الحلقة 94
~~~عند نور~~~
فاقت وقالت بتعب: يما
هبة وخالد كانو مركزين مع البيبي سمعولها وروحو لعندها
هبة باستها وقالت: حمدلله علا سلامتك يا بنتي ومبروك عليك فهد الصغير
نور:يبارك فيك وي..
كانت راح تسقسي علا ولدها بصح صدمها خالد اللي قرب عندها وباس راسها وقال ببتسامة:مبروك علينا فهود يا عمري
نور حشمت سيرتو كيشافت يماها مركزة معاهم قالت:يبارك فيك وكملت تحكي معا يماها:يما وينراه ولدي بغيت نشوفو
خالد حس بجفافها كي ردت عيه
هبة ببتسامة:هاوليك راقد الله يبارك يبان فنيان وراحت تجيبو بصح خالد سبقها وراح رفدو
قرب لعندها وقال شوفيه هدا انتاجنا زينون الله يبارك وغمزلها
نور ماتقدرش ترفدو علا جال لوبراسيون كان تلقى ترفدو تبوسو وتشم ريحتو كان شكلو يهبل وجهو حمر وصغير قالت : يا يما صغير بزاف
هبة ضحكت وقالت :ههه لالا الوزن تاعو مليح برك عندو 4سوايع ملي تولد علا بيها
خالد قعد عند رجليها فسرير رافد وليدو يبوس فيه قال: عمتي شوفيه راه يشبهلي ياك
نور كانت راح تهدر وتعتارض بصح وجود يماها سكتها
هبة تضحك: ها خليه يزيد يكبر شوية اومبعد نشوفو لمن يشبه
قطع عليهم دخول شمس الارهابي بدون استاذان
~~~عند ريم~~~
كانت معا يماها الغيرة تاكل فيهم ملي سمعو بلي نور ولدت
ريم : اخ يا يما عندي ساعة وانا نعيطلو وهو متجاهلني ميريبونديش ممبا
يمها: ومزال تشوفي ما كثر الا ماسمعتيش كلامي
ريم واش تبغيني ندير انا افف ماعرفتش لمهم خالد يبقا معيا ويبعد علا نور
يماها: شوفي لازم عليك ترفدي بلكرش
ريم بحزن: يا ما هدا راه فيد ربي سبحانو ماشي فيدي
يمها اه يابنتي طاح زهرك معا هادا خالد اللي باين حبو لمرتو انا لازم نتصرف ونخليه خاتم فيدك وتبسمت بخبث
قالت :خلاص الحل عندي بصح لازم تنفدي كل لي نقولك عليه
ريم شافت فيها وقالت: اوكي
~~~عند غلا~~~
بعد ما حطت العشا لعزام راحت تكمل شغلها تجمع الزجاج المكسر فكل مكان
كانت تسرق منو النظرات كان ياكل بهدوء كأنو يفكر
جمعت كلش وراحت ترميه
دخلت للكوزينة رماتو وزفرت بعصبية : اففف حابة نروح عند بابا بصح علابالي هاد الحيوان مايخلينيش خلعها صوتو وراحت تشوف واش يحب
عزام لي شبع شافها مكانش قدامو عيطلها
غلا جات وقفت قدامو وقالت : نعم
غزام بغضب: جمعي عليا هاد الشي
غلا جمعت الطابلة وراحت
هو راح لاشونبر تاعو نحا حوايجو رفد فوطا ودخل للسالدوبان
~~~~عند نور~~~~
نور بلعياط: هاي شمس راكي قتلتي وليدي بعدي عليه خليه يتنفس
شمس بتنرفيز وهي معنقا فهد:حسديني عليه سبحان الله
هبة تضحك عليهم:هدا من النهار لول راح تهبلينا من خوفك عليه
شمس: شفتي ياخالتي زعما غير هيا لي ولدت
وناضت تخرج وفهد فيديها رايحة توريه لاياد
نور بتنرفيز: هيه روجي جيبي وليد ليكم تبسمت وكملت : ولا نقولك خليها بنت باش نزوجها لفهد
شمس عجباتها لحكاية تجاهلتها وخرجت لعند اياد
شافتو واقف يحكي مع خالد قالت بسعادة: اياد
دار وقرب عندها شمس بفرح: ارواح تشوف فهد صغير وحلو
اياد قرب لعندو باسو قال: الله يبارك بصح والله غير قهرني ولد خالك نافخ ريشو بعد ما ولا بو
شمس : والله حتا يماه زعما غير هما لي جابو ولد
شمس حشمت قالت: نروح ندي فهد ليماه يبان جيعان اياد ضحك عليها عرفها تليكيدي فيه: اوكي ديه و يلاه نروحو للدار راني غلبان وجيعان
دخلت وحطت الطفل فحجر خالتها سلمت عليهم وخرجت
يا صديقي في هدا الزمن كل شيئ يقع
الذي لا تبيعه هو سيبيعك
الذي لا تخونه هو يخونك
ويكون اخر احد تتوقعه
هل تعرف اول من يجرحك
صديقك
امسك دموعك
احبس جروحك لا تشتكي
الااا لخاااالقك
~~~~عند عزام~~~~
فاق علا صوت الرافاي كانت الستة تاع الصباح
اففف واش داني نخدم عند بابا طول عمري مرتاح لي نبغيها توصل عند رجليا لكونت توجور معمر بعمري ماخصتني حاجة واش بلاني حتا نروح نخدم ونوض بكري اففففف
قام للسالدوبان دوش فرش سنانو مشط شعرو لبس شورط قصير وخرج
تصدم من الدار كلشي في بلاصتو متقولش هدا لي خلاه قبل ما يرقد
ماشافهاش فصالون عرفها راقدا فلبيرو راح لعندها
غلا ماكملتش للفجر صلات وراحت ديراكت رقدت
كانت راقدة فلفوتاي بلا غطا وبحوايجها مابدلتش ممبا
ماحستش بعزام لي دخل عليها العادة تنقز ديراكت كي تسمع الباب تفتح
عزام بتنرفيز: هاي نتي نوضي وجديلي لفطور
شافها ماتحركتش خاف و قرب عندها
با ربي واقيلا ماتت قعد قدامها يتحسس نبضها تنهد وقال لحمدلله عايشة باينة تعبانة علابيها رقدت هكدا يا عمري قرب عندها باسها من خشمها سحرو صغر حجمو مسح علا شعرها غطاها وخرج
وجد روحو وخرج يفطر برا
~~~عند حنان~~~
كانت فرحانة بفهد الصغير حتا مل ياسيين من كتر ماتحكيلو عليه
كانت متسندة علا كتفو قالت: حبيبي وقتاش نروحو توحشت دارنا
ياسين : وعلاش راكي مزروبة مزال ماكملناش لفاكونس تاعنا وجبدها لصدرو
حنان: لالا بصح والله غير توحشتهم وحابة نشوف فهد الصغير
ياسين: والله انا لي خليت وليدي مانيش متقلق كيفك باش تشوفي فهد
حنان تقعدت وقالت بتنرفيز: والله ماشي كيفكيف نتا الا ماعندكش قلب وماتحسش انا نحس توحشتهم غبت عليهم سمانتين
أنت تقرأ
كرونيك :💕عنيد_&_عنيدة💕
Roman d'amour#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
