كرونيك :💕عنيد_&_عنيدة💕

الحلقة 117

الحلقة 117
~~~عند عزام~~~
كان يدور معا غلا وخواتو فليمول اومبعد يروحو يتغداو برا
دنيا كانت تجبد فختها لسونتر تاع السيكان
غلا كانت تمشي برك مفكرتش اصلا تشري حاجة خممت غير واش تشري لباباها كادو غيرهم هما ليماخلاو ماشراو
عزام ببرود: دخلي شري كاش حاجة راح تلقايهم رخاس
غلا نتا الرخيس واقيلا فيبالو مانقدرش نشري وانا دراهمي نقدر نشري بيهم قصر راهم فلبنك مريحين منقصت منهم فرنك
عزام تغلت كي تجاهلتني وبقات ساكتة قلت: دخلي نشريلك علا ذوقي ودخلت خيرتلها كعبات وهي واقفة قدامي مصدومة كي لبهلولة
غلا اووف علا يديرلي هكدا انا مانحب من عندو والو يكفي لحوايج لي شراهم راهم فدار النص مزال ملبستوش نحس تصرفاتو متغيرة همنا مولاش يعيط عليا ولا يتأمر يلعبها قدام عايلتو الزوج المثالي الصراحة نحشم قدام يماه وخواتو خطرة يلصق فيا خطرة يبوس نحب نعيط عليه ونبعدو بصح نخاف نفضح لحالة راح يقتلني
بعد ماخلصو خواتو من الشوبينغ داهم لريستو باش يتغداو كان معصب من غلا لي مادارتش كاش جاست قدام خواتو وشرات حاجة ندم كي خرجها معاهم
بعد ما تغداو طلبو يروحو للدار خاطرهم عياو
غلا بعد ما دخلو قعدت فلجاردان تشوف لوردات
خاطر لبنات راحو يرقدو وهي ماشي موالفة ترقد فالنهار ثاني مبغيتش نقعد معا عزام
شفت لجرغدان تاعهم كان قمة فلجمال فيه كل انواع الورود وكل الالوان
قعدت نشم فلورود غست معاهم تفكرت بابا توحشتو بزاف وكأنو عندي عام مشفتوش
فيقني صوتو كي قال: علاش راكي قاعدة هنا
عزام شافها طولت راح يحوس عليها ستغرب كيمالقاهاش عند خواتو كيما لعادة
غلا متحركتش قالت بخوف: قاعدة نشم شوية هوا
عزام قرب عندها ققعد: مي لي نشوفو راكي تشمي لورد ماشي لهوا
غلا شفت معاه بوحد الشوفة مافهمتهاش منحبش ندخل معاه فنقاش حتا لو كانت تافهة
عزام حسيت من شوفتها بستهزاءها مني قلت ببرود وانا نقطع وردة مديتهالها: هاكي بلاك عجباتك حشمتي تنحيها
غلا عصبني حاسب روحو يدير مزية كي يديرلي حاجة علابيها مانقبل منو حتا حاجة قلت وانا نوقف: صحيت بصح شكون قالك نحب ورد اصلا انا مانحبش نقطعو
عزام نتي وردة ماتحتاجيش للورد قلت : يعني لهاد الدرجة قلبك حساس مانضنش
غلا تجاهلت فلسفة تاعو الزايدة جيت نروح حكمني من يدي ودورني لعندو بقوة وقفني مقابلتو قدقد قال وهو يرص علا كلامو: واقيلا ماتفهميش
كان يغلي من داخلو نظراتو يضربو فعينيها كي السهم حتا خافت منو قالت: واش درت
عزام بغيت نخنقها علا قلبها لبارد لي مايحس بلحرقة لي فيا قال بغضب: اخر مرة تتجاهلي كلامي وتمشي داكور
غلا بخوف: اوكي وكملت وهي ترجف: ودوكا نقدر نروح
عزام بلعياط: قلبي وجهك منا
راحت وهو يغلي وحدو
~~~عند نور~~~
كانت تريفيزي مبقاش بزاف علا ليكزامان تاعها
كانت مستغربة من خالد لي ماجاش لعندهم حتا كي سقسات عايلتو قالو بلي قليل وين يمر عندهم
كانت تحس بخنقة حابة تشوفو ماعليش ماتحبوش بصح تحب تشوفو وطمن عليه ويشوف ولدو لي ماولاش يجي لعندو بعد ماكان مايقدرش يجوز نهار ميشوفوش
كملت من توجاد ليفاليز تاعها خاطرها راح ترجع لدار خالها اصروا عليها باش ترجع فخاطر فهد الصغير
راحت قعدت قدام وليدها راقد حست كأنو يلومها علا غياب باباه
نور وهي تمسح علا راسو بخفة : سمحلي يا وليدي باباك تخلى عليك بسبتي