كرونيك :💕عنيد_&_عنيدة💕

الحلقة 128

الحلقة 128
~~~عند الجدة~~~
فاقت مخلوعة علا صوت التلفون شافت نومرو شمس دخلها لخوف ريبوندات
الجدة:الوو
شمس تشهق: ماني اهئ اهئ اهئ
الجدة بخوف: شمس بنتي واشصرا علاش تبكي واشبيك اهدري اياد صراتلو حاجة
شمس: ماني انا واياد تهاوشنا وضربني انا مستحيل نبقا هنا رواحي ديني لعندك
الجدة تنهدت توقعت صرات معهم كاش موصيبة خرج هواش قالت بحنان:يا بنتي هاو لوقت مايسمحش نتي ريحي روحك وانا الصباح نجي لعندك نوريه لهادا اياد كيفاش يمد يدو عليك
شمس تبكي قطعت قلب جداتها: ماني منحبش نبقا للصباح نبغي نجي دوك ولا ماتلومنيش ادا خرجت فهاد الليل نحكم تاكسي ونجي اهئ اهئ اهئ
جدتها حست بقلبها عصرها علا بنتها وحبيبة قلبها سكرت التلفون وراحت تفيق لخدامة باش تروح معاها معا الشيفور
شمس سكرت وقعد فلرض تبكي وتتحسس خدودها الي تحسهم راح يطرطقو من ضرب اياد تحسست يديها وشعرها شفايفها كان فيهم الدم اول مرة يصرالو هكا هادا وحش ماشي اياد. بقات تبكي وتنخصص وحدها😭😭😭😭😭
اياد سمع لباب يدق ستغرب شكون راح يجيهم فهاد لوقت فتح لباب تصدم وحس بالخجل بلع ريقو كون يلقا يرجع لشمس ينتفها علا تسرعها
اياد بحشمة : ماني دخلي
الجدة ببرود: ماجيتش نقعد جيت ندي بنتي
طلت للداخل وبدات تعيط: شمس شمس
اياد عرف بلي حكات كلشي لجداتها قال بغضب: شمس متخرجش من الدار بلا رضايتي وانا مانخليهاش تخرج
اخخ الحمارة يعني كسرت كلامي ودخلت للدار فنص الليل كيما الق@@ واش انا ماشي راجل نخلي مرتي تقعد برا لنص الليل وماعرفتش ممبا وين كانت وزادت حكات لجداتها وهي ماصدقت عيطتلها وجات تجري
الجدة: اياد متعقدش الامور خليني نديها معايا كي تتهدن راح ترجع لعندك
شمس هابطة فالدروج سمعت كلام جداتها حطت لافاليز تاعها وقالت: يحلم يزيد يشوف وجهي فهاد الدار
وقفت قدام جداتها وقالت بحزن: ماني يلاه نروحو منقدرش نقعد هنا وخرجت تجري
اياد يهدر معاها بلعياط: راح ترجعي يا شمس وبسيف عليك حتا لو ظطريت نرجعك بنفس الطريقة لي خرجتي بيها
الجدة ما حبتش تزيد عليهم لحقت شمس وراحو
اياد سكر لباب بقوة تهز الدار كلو حس بعقلو راح يطير كيفاش تأزمت العلاقة بيناتهم لهاد الدرجة لعن روحو علاش مد يديه عليها وضربها تي ماشي ضربها دقدقها وهو لي يكان يخاف عليها من نسمة الهوا