الحلقة 157
~~~عند حنان~~~
قامت علا الساعة 11 شافت ياسيين لقاتو ناض ستغربت ماشي عوايدو فلعادت يرقد للظهر
قامت خدات دوش بارد
بعد الدوش حست براحة سيرتو كي وحامها خف شوية من بعد ما داها لياسين عند واحد الطبيب سبيسياليستس عطالها الدوا خفف عليها شوية
لبست فيزو نوار ليكات قري ظهرها V عدلت شعرها حطت كحل وقلوز رشت برفان ياسين ههه وخرجت
لقاتهم فشونبر لؤي يلعبو
كانو يلعبو بلاي شافت ياسيين مركز منتابهلهاش شورت للؤي باش يسكت هو تبسملها وغمض عينيه بمعنا اوكي
قربت لعندو غطات عينيه بيديها
ياسين مستحيل يغلط فهاد ليدين ولا ريحتو ههه قال ببتسامة: واخيرا ناضت الفنيانة
حنان وخرت يديها عليها قربت لوجهو شافت فلؤي ممسوقش معاهم طبعت بوسة علا خدو وقالت :هيه وانا عندي مدة مرقتش واخيرا تهنيت من الوحام
ياسين😄:اييه لحمدلله
حس براحة كي تحسنت حالتها والشي لي فرحو انها ماتقياتش كي كان راقد معاها فلفراش ماشي كيما كانت كل مايقرب عندها تنوض ترجع هاد الشي كان يحسسو بأنو مقرف
~~~عند غلا~~~
بعد ماعاشو ليلة عرسان علا انغام الحب والغرام ماحستش بلوقت كانت 13h جبدت شوميز تاعها لبستها وسحبت روحها بلعقل راحت للسالدوبان دوشت وفيقت عزام يدوش باش يصلي
بعد ماصلات قعدت تقررا لقرآن فلاشونبر تاعها لقديمة
دخل عليها بعد ما وصا يوصلولهم الغذا لعندهم شافها خاشعة فتلاوتها قرب قعد قدامها يتسمع عليها حبست شافت فيه وقالت :محتاج شي حاجة
كانت تحس انها تخدع عزام حاولت معا باباها قاتلو ينسا لحكاية مي هوا مرضاش وقال يالوكان نخطفك من عندو
معندها غير ربي يعطيها الصبر اللي صبراتو معاه كي كانت تكرهو ودوكا يعطيها الصبر لي رراح تصبروا وهي عاشقتو
بعد لها يديها وحط راسو علا فخادها قال: لالا بغيتك برك تقرايلي لقرآن وانا نتسمع عليك
مدت يديها لشعرو بكل جرأة وقعدت تمسح عليه وهيا تقرا حبست دموعها بسيف كون تزيد ترمش راح يفيضو حمدت ربها كي راه مغمض عينيه
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
