الحلقة 90
~~~عند خالد~~~
وصل رييم لعند عايلتها وقال بلي رايح يبات عند عايلتو شافها كيفاش شنفت وخنزرت فيه مهدرش معاها تجاهلها
وصل لدارهم موخر شوية دخل لقا يماه تجمع فروينة تاع لكوزينة خزرت فيه وقالت بخوف: اه وليدي واش صرا نشاله خير واش جابك فهاد لوقت
خالد بابتسامة: بلعقل يا يما مكان والو ولا نسيتي بلي حتا هادا داري
يماه : ايه يا وليدي بصح لازم تقعد معا مرتك
خالد غزل من كلامها: واقيلا نسيتي بلي مام نور راهي مرتي وراح طلع لدارو
نور كملت من مسحها للماكياج راحت تنحي الروب تاعها بصح حبست كي سمعت لباب يتفتح راحت تشوف تصدمت كي لقاتو خالد
خالد بابتسامة: السلام وعليكم
تنهد وقال يا ربي هاد المرا تسحر راح تقتلني حتا بلا ماكياج زينها ديما يفتق كانت مزالها بروب لي لبساتها لاصال روب واسعة من التحت
نور ببرود : وعليكم السلام وراحت لاشونبر تبدل
~~~عند نور~~~
نور تعصبت منو علاش جا لعندي جا باش يزيد منعندي يحلم باش يقرب لعندي ديجا راني عايفاتو
تجاهلت دخولو رفت بيجامة تاعها ودخلت لسالدوبان تبدل
خالد نقهر منها ماسلمت عليه كيما لعباد ولا هدرت معاه ماقيماتوش قاع
نحا تريكوه حطو علا الكرسي وتسطح فسرير يمسح علا شعرو
اخ يا نور وقتاش تحسي بيا والله غير ندمت راني متعلق بيك نتي وحدك مالغري تزوجت بصح مانحسش بالراحة معاها
بعد ربع ساعة خرجت لابسة بيجامة قرونا
قعدت قدام لمراية تحط لمرطب علا جسمها قالت ببرود
وهي مركزة معا رجليها لمنفخين : واش جابك واقيلا العروسة حاوزتك
خالد غزل من كلامها قال وهو يعدل روحو: لالا برك حبيت نعدل بيناتكم هدا مكان
نور: بصح انا راني متنازلة علا حقي فروح لعندها فرحها وتبسمت بستهزاء
خالد بغضب: الظاهر راح نستعمل معاك اسلوب ثاني يا نور اصبري حتا تولدي وتشوفي
نور بغضب: نتا لي جايبها لروحك طلقني وراح نتهناو في زوج وانا مانسكتش حتا نتخلصص منك
خالد العصب طلع كون يضربها بصح خايف عليها ماحس بروحوحو غير كي لوح لفاز كي كان محطوط قدامو
نور قفلت وذنيها وجمدت فبلاصتها من لخوف
خزرت فيه لقاتو ينهج كسر خاطرها
حس روحو هددا شوية قعد فلقاعة يستغفر ربه ويدعي باش يصبر ما يتهورش
كانت قدامو قطعة تاع الزجاج بعدها بيدو بصح جرحاتو
خزرت فيدو قربت لعندو قعدت فسرير وخالد فلقاعة
كان مهبط راسو يضغط عليه بقوة
قالت بهمس وخوف : خالد
خالد تنهد وقال: نور بعديني خير ماندير فيك حاجة نندم عليها
نور غمضت عينيها بقوة وقالت: اوكي راح نخليك بعد ما نعقملك الجرح وراحت تجيب لبواط
خالد قام لبس سروال تاع لبيجامة ومن لفوق عريان
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
