كرونيك :💕عنيد_&_عنيدة💕

الحلقة 109

الحلقة 109
نحس فروحي ملكة غلا راح تعيش فهاد الترف يكتر خيرك يا عزام ماهوش مقصر معايا لا فلبسة لا فلماكلة كلش متوفر غير هنا كينين الخدم ماشي كيما موالفة انا لي نخدم
تبسمت ورحت نستكشف فلجناح

~~~عند عزام~~~
قاعد يجاوب علا استجوابات يماه
مرتك ماهيش اونسانت واش قرات علاش حبست حالتها تبهدل ماتعرفش تلبس لازم نعلمها خير ماتبهدلنا قدام عايلتنا
عزام مقدرش يزيد دقيقة ناض قالتلو ببرود:وين دوك نحطو لعشا اقعد
عزام ببرود: طلعولنا لعشا لفوق وراح
يماه هاو بدا من دوك يجبد روحو من عندنا
ناضت توصي لخدم يوجدو لعشا
غلا بغاد دوش بصح مزال ماوصلوش حوايجها
عيطتلهم فتلفون قاتلهم يطلعولها ليفاليز
دخلت لسالدوبان بين ما يوصلو حوايجها
عزام دخل ودخل معاه ليفاليز لي حطوهم قدام لباب حطهم فالصالون وراح سكر لباب
غلا كملت وخرجت لافة عليها فوطة حشمت تلبس الصورتي دبان تاع عزام
كانت تظن بلي لخدم حطو لي فاليز وخرجو
كانت تمشي بزربة حفيانة وزيد الكرلاج بارد دخلت باش تدي حوايجها صدمها كي لقاتو قاعد ثم
حست انو الانتعاش لي كانت تحس فيه تبخر وحرارتها وصلت لربعين
عزام بلع ريقو وحس بتريسيتي ضربت فيه بقا مبحلق فيها كأنها حورية خرجت من لبحر
شاف فرجليها وبدا يطلع حتا وصل لشعرها
لي يقطر منو لما ويشد طريقو فالشق تاع صدرها
غلا داركت الوضع لي راهي فيها جرات للسالدوبان دخلت وسكراتو
عزام دايخ منها فطن كي لقاها طارت من عندو مسح لعرق لي تصبب فعنقو رفد لافاليز تاعها دخلها لاشونبر
وقف قدام باب السالدوبان بلع ريقو وقال وهو يبعد التوتر: حوايجك راهم هنا تقدري تلبسي راح نسناك فطالون نتعشاو
غلا ترجف من التوتر والخوف هي وين والعشا وين منين راح يفوتلها منبعد هاد التبهديلة
غبية جايحة كيفاش نخرج عريانة واش راح يقول عليا باينة راهي تغري فيا
خرجت بلعقل رحت قفلت لباب بلمفتاح
لبست روب نوار طويلة وزدت فوقها جيلي طويل اععععع نبهدل راح يضحك عليا كون نلقا نخبي كلشي منبانش ايما وليت نخاف منو مهما يكون فهو راجل
اخ باينة كينخرج عندو عريانة نفيق غريزتو
عزام سناها كي شافها طولت بغا ياكل ويخليها بصح حبس كي سمع لباب تفتحت شاف فيها بغا يضحك ههه يعني كان متوقعها منها ملي شافها اكيد مراحش يزيد يشوف منها حتا رقبتها خباتها بشعرها علابالي بلي دير هكدا باش متلفتش انتباهي بصح لي متعروش انو هي شابة كيما كانت تكون
غلا حسيت هادي اول مرة نشوفو ماقدرتش نشوف فعينيه قعدت فكرسي بعيدة عليه نرجف
عزام ببرود: قربي تاكلي
غلا بتوتر: كي تكمل نتا ناكل