لبارح قلتي غلبان شوي حكماتو السخانة
غلا: اييه السخانة هبطت بصح مزالو راقد
دينا: اوكي نروح نقول ليما تشوفو بلاك تجيبلو الطبيب وراحت
غلا ياي نخاف عزام يزعف قالي متخبريش يما بصح ماشي انا لي قلت ختو تعرف بلي مريض
غلا دخلت توضات صلات الظهر
غاضها عزام كل ماتتفكر كيفاش كان يرجف مقدرش يسيطر علا روحو بقات معاه وكلاتو الشوربة بالسيف محبش ياكل بقات تحاول فيه يفتح فمو بالسيف
بعد ماكملت راحت وقفت عند راسو تحسست وجهو اذا راحتلو السخانة ولا مزال ماحست غير كي فتح عينيه خلها قالت بتوتر: الحمدلله السخانت راحت ادا تقدر تقوم تصلي ولا نعونك
عزام يا عمري تحبني ولا ديرهكا معيا كي راني مريض حتا اذا كان هكاك فنتمنا نبقا ديما مريض باش تبقا قدامي
عزام ببتسامة: لاباس دوك نقوم سمحيلي تعبتك معايا
قام راح لسالدوبان
غلا فتحت البالكون بدلات لفراش حطتلو واحد جديد ناعم هوات لاشونبر
بعد شوية شافت يماه داخلة كي الثور تزدم دخلت بدون استأذان
يماه بغضب: كيفاش تسمحي لروحك تخبي عليا مرض ولدي هاه
غلا خافت منها بقات ساكتة نقذها جواب عزام الي خرج من السالدوبان :انا لي منعتها تخبرك
يماه بعصبية: علاش راك حاب تقتل روحك
قاطعها ببرود: ايه نقتل روحي ومانظنش راح تتأثري
وراح يصلي وهي خرجت معصبة