كرونيك :💕عنيد_&_عنيدة💕

الحلقة 100

الحلقة 100
~~~~الحسناء والوحش~~~~
غلا وفقر باباها والمكتوب هو لي رماها بين يدين عزام لي ما يرحمش كانت تسعا باش تنفبذ اوامرو بلحرف تخاف لوكان يضربها ولا يزعك باباها من الخدمة
تحس بلي مورا هاد العزام كاين عزام حنين والطيبة مخبيها مور القسوة تاعو شافت هاد الشي فعينيه كل ما يضربها ولا يعيط عليها وكأنو يدير هاد الشي من فوق قلبو نفضت هاد الافكار من راسها وبقات تخمم كيفاش تهرب منو قبلت بقرار باباها باش يهربها لعند يماها وتبعد علا عزام و الظلم تاعو
عزام مخو تحرق من التخمام حس روحو غبي وحمار وقت ما خمم ينتاقم من حميد عن طريق بنتو خاطر غلا خرجت قوية ما يقدرلهاش ببعمرو ماحس بروحو حب علا مرا كيما حب عليها هي حتا بنت عمو ومرتو لولة جامي حس بهاد الاحساس معاها اول مرة يحسو معا غلا
~~~~فدار تاع هبة~~~~
كانو متجمعين عندها بمناسبة خروج نور من السبيطار
كان عندها خوها علي معا عايلتو جمال وعايلتو الجدة شمس وحنان
فالصالون
قاعدة الجدة وولادها علي وجمال خالد وايهاب ونساوين ولادها وهبة وراجلها ليماعندوش دور فلحكاية😂
هبة قاعدة تصبلهم القهوة وتضيف فيهم
خالد قاعد فجيهة يلعب بوليددو ويبوس فيه هو وخوه ايهاب
الجدة بتنرفيز من خالد وايهاب لي كلاو الطفل:هبة رفددي هداك المغبون من عند هاد الوحوش وديه ليماه قبل ما ياكلوه
الكل مات بالضحك عليها قال ايهاب وهو يضحك:ماتلوميناش ماني والله غير يشهي
خالد بتنرفيز: قول ماشاء الله يا خويا بلاك تضربو بلعين مسح علا خشم وليدو وباسو

الجدة بغضب: قوتلك نوضي خير مانوض انا بصح الحق علا يماه لي قاعدة تحكي ونسات ولدها عند هاد لوحوش
الكل يضحك
هبة بثقة: هسس يا يما بلاك تسمعلك واش راكي تهدري عليها وهي بسيف لا رضات تعطيهولي نهبطو حتا قوتلها بلي عمو ايهاب جا يشوفو
خالد مركز معا عمتو كي كانت تحكي عليها حتا قالت:يلاه هات نديه خلاصت الزيارة وهي تضحك
خالد: لالا يا عمتي خليه دديجا ملي جيت وهو راقد نسنا يفيق نشوف عينيه نموت عليهم
جمال بخبث هو متأكد بلي فهد يشبه لماماه بكلشي بشرتو بيضا عينيه الواسعة نعسانين قال وهو يتبسم: غير العينين لي عجبوك
خالد بتبهليل : لالا حتا فمو يهبل وجا يبوسو بصح هبة سحباتو بسرعة خاطر يماها ولات تعيط
جمال بخبث وهو يغمز فيه حاب يعرف مدى حب خالد لنور بغا يفضح هاد الحب لي مخبييه خالد فقلبو
خالد فهم قصدو رفد مخدة وضربو بيها والكل يضحك عليهم
فلاشونبر عند لبنات
دخلت يماها بفهد وقالت ببتسامة:حكمي ولدك كان قريب يموت بين يدين بباه وعمو شوفي كي ردولو وجهو
نور شافت فوليدها لي خدودو تنفخو من البوسان قالت:انا الحمارة لي عطيتلهم ولدي ياكلوه مسحت علا خدود ولدها و قالت: يايما علا ولدي الصغير كلاوه
حنان وشمس يضحكو عليها خزرت فيهم لي قالت: الا صرالو شي فايهاب ماعندوش ذنب خاطر خالد مخلالوش المجال
شمس بخبث: وانا قولت وين شفت كيما هاد الاثار طلع خالد لي يخليهم
حنان بخبث تعاون فشمس: صحا علا خويا حاب يعوض من وليدو
ضحكو معا بعض و نور شعلت فيها النار
قالت بغضب: خلاص وليتو ماتحشموش كي تزوجتو واقيلا عمبالكم مانشوفش لي تراس لي يخليوهم رجالكم فخدود تاعكم ورقبتكم ويلا غطيتو بلماكياج يباان
هبة ماتت عليهم بالضحك وحنان وشمس سكتو وحمارو من الحشمة