كرونيك :💕عنيد_&_عنيدة💕

الحلقة 93

الحلقة 93
صدمها خالد لي نقز من بلاصتو وقال:عمتي خبريني نور مريضة بلقلب
تفكر عمتو حنان وخاف
هبة بعصبية: بسمله علا بنتي صحيحة ربي يحفظها ويسلكها نشاله
خالد بقهر: ها حمدلله مي علاش طو..
ماكملش هدرتو حتا شاف الطبيبة خارجة
راح لعندها يجري وجهو تخطف منو اللون
خالد بلهفة: طمنيني نور مليحة
هبة كانت واقفة موراه ستغربت من لهفتو وخوفو علا نور سكتت
الطبيبة بابتسامة : الحمدلله العملية كانت ناجحة الام والبيبي تاعها بخير
خالد: يعني خلاص نور راح توليلنا بخير
الطبيبة كسر خاطرها كي شافت الخوف والفرحة فعينيه قالت: اييه متخافش الحمدلله
هبة خزرت فخالد لي قريب ينقز علا الطبيبة يبوسها قالت : صحيتي مدام ربي يخليك
الطبيبة تبسمت وقالت: يعيشك مدام تقدرو تشوفو البيبي بصح يماه حتا كي تصحا تشوفوها وراحت
حبستها هبة وقالت بخجل: سمحيلي مدام ماعليش تخبرينا واش جابت
الطبيبة ضحكت خاطر كانت حاسبة بلي يعرفو قالت: طفل وراحت
خالد حشم كي مسقساش علا ولدو كان همو يسقسي علا نور برك
هبة بابتسامة: مبروك عليك يا خالد
خالد باس راسها وقال: يبارك فيك والحمدلله كي رجعتلنا نور بخير هدا هو الصح
هبة كانت تتوهم بلي خالد مايحبش نور بصح ليجاست ليدارها ليوم تبين لعكس
~~عند غلا~~~
الساعة 20:00 فلمزرعة
كانت عند باباها دخلت للدار تجمع وتنظف الروينة لي دارها عزام
من الي صرا هداك الشي بيناتهم مارجعش للدار ندمت خاطر هي السبة
مكانش عليها تقولو خامج ولا تعايرو بضياعو
هي لازم تعاونو باش يتخلص من هاد لحالة ماشي تعايرو وتفكرو فيها
صدمتها حالة الدار كان كلشي مكسر لي فاز الكراسا كلش مكسر
تنهدت وقالت: ربي يكون معايا فهاد العجب
راحت تجمع الزجاج مي حبسها صوتو الخشين موراها
عزام دخل وبقا مركز معاها قال: وانتي واش هي خددمتك من غير التنظيف

كمل بستهزاء وهو يعدل لفوتوي يقعد عليه : خدامة وباباك حارس
ضحك وقال: ونعم النسب يا عزام
عزام كان معصب منها بزاف من الحرب لي قامت بيناتهم ومن وصفها ليه بلخامج
هو ماينكرش بلي كان يعيش بلخماج بصح ماشي ذنبو ذنب والديه لي ماهتموش بيه همهم هو الدراهم برك
غلا تهدني تهدني ماسمعتيش تجاهلت كلامو وراحت تكمل شغلها تقدر ترد عليه بصح ماحبتش تقوم حرب تانية بيناتهم
عزام غزل منها كي تجاهلتو قال بلعياط: خلي من يدك وروحي وجديلي لعشا ازربي
غلا شافت فيه وقالت: اوكي وراحت للكوزينة
دخلت للكوزينة وهي بقمة عصبيتها قالت: اووف وقتاش نتهنا من هاد العذاب ياربي وراحت توجد العشا
~~~عند اياد~~~
دخل للدار وهو مغزل معادش يتحمل حياتو معا شمس توقع راح يقدر عليها بصح خرجت هي اقوى منو

قطع عليه صوتها العالي
شمس كانت تحكي معا حنان فتلفون وكانو فرحانات بولادة نور وليدها فهد الصغير
اياد ستغرب منها كي خرج من الدار كانت زعفانة ودوكا لقاها فرحانة وتضحك
تبسم ودخل لعندها لصالون
شمس ماتولهتلوش كي دخل كانت تحكي وتنقز من فرحتها
عجباتو بالشورت القري والديباردور الغوج
سمعها تقول فهد حبيبي حس بلغيرة حاب يعرف شكونو هادالفهد
قعد يسناها تكمل
شمس دارت لقاتو قدامها كوبات علا حنان
راحت نقزت بقوة علا الفوتاي وقعدت قدامو
اياد شاخ علا جاست تاعها
قالت بفرح: اياد نور ولدت وجابت فهد الصغير
كانت تهز فكتفو بدلع
اياد: صح مبروك عليهم لعقوبة لينا
شمس حشمت ماتخيلتش روحها أم بصح الفكرة عجبتها وخلاتها تتخيل سيرتو كيعاد راح تجيبو من اياد قالت : ايه نشاله
تبسم ماتوقعش منها هاد الشي
شمس : اياد ماعليش تديني عند نور نشوفها ونشوف البيبي
اياد وهو يقرصها من خدها: ماشي دوكا راه نص الليل و
شمس قريب تبكي : لالا دوكا ديجا دوك تصحا من العملية نشوفها دقيقة برك مانطولوش بلييز
اياد ياربي راه ناكلها قال وهو يتبسم: خلاص دوك نديك ماتبكيش
شمس بدلع وهي تنوض وتخرنن : ها شوف ما بكيتش سنا 5دقايق نلبس ونجي وراحت
اياد ضحك عليها
سند راسو وقعد يتخيل شمس اونسانت ضحك وقال راح تهبلني ها الشمس
بعد مدة هبطت لابسة وكاشخة الروج في فمها قالت : كملت هيا نروحو
جبد كلينيكس وراح عندها: نروحو بصح قبل لازم نمسحلك هاد الشي ومسحلها الروج وهي تخرنن علا راسو