الحلقة 9
~~~في دار اب ع النور (جد شمس)~~~
كن قاعد مع يماه (ذهبية)يحكيو يماه بسخرية:هيه وشراهي ام لسان طويل تاع بنتك تعقلت شوية ولا مزال
ع النور يا ربي انا نلاقيها من شمس ولا منكم كامل طيحين فيها سب و شتم و هاذ لي زاد من طولة لسانها
قال:مليحة راهي مع القراية علابالك السنة عندها باك
ششمس ماتزورهاش prsq تظن انو ما تحبهاش مي العكس جداتها ذهبية تحبها عالاخر. لانها اول حفيدة لهاقالت: واللهماني شايفة بنتك وجه قراية
ع النور كثر عليه و هو يسمع هاد الهدرة شاف تليفونو يصوني و يلقاه علي ريبوندا عليه بزربة
عند علي كان بطنوبيل قدامه شمس عطوها فصل 3jours وعدها لوكان تزيد تزبلها يحرمها من القراية قاع
لحق للدار و بدا يعيط عليها:اهبطي لا نكسر جدك هنا
هبطت شمس و بلعت الباب و رايحة تدخل بصح خالها جبدها بقوة لعندو و بقى ضاغط على يديها
دخل للدار يعيط : يماا يماااا
خرجتلو يماه تجري خايفة و زاد خوفها كيشافت شمس معاه:و شكاين خير نشاله
علي بعصبية:هاوليك الشر بعينه و دفعها بقوة لعندها:شوفي آخرة دلالك لهاد البنت وين وصلها
الجدة بخوف تشوف فيها بشك:علي اهدر شمس واش دارت و علاش رجعتها من القراية درك
علي بقهر: والله الاخت نتفت واحد البنت و كرفستلها جدها كامل و والديها شكاو عليها و فصلوها
الجدة قعدت في أقرب كرسي ليها و بقات تتنهد كلام علي خلاها تسوء الظن في شمس
شمس راحت لعندها و قعدتلها عند رجليها : ماني والله غير هديك الطفلة لي بدات و سقسي حنان تقولك كانت معايا
علي بغضب:وفاش قام تدخلي بنتي فمشاكلك
قاطعته يماه:يا علي خليني نفهم الحكاية قالت بعصبية و لاول مرة تظهرها لشمس:وانتي احكي وش لي خلاك تضربي الطفلة
حكاتلها شمس الحكاية كاملة
الجدة علابالها بلي شمس مستحيل تكذب تحكي الحقيقة ولو على قص رقبتها مسحت شعرها و تنهدت تستغفر
شمس تبوس يدين جداتها:شفتي يا ماني و الله غير هي السبة
علي بقر:يعني نتي صدقتيها ديراكت ديجا راهي انحرفت بسبة دلالك و مزالك تزيديلها
يماه كانت تشوف في نظرات شمس ليها لي كأنها تطلب المساعدة تعذبها نظرة الضعف كي تشوفها فيها تحبها تكون ديما قوية تنهدت و شاورت لشمس لي كانت مزالها قاعدة عند رجليها باش تطلع للاشنبر تاعها راحت مي ماشي لاشنبر بقات واقفة فالدروج تتسمع عليهم
أنت تقرأ
كرونيك :💕عنيد_&_عنيدة💕
Romance#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
