كرونيك :💕عنيد_&_عنيدة💕

الحلقة 67

الحلقة 67
حنان تجبد فيه باش تخرجو قال بغضب: تروحي للطبيب و بالسيف عليك اوكي
علي بلعيط: خلاص نتا اخرج انا لي راح نديها
خالد زفر و طلع وهو يغلي
حفصة عانقتها و عاونتها باش تلبس هي و حنا وشمس
حفصة هي الي راحت معاها
@بعد ساعة@
قاعدين فالصالون يسناو كاش واحد يطمنهم علا حالة نور
اياد مركز معا خالد لي يبان مقلق يديه و رجليه يرعشو باين بلي خايف عليها و يحبها
صونا تلفون خالد كامل خزرو فيه كان باباه
خالد بلهفة: وي بابا خبرني واشراهي نور
علي: لاباس يا وليدي بصح لازم تبقى تحت المراقبة 2جور باش يطمنو علا حالتها و حالة البيبي عيطلك باش نخبرك بلي راح نرجعو للدار و نتوما جمعو حوايجنا و تبعونا
خالد: اوكي ساعة ونكونو عندكم بصح طمني علا نور كل شوية
علي اهه يا خالد مدامك تحبها علاش طلقتها و تزوجت عليها قال: داكور و كوبا

~~~الساعة23:00~~~
عند غلا
كانت تنظف فالصالون لي رجعو عزام و صحابو كأنو زريبة ماشي صالون وهي مندمجة معا التنظيف حتا حست بالباب طار من بلاصتو دورت تشوف فيه داخل و عينييه تقدح شر
كان عزام جاي يصفي شغلو معا حميد مالغري سبو و شتمو بصح ما بردش قلبو دخل بصح اتصدم من الحورية لي لقاها قدامو
غلا عيونها زايغة من الخوق تمشي و تدعي ربي يفكها منو عدات من قدامو و بسرعة البرق هربت شيعها بعينيه حتا لقاها طارت
عزام كان مركز معاها فاق معا روحو وقال : معقول يكون الي شفتو قدامي انسان ههه هبلت واقيلا اههه ممكن تكون هادي هيا غلا بنت ال
ففف لا حول نسيت قاع واش جابني لهنا ملي شفت هاد الطفلة خربو خيوطي مسح علا وجهو و بدا يعيط علا حميد صوتو زعزع الدار
حميد كان خايف منو علابيها عيط لباباه ديراكت
غلا كانت معانقة بباها و تبكي خايفة منو خوفتها نظراتو ليها ماغري ما تحرشش بيها بصح خافت منو
عزام وهو يعيط سمع صوت باباه من وراه

دار لعندو شافو واقف معا حميد
قال بين روحو زعما عيطت لبابا يجي يسلكك تبسم بخبث و قال: هاه الوالد راه هنا نورتلنا الدار
تلفت لحميد و قال وهو يتبسم: عمي ماعليش توجدلنا القهوة و تجيبها للصالون
راح هو و باباه للصالون لي بنفسو منصدم من وليدو و حتا من حميد منصدم و قال بنفسو : عمي ههه هو بعمرو ما قالها

@@@@@@@@@@@@
واش هي اقتراحاتكم معا ابطالنا
نور و خالد؟؟؟
شمس و اياد؟؟؟
حنان و ياسين؟؟؟
وعزام لي حط فراسو خطة خبيثة باش يكسر راس حميد