كرونيك :💕عنيد_&_عنيدة💕

الحلقة 82

الحلقة 82
~~~عند شمس~~~
شمس مازال ماقعدتش معا جداتها ما شافتش ممبا فيها من بعد ما تهاوشو
اول ما شافت حنان و نور قامو نضت من بلاصتها ونقزت عليها تعانقها الجدة ومي معانقة شمس تشم فيها ريحة بنتها حنان قالت بحزن: سمحيلي يا بنتي تسرعت ورفدت يدي عليك كان لازم نفهم لحكاية قبل
تنهدت و كملت : يكتر خيرو اياد لي فهمني لحكاية
شمس بعدت عليها مصدومة: اياد واش من حكاية
الجدة: حكاية هواشك مع ايهاب بصح بهدلتو كيما يبغي الحال وهو ندمان بغا يطلب منك السماح
شمس ها واياد واش عرفو بلحكاية قالت: مانحبش يطلب السماح اصلا اعتذارو مرفوض
وكملت تتبسم:خلينا من هاد الحكايات الي نبغيه دوكا هو حضنك
~~~~عند لبنات فلاشونبر تاع شمس~~~~
الساعة 01:00
كانو سهرانات يضحكو ويحكيو
نور وهي تنخز شمس: ها شمس والله باين تحبيه من عينيك والتهديد تاعو جاب نتيجة هههه
حنان شافت فشمس وقالت: واش من تهديد
نور تضحك: حكيلها
شمس حشمت وقالت وهي تخنزر لنور : القط يزلق فوجهك ها حشمي شوي
نور تتصكك بالضحك وحنان غزلت قالت:والله الاسرار قايمة بيناتكم غير انا كي الاطرش فالزفة
نور: ههه مكان والو غير حاجة برك صرات معا شمس بليلة الدخلة وحشمت تقولهالك شافت فشمس وقالت: ياك وغمزتلها
شمس وجهها مشا الوان كانت راح تنقز علا نور تاكلها بصح صونا تلفونها لقاتو اياد زاد من حالها
حطت يدها علا راسها وقالت: ذكر السبع ينبع شبح
نور تضحك: ريبوندي عليه بلاك تعصبيه يجي يديك ماتباتيش يا تعرفيه يديرها نورمال
شمس خافت نقزت ديراكت تريبوندي
حنان: ربي يخليهم لبعضاهم نشاله
نور تنهدت وقالت: امين
سمعو تلفون نور يصوني كان خالد نسات حنان لي قاعدة معاها وقالت بغضب:اففف هاو الشبح علاش راه يعيط اععع
حنان: ريبوندي بلاك معلابالوش بلي راح تباتي هنا
نور حشمت من حنان وقالت: ايه صح دوك نشوفو ردت ببرود:الوو
خالد : الو وينراكي
نور بتنرفيز: عند ماني نظن نتا لي وصلتني ولا نسيت
خالد هفف هادي والله ماعندها معا الهدرة
خالد: سقمي هدرتك علابالي عند ماني نسقسي واش من شونبر
نور: وانت واش دخلك خزرت فحنان لي خرجت كي لقات بلي الحرب قامت
خالد بلعياط: نتي الكلام معاك عقيم اني هنا فلاشونبر تاع جمال ارواحي رابيد قبل ماندير لفضايح و نجي نجرك وكوبا عليها
نور مصدومة: هاا والله غير مهبول تفوو عليك يا خالد راح يفضحني المسعور