كرونيك :💕عنيد_&_عنيدة💕

الحلقة 91

الحلقة 91
تسطح خالد فسرير
نور جابت لابوات وراحت قنظفلو فلجرح عقماتو ودارتلو اللازم وقالت : سلامات وكملت بحزن : سمحلي كي
قطع عليها كي حط صوابعو علا شفايفها : مانحبش نسمع حتا حاجة حتا اعتذارك
حست بخناجر تنغرس فقلبها من كلامو حطت يديها علا كرشها وضغطت عليها خرجت من فمها اه خفيفة من طفلها لي رفسها هادي اول مرة يتحرك بهاد القوة كانو يعاقبها علا حياتها
خالد نخلع عليها كي شافها حاكمة فكرشها توقع تكون ولادة قال بخوف :نور واشبيك تضرك حاجة
نور غمضت عينيها وقالت وهي تنوض من قدامو :مكان والو
وكملت بغصة تاع البكا:البيبي تحرك و وجعني
خالد بلهفة:بلاك صالر لوقت تاع لولادة
نور: نو ماتخافش
تسطحت فلجيهة لوخرى من السرير غطات روحها ترقد
خالد قرب لعندها وحط يديه علا كرشها يمسح عليها قال بحنان متناسي الغضب لي كان فيه من قبيل: خسارة توقعت راح يجينا ولي العهد فهاد اللحظة
نور توترت من لمساتو قالت: لالا بعد عليا باش مايزيدش يرفسني
خالد بخبث: ما نبعدش خلي وليدي يدي حقي منك وكمل يمسح
نور زادت من توترها وخالد كمل كانو يدير فلمساج
~~~~بعد سمانة~~~~
حنان و ياسيين راحو لباريس يقضيو شهر لعسل
كانو يتمشاو فلبحر ياسين بخوف: حنان ماعليش تحكيلي علا حياتك
حنان: واش تحب تعرف اكزاكت
ياسين بتنرفيز: كلش كل صغيرة وكبيرة حاب نعرف كلش
حنان ستغربت من تنرفيزو وقامت تحكيلو من طفولتها
~~~~عند نور~~~~
كان توجد ليكزامان تاعها تريفيزي حتا دخل عليها خالد ستغربت منو علاش مايطولش عند ريم يبقا نهار معاها ويهرب
اوهمت روحها بلي راهو يجي خاطرها قريب تولد يسنا وليدو يجي
خالد سلم عليها وقعد نتابه بلي راهي مركزة معا لاريفيزيون قال: وينتا ليكزامان لخر
قالت: هدا هو
قال وهو مركز معاها: راح تكملي فدوزيام سوماستر
قالت: وي مراحش نحبس ليزيكزامان تاوعو يكونو بعد ما نولد بشهرين نكون تعديت مرحلة النفاس
خالد: تحبسيها يالفهامة في خاطر ولدك محتاج رعاية يماه فلشهور لولة
قالت وهي واقفة راح تروح: هدا وليدي وانا نعرف كيفاش نربيه خليك بعيد برك وخرجت
خالد حاب يفشخها بكاش طريحة زفر بقوة وخرج ضرب لباب موراه بقوة
نور بتنرفيز: كسرة نشاله انا لي قلت كي يتزوج نتهنا منو خرج لاصق كثر
اه نروح نوجد حوايجي باش غدوا كي نكمل من لي كزامان نروح لدارنا
~~~عند ع.النور~~~~
كانو متجمعين عندو فرار
كان حاس بتغير شمس وسرحانها قال وهو مركز معاها:شمس بنتي كاينا كاش حاجا شغلتلك بالك ولا
شمس تنهدت اه يابابا لوكن غير ما غصبتنيش نتوزج باياد لي متأكدة بلي قلبي خلاص تعلق فيه قالت:لالا غير توحشت لحنان وماني لي راحت للحج معا خالي جمال
اياد سمع لي قالتو معا روحو مامنهاش خاطر هاد لحالة جاتها من نهار لي دابزو فيه
اخ يا شمس قلبي عندو بروبلام مانقدرش نشوفك زعفانة مالغري لغلطة منك ماشي مني
طلب منها يروحو
~~~عند نور~~~
جاز عليها الشيفور وصلها لدارهم
كانت مركزة معا التلفزيون ولماكلة حتا قطع عليها التلفون لقاتو خالد قالت : افف واش يحب
حطاتو سيلونس و كملت تتفرج
~~~عند خالد~~~
كان معصب من نور علابالو بلي راهي تشوف ليزابال ماتحبش تريبوندي شاف ريم لي كوبات علا يماها قال بغضب:واش يماك ماتغلبش من لحكايات وليكيستيون تاعها لي بلا معنا
كان يغزل منها سيرتو كي تتدخل بحياتهم لخاصة
ريم بتنرفيز: واشبيك نتا معا يما اسمع حدك يحبس عندها فهمت
خالد اه علا زهري معا النسا وحدة تخلات عليا علاجال لقراية ووحدة جاهلة وبهلولة نحسها من جيل الستينات