الحلقة 74
~~~عند عزام~~~
دخل يتلفت حاب يشوفها عيط لها: غلاااااا
جات تجري لعندو وهي تدعي فسرها باش يحفظها منو
قالت بخوف: نعم
عزام بلعياط: حطي لعشا
حركت راسها بلموافقة وراحت تجري للكوزينة
بعد ما وجدت كلش دخل عليها وهي جات تخرج بصح تفاجئت منو كي حكمها من يدها وقعدها بركايبها عند رجليه وقال باستحقار : كي نكون ناكل تقعدي هنا حنا نكمل و تجمعي
غلا حكمت فيدي لي وجعتني من قوة الشد حقير حاب يستعبدني عندو
ناضت وقالت بنبرة استفزاز:مانيش عبدة عندك باش تقعدني تحت رجليك
بعدت عليه و كملت:راني فالصالون كي تكمل عيطلي
عزام قلب الطابلة و ناض من بلاصتو لحقها وشدها من شعرها بقوة وقال: سيي راكي عبدة وخدامة يا بنت الفقر
غلا وهي تجبدلو فيديه: اااا نحي يديك يااااا
ماكملتش خاطر سكرلها فمها بيديه و قال بغضب:نو نو نو ماتعاندينيش لي نقولو راح تنفديه و بالسيف عليك داكور
دزها بقوة لين طاحت فلقاعة وراح
غلا سقمت شعرها لي نتفو وناضت: حيوان وراحت للكوزينة تلم الروينة لي دارها
~~~~عند الجدة~~~~
اليوم كامل مجمعين عندها كل اخوال شمس جاو يتغداو عندها وشمس محبش إياد يجيبها خاطر حاس روحو عريس جديد حاب يتمتع بحبيبتو
جدة شمس و هي تصبلهم القهوة لولادها: اهه عندي يومين ماشفتهاش وكانهم شهوور توحشتها
جمال يضحك: يومين و تهدري هكدا لوكان عام واش تقولي
الجدة بخوف: الله لا يجيب هداك لوقت ونشاله ماتغيبش علا عيني طول مانا عايشة
جمال يعرف مدى تعلق يماه بشمس حتا ولا يغير منها خاطرها تحبها كتر من ولادها وولاد ولادها
علي كان قاعد قدام ختو هبة
فهد باهتمام: قولي لبنتك ترجع لدارها متعاندش
هبة :بنتي مقهورة الي دارو فيها خالد ماشي شوية
علي بثقة:خليها تولي متخافش انا لي راح نحبسو عند حدو وديجا كي يزوج يروح لدارو وحدو
هبة: اوكي امبعد نهدر معاها
نور و حنان كانو قاعدين فلاشونبر تاع شمس لقديمة
حنان وهي تحاول تنسي نور فحزنها: معرفتيش واش عندك(تهدر علا البيبي )
نور: وي بصح مانهدرش حابة نخليه مفاجئة
حنان: ااا مانقبلش لازم تقوليلي نوعدك مانحلش فمي
نور:ها ماقلتش حتا لشمس لي بدات تبكي باش نقولها قلت حابة نخليها مفاجئة وتمت تضحك علا حنان لي شنفت وبدات توعد فيها بصح هي ماحبتش تقولها
لحت عليها كي ماقدرتلهاش سكتت وخلاص
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
