كرونيك :💕عنيد_&_عنيدة💕

الحلقة38

الحلقة38
~~~بعد اسبوع~~~
عند شمس كنت موجدة روحها حابة تزور جداتها هي تروح عندها كل يومين
خرجت من لاشونبر فررحانة حتى شافت إياد داخل
خزر فيها تبسملها و رد السلام
رردت عليه و هي مخنزرة وراحت خارجة قال:نظن بلي رديتلك السلام فردي نورمال ماشي تردي و تقلبي ر** شنايفك
ضمت يديها و حطت عيينيها فعينيه و قالت:وا المهم رديت والا معجباتكش الطريقة لهلا وقلبت عينييها
قال بابتسامة و هدوء عكس العافية لي شاعلة فيه: جاي نهار تردي السلام بطريقة خلاف تبسم بخبث كمل: ايا نخليك عندي خدمة لازم نفريها غمزلها و راح
هي غزلت عالاخ مفهمتش واش يقصد يعني راه يهدد فيها اففف هادا واش خص خرجت تتفتف وحدها و هي معلابالهاش بلي جية إياد ليوم فيها إن ههه
~~~~عند خالد~~~~
كان يوصل حنان كل صباح للفاك فطريقو خاطر بدات القراية امبعد يروح لخدمتو وكان معصب من نور و حاس بالقهر اتجاهها
من هداك النهار لي تهاوشو فيه فاق الصباح ووصلها لدارهم ما حوست عليه ولا عيطتلو فالتلفون كل يوم هو لي يعيط و يسقسي حتى انها ما جبدتلوش وقتاش يروح يروح بيها وهو ماحبش يخلف من هدرتو كي قالها حتا تشبعي
هبطت حنان قدام الفاك
قال: شكلها الاخت نور لقات الخاطر تما ليوم نروح نرجعها بسيف عليها
~~~عند حنان~~~
كي هبطت راحت تحوس على تلفونها باش تعيط لصاحبتها ملقاتوش
حنان: اووف ميرد نسيتو فالدار تنهدت افف ياربي واش ندير.كيفاش راح نعيط لبابا ولا لخاوتي كي نخلص ليوم يذبحني ايهاب
افف ديجا راني روطار راح يبدا بيا هداك البروف تاع ودني
راحت تمشي بسرعة حتا مانتابهتش لي يمشي مقابلها حتا تصدمت فيه و تفرغ كاس قهوتو عليها
حنان: اااه العما نشاله
الرجل بتوتر: اه سمحيلي ختي والله ما شفتك
شافت فيه حنان لقاتو حشمان مالغري لافوط تاعها هي قالت:سي با غراف خويا ديجا سي ما فوط خرجت من ساكها بابي و بدات تمسح وهي تشوف غوش دروات تدعي ربي باش تشوف وحدة من صصحباتها يعطولها تلفون
شافها تخزر كأنها محتاجة مساعدة قال: يا ختي الا راكي حابة ندلك علا كاش بلاصة ماشي مشكل
هو كان يظن بلي تحوس على الفيستيار باش تغسل شده جمالها و برائتها الطبيعية
حنان بوضع لا يحسد عليه قررت تولي للدار باش تبدل الشوميز لبلونش لي كانت لابستها تغير لونها بسبة القهوة لي توزعت عليها كانت مترددة باش تطلب منو التلفون: والله حشمت نقولك راني محتاجة تعانني بصح ماشي نلقى بلاصة غير لوكان تقدر تمدلي تلفونك دقيقة نعيط لبابا خاطر تاعي نسيتو فالدار
هو جاتو الضحكة من طريقة كلامها كانت تهدر بحشمة خرج تلفونه: بيانسور هاكي عيطي لباباك
حنان تبسمت: مرسي
دات من عندو التلفون دارت النمرو تاع باباها و عيطت
هو طول الوقت لي كانت تحكي فالتلفون و عيينيه متنحاتش منها كانت تهدر و حشمانة فنفس لوقت الشيي الي شد انتباهو هو طريقة كلامها معا بوها كانت تحكي بأدب و رقة مافاق غير كي مدتلو التلفون و قالت : ميرسي و راحت
تبسم و شاف فالساعة لقا بلي لوقت باش يدخل يدير لكور تاعو
ياسين بروف تاع الاحياء يقري فنفس الفاك لي تقرى فيها حنان 32سنة مطلق و عندو طفل لؤي 6سنين
~~~عند نوور~~~
عيط لها خالد و قالها توجد روحها كي يكمل من الخدمة راح يمر عليها و يديها للدار
نور فرحت بزاف خاطر هو لي طلب منها ترجع ماشي هي كيف ماقال
سمعت تلفونها يصوني ريبونددات
نور: الوو اهلا
خالد ببرود خاطرو معصب عليها: اني قدام الباب خرجي رابييد
نور و هي تعكي عليه : اناا عند الباب تفووو عليك ماتتبدلش يا البارد. و خرجت
كانت لابسة روب قصيرة افلور دارت مكياج خفيف شعرها كوتشفال
كيشافها قلب وجهو ركبت معاه وقبل ما تسكر الباب ديمار بسرعة
دارت لعندو و سلمت حتى هو رد عليها ببرودة هي تعصبت و قلبت عينيها منو و دورت وجهها
خالد نتابه كي قلبت عيونها و قال: ااااخ ناوية تقتلني افف توحشتها بصح والله ما ننسهالك التجاهل لي تجاهلتيني كي رحت لداركم و درتي روحك نسيتيني خلاص
نور عععع وشهاد الجليد لي قاعد معايا تفوو عل العبد كي داير حبت تكسر حاجز الصمت قالد:خالد
خالد ااه يا روح خاالد رد عليها: انعام و هو يخزر للقدام
نور بلإهتمام : ماعليش تديني لفاك قبل
هي كيكانت في دارهم كانت كل يوم يوصلها بباها لفاك
خالد نساها قاع حكاية لفاك: قال علاش نتي مزالك فلفاك
نور مصدومة: كييفااش
خالد يحاول يسقمها شوية: يعني انا ماكنتش عارف بلي راكي تكملي فلفاك خاطر انا مرتي نحبها تقعد فالدار