الحلقة122
قربت لعندو وقالت بشوية: عزام نوض تشرب الدوا
عزام حاول ينوض مقدرش سطحاتو غلا وقعدت قدامو شرباتو شوية من لاسوب وعطاتلو الدوا
عزام بتعب: غطيني بردان
غلا سحبت لغطا غطاتو وهي حشمانة خاطرو راقد بفوطة زادت تفتحت
رقد ديركت وهي مقدرتش تخليه قعدت قدامو تقرا القرآن
~~~فدار سي علي~~~
كانت عندهم حنان قعدت تحكي معا نور
حنان وهي تبوس فهد: واو خشمو زاد كبر شوية
كملت ببتسامة: والله غير راه نسخة عليك
نور مخنوقة تخمم فخالد وتصرفو فال: ايه حبيبي هادا نموت فيه
بدا فهد يبكي رفداتو وراحت تغيرلو حنان حست بيها وبحزنها عذرتها خاطر ملي جات وهي ساكتة متهدرش بزاف حكاتلها يماها علا تصرف خالد كي جا عندهم وكانت خايفة عليه واش لي غيرو فهاد ليام
~~~عند غلا~~~
غفات وهي قاعدة قدام عزام
عزام فتح عينيه كان مزالو يرجف من السخانة دور راسو تصدم من الشعر لي لامس وجهو
عزام اه مصدقتش غلا بقات معايا ومخلاتنيش وانا بهاد الحالة حس بكحة راح تهاجمو كح بقوة خلع غلا لي نقزت من بلاصتها مخلوعة
عزام بسيف باش قدر ينطق: عطيلي لما
غلا مدتلو لما شرباتو وقالت: عزام نعيط ليماك توصلك لسبيتار
عزام تقعد وقال بتعب: لالا عطيلي حوايجي نلبس
جابتلو حوايجو عطاتلو التريكو حست بلي عاجز مقدرش يلبس عوناتو لبسو مدتلو السرول وقالت بخجل: نروح نوجدلك شوربة مليحة
كانت حشمانة متقدرش تشوفو عريان
عزام لبس سرول تحت لفوطة بصعوبة وقال : خلي الخدم يوجدو الشوربة ونتي قعدي هنا قدامي بلاك نحتاجك
قال هكدا باش متبعدش عليه
غلا ماشي موالفة تشوفو ضعيف ديما قوي قالت: اوكي عيطت للخدم
شافتو راح يرجع يرقد راحت سقمتلو المخدة
شاورها باش تقعد فلكرسي قدامو كانت حشمانة خاطر عزام لاف جيهتها يخزلها هيا مفهمتش واش يقصد بنظراتو
ماحست غير بيه سحب يدها لفمو باسها حست برعة سرات فجسمها وانفاسو السخونة تضرب فيدها حط يدها علا خدو وقال بتعب: نظن طفشتي من قعدتك معايا وكح بقوة
غلا بضيق : خلي عليك هاد لهدرة وخليني نقول ليماك تجيبلك طبيب
كانت خايفة من سخانة لي فيه قال: نتي طبيبي ونتي دوايا خليك قدامي برك
أنت تقرأ
كرونيك :💕عنيد_&_عنيدة💕
Любовные романы#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
