الحلقة 175
نور سمعت كلام حفصة كانت جايبة الرضاعة لفهد عطاتها ليماها وقعدت قدام خالتها وقالت وهيا تعنق كتفها : وكأنك عارفة بلي راح يجيك حفيد ثاني
حفصة لمعو عينيها: قولي والله 😍
نور: ممم والله
ماحست غير بحفصة معنقتها بقوة وطلقت تزغريتة
الكل فرحلها وباركولها
~~~عند عزام~~~
بعد اخر موقف صرا معا غلا حس بالضيق والاسا خاطرو شاف فعينيها الشي لي كانت تخبيه فقلبها شاف الضعف والذل وهو مايحبش يشوفها فهاد الشكل وهاد الضعف يحب يشوفها متسلحة بسلاح لقوة مالغري يعرفهاتمثل عليها اما فلحقيقة هيا ضعيفة
دخل لدارو بعد ما تعشا معا يماه وباباه شافها قاعدة تتعشا راح قعد معاه رد عليها السلام
ردت عليه ببرود: وعليكم السلام
حطت ملعقتها حست بغصة وعينيها تملاو بالدموع بعد ماشافت عزام
عزام حب يطمنها ويزع فقلبها السعادة من جديد قال بهدوء: راني جبت نومرو تاع باباك من بابا وقت ماتحبي تهدري معاه قوليلي
غلا بحزن: راح نهدر معاه بعد ما نولد باش يجي يديني معاه
بغات تتأكد ادا مزال يحبها ولا نوو
عزام ببرود: نظن كلامي واضح وحكايت روحتك عند باباك نسيها
وقف يبعد عليها قبل ما ينفاجر فيها وتهتز الرجولة تاعو يتوسلها باش متبعدش عليه تبقا معاه حتا لو بالغصب
وقف كي سمع صوتها: وعلاش غيرت رايك ياك قتلي بعد ماتولدي راح نتخلا عليك
دار لعندها وقال ببرود: غيرت رايي وبغيت نعذبك كيما عذبتيني وخدعتيني
غلا : مي انا منسمحلكش تزيد تذلني اكثر مم راني مذلولة يكفي اني سامحتك علا لي درتو فيا كي تزوجنا
عزام بغضب:😠😠ومدامك سامحتيني واش لي خلاك تخممي تهربي عليا
غلا حست بنغزة فقلبها فلحظة خممت تحكيلو مي مقدرتش قالت بصعوبة: مغصوبة ماشي بيدي
عزام حس بفرحة كأنو وصل لخيط الجريمة تنهد وقال بعد ما دا كرسي وقعد قدامها : فهميني كيفاش
غلا توترت من قربو بدات تضغط علا صباعها بقوة: قلت ماشي بيدي برك منقدرش نزيدلك كثر رفدت راسها فوجهو وكملت بحزن: واذا كنت ناوي تخليني عندك بلا ما تسامحني فانا نقولك لاا والف لاا
عزام عجبو حشمتها وتوترها شعلت فيه نار الشوق قال وهو يمسح علا خدها: واذا ما سامحتكش واش راح يكون المطلوب
غلا بغصة: راح نخليلك ولدك ونروح لعند بابا
عزام فأحلامك يا غلا انا نخليك تبعدي عليا قال وهو يقرب لخدها يشم فريحتها: علا جثتي يا غلا راح تروحي عندو باسها فخدها بقوة وكملها بعضة
وكمل يحكي:اذا شفتك ندمانة وحابة نسامحك علا عملتك عدلي اسلوبك معايا وسمعي للكلام لي نقولهولك بالحرف
غلا تخدرت من كلامو وبوساتو وريحتو ما حست الا وشفايفو يقربو لشفايفها مي هيا داركت الواقع وبعدت عليه مبغاتش تضعف علاش كل هاد الشي لي قالو ومبغاش يسامحها مدام يحبها وميحبش يبعد عليها لوكان هيا فبلاصتو كانت راح تتبع قلبها وتسامحو بدون تردد المهم تبقا فحضن حبيبها
عزام بعد ما صارع رغبتو بعد عليها وراح يرقد خير ما يصبح مغتاصبها
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
