كرونيك :💕عنيد_&_عنيدة💕

الحلقة 41

الحلقة 41
خالد تعصب من لاريبونص تاعها مكنش متوقعها دور راسو قال: بلامزية و خرج
نور طاحت فلقاعة تبكي تبكي على حب طفولتها لي ضاع منها
بعد ما تهدنت شوية لبست حوايجها و عيطت لشيفور تاع عايلتها باش يجي يروح بيها
~~~~عند حنان~~~~
دخلت لونفي اتصدمت ملي شافتو حبست فالدروج تشوف فيه
حتى هو مكانش متوقع هاد الشي بصح داخلو فرح كي هي طالبتو قال و هو يتبسم : مادمزال تفضلي
حنان هاا و الله غير خرج بروف و راح يقريني ياك هو ولا تخربطت لالا هو بالدات لي فرغ عليا لبارح القهوة ااه يا ويلي قعدت و هي حشمانة
ياسيين ااه على حشمتها نحسها exceptionnel خاطر بنات هاد لوقت لا حشمة لا والو قال: عفوا ممكن اللي دخلت اللخرة تعطيني اسمك باش نسجلك مع لحضور
شافت فيه و قالت : حنان#####
~~~عند نور~~~
راحت لفاك حضرت ليكور تاعها بصح عقلها يخمم فخالد يعني علاش راه هكدا بارد معايا باينة بلي غصبوه باش يتزوج بيا
بصح لكان مغصوب ماكنتش حسيت بيه كي يتوحشني و رغبتو كي يكون قريب ليا ولا كان يبين هادشي برك باش يشبع رغبتو و غريزتو اههه وانا علاش معنديش بلاصة في قلبو اففف والله غير قلبي يوجعني جرحتني يا خالد
شافت الساعة افف مزال نحضر كور وحداخر بصح ماحبتش تتدخل حابة تفرغ قلبها لكاش واحد حشمت تعاود لحنان لكونها ختو لخالد فلقات انو شمس هي الحل حكمت تلفونها و عيطتلها
~~~~~عند حنان~~~~~
حشمها بزاف ملي دخلت و عيونو عليها و هي راسها ماطلعاتوش قاع حتا كي تحب تسقسي على كاش حاجة تشوف فالورقة مترفدش عيونها خلاص
ما صدقت خلاص الكور باش تخرج وقفت سكرت لفاست تاعها و مشات و هو يمشي وراها فاقت بيه ولاو خدودها طوماطيش هههههه
ياسين بين روحو الله يبارك هاد الطفلة زين و عقلية و أدب و أخلاق ماشاء الله انتابه لروحو و قال بغضب: وانا واش دخلني ف ر** علاش حكمت عليها بهاد السرعة اكيد راح تخرج كيفها خاينة و ديجا كلهم كيفكيف
~~~~عند شمس~~~~
اتافقت هي و نور باش يتلاقاو عند جداتها
لبست جوب مييني لارج نوار زادتلها شوميز كروفات و سندال نوار سرحت شعرها هزت بوشاتها و خرجت
هبطت فالدروج طير و تغني راحت عند باباها
ديجا كانت عندو تنشعلو على عيشتها عندو حتا عصباتو و جرا عليها من لاشونبر
شاف فيها و تبسم يعني مهما ديرلو و تعصبو تبقى بنتو لوحيدة من الغالية: قال: راني شايفك محططة وين رايحة
شمس تخنزر: رايحة عند ماني
ع.النور بتوتر: اييه و ماتقدريش تأجلي روحتك لعنها ليوم خاطر كاين موضوع راح نحكيه معاك
شمس: نوو مانقدرش
ع.النور: خلاص كيما تحبي بصح الحكاية راهي حكاية تاع الخطبة كاين واحد تقدملك
شمس خافت لا تكون جداتها دارتها من وراها قالت بخوف: ما يكونش ايهاب
باباها باستغراب: نوو مي و علاش كاش مكاين
شمس: اففف حمدلله ياربي تولهت لباباها لي مصدوم: خلاص قابلة على هداك لي جاي يخطب
باباها زاد تصدم منها: كيفاش قابلة بلا ماتعرفي شكون
شمس:اييه قابلة مايمنيش شكون لمهم ماشي ايهاب
خرجت و خلات بباها داهش
~~~عند خالد~~~
دخل للدار و بقا يحوشس عليها ماشافهاش
راح لاشونبر تاعهم مكانش
خالد: ااه بوون سافي دارتها مخداتش برايي و راحت لفاك دوك نشوفو الا ماوريتلكش الويل عيعاندتيني مانتسماش خالد
حكم التلفون و عيطلها