كرونيك :💕عنيد_&_عنيدة💕

الحلقة 112

الحلقة 112
~~~عند غلا~~~
الساعة قريب الربعة ماقدرتش ترقد خايفة لوكان تغفا يقرب منها عزام شوفاتو مادلش علا خير
شافت فلبستها اللي ختارهالها تنزفزت كيفاش قبلت ولبست هاد الشيفونة لاصقة فيا تكشف كثر ملي تسترفهمت قصدو بصح يحلم
فالاخير قررت تدخل لاشونبر تلبس حاجة مستورة ترقد بيها
دخلت تسرسب خايفة عزام يعيق بيها
عزام كان مخنوق يفكر فحياتو حاب يعيشو حالو حال لمتزوجين كامل
اخ يا عزام وحدة كيما غلا طيحك علا راسك
حس بلباب تفتح شافها داخلة كي السراق رايحة جيهة لفاليز تاعها حكم روحو مايضحكش ههه هاد الطفلة فيها حركات تهبل ماعرفتش منين تجيبهم كأنها سراقة
فكر يخلعها دار للجيهة الثانية يقول: نذبحها نذبحها
كان راح يكمل ويقول كيما ذبحتي قلبي كيشاف ردة فعلها سكت
غلا سمعاتو حطت يدها علا قلبها وقالت: يا ما والله غيير يقصدني انا راح يدبحني رفدت بيجامة تاعها وهربت
عزام شافها خرجت مات بالضحك عليها غطى روحو يحاول يرقد علابالو بلي مايقدرش ملي عرفها ما رقد كيما الناس
~~~عند خالد~~~
كان قاعد فدارو ماحبش يروح عند نور بغا يبعد عليها هاد الفترة سيرتو كي راهي نفساء محتاجة للراحة
دخلت ريم بسنيوة تاع لماكلة
ريم مقهورة منو طول لوقت تخمامو فنور وولدها قررت تفاتحو فموضوع الحمل حطت السنيوة وقعدت قدامو قالت: خالد نحتاجك فواحد السوجي
خالد ببرود: خير واش من سوجي
ريم: السوحي تاع الحمل قررت نشوف طبيبة
خالد تصدم واش هاد الغباء عندنا شهرين تحوس علا الحمل
قال بتنرفيز: وانتي مالك مزروبة
ريم بعناد: واقيلا ماعجبكش لحال انا بغيت نجيبلك كاش بيبي تبعد علا هاديك الشيطانة لي
ماكملتش كلامها خاطرو جرها من شعرها وهي تعيط: اااي بعدني راك توجع فيا
خالد فار دمو قال بتنرفيز: تزيدي كلمة لسانك يطير هادا لي بقا نتي تسبي فمرتي ويمات ولدي ودزها عليه بقرف
ريم بلعياط: دوك تشوف يا خالد الا مانسيتكش هاد لي وسمها نور وراحت وفراسها غير كلام يماها لازم تنفدو خاطر مافيش امل من انو خالد يبعد علا نور
~~~~عند اياد~~~~
فاق موخر دخل دوش ريح اعصابو لي تلفتهوملو شمس لبارح
وعد روحو باش يدفعا الثمن غالي هو لي كان معززها ويديرلها لخاطر رغم عيوبها لي ما تتحسبش طلعتلو فوق راسو
خرج بعد ما بعتلها ميساج توجد روحها
شمس كانت قاعدة معا جداتها لي مستغربة من سبب جيتها كانت تستجوب فيها
الجدة: متأكدة ماكان والو
شمس: افف ياماني راح تهبليني واقيلا مابغيتيش كي جيت لعندك
الجدة : لا بلعكس بصح هدا من خوفي عليك
وصلها ميساج فتحاتو تصدمت اه واقيلا من نيتو راح يطبق كلامو لالا اياد ناس ملاح وحنين مستحيل يقدر يآذيني
كانت مركزة معا التلفون
الجدة بخوف بعد ماشافت وجهها : شمس واشبيك شكون بعثلك هاد لميساج
شمس اه يا ربي واش راح نقولها حاولت تكون علا طبيعتها قالتبتوتر: هادا اياد لي بعتلي ميساج
الجدة بشك : ميساج!!!
شمس وهي تقوم: ايه ماني ميساج وطلعت لاشونبرر تاعها
الجدة : والله مانعرف واشبيك يا شمس طول عمرك تخبي عليا اه ربي يهديك نشاله
شمس تعيط لاياد ماريبونداش عليها حتا وصل 20 آبال
شمس :واخيرا ريبونديت
اياد ببرود: اني قدام لباد اهبطي رابيد وكوبا عليها
شمس بصدمة وخوف هاه والله غير دارها الحلوف رفدت الساك تاعها وخرجت
شافتها جداتها خارجة وجهها صفر قالت: بنتي وين راكي رايحة
شمس: اياد برا يسنا وخرجت
حبستها جداتها: قوليلو يدخل نتغداو معا بعض
شمس بتوتر: صحيتي ماني مرا خلاف راه مزروب
اياد فطونوبيل يحاول يتحكم فأعصابو لي تلفت مايقدرش يتحمل تصرفات شمس
شافها جاية
طلعت فطونوبيل بعصبية سكرت لباب بقوة
قال بلعياط: كسريه خير باش نكسرلك عظامك
شمس بلعياط: مانسمحلكش تعيط عليا داكور((ليوم تشبعي الضرب😂))
اياد دمو يغلي حكمها من يدها بقوة وقال: وشكون نتي باش تسمحي ولا ماتسمحيش
شمس ترجف اه مستحيل يكون هذا اياد لي نعرفو لالا امبوسيبل واشصرالو
اياد دزها عليه بقوة ودعس علا لفيتاس حرق الطريق حريق
شمس مصدومة ماعرفتش تأمن لي تشوف فيه ولا نو هدا مستحيل يكون اياد لي تعرفو لي كانت تهاوشو وهو يرضيها اول مرة تشوف فيه هاد النظرة المرعبة
~~~~بعد يومين~~~~
عند حنان
كانت فلكوزينة توجد لغذا معا لخدامة حابة تتعلم الطياب فلفيد تاعها
شافت فلؤي لي قاعد يرسم قدامها فطابلة تبسمت وقالت اه يا عمري مانظنش راح نحب ولدي كيما نحبك نتا
سمعت ياسين يعيط عليهم من الصالون
حنان ببتسامة: ياسين ارواح رانا فلكوزينة
ياسين ستغرب واش راهم يديرو ثم دخل عندهم
تبسم وقال: واشراكم ديرو هنا لهاد الدرجة تبغو تاكلو سي غراف
حنان بتنرفيز: هاه الحق عليا لي حبيت نذوقك ماكلتي وكملت تقطع فالسلاطة
ياسين نتي كلشي منك بنين قال: ها زعما نتي لي طيبتي سي با فري
حنان طفات علا الماكلة وقالت: لا نضحك معاك برك
كملت تحكي معا الخدامة: سيسي ادي لؤي غسليلو يديه باش يتغدا
ياسين سنا لخدامة حتا خرجت هي ولؤي شاف فحنان لي تقطع فالسلاطة قدامها عانقها مللور
قال: تعرفي حتا لو ديريلي سم من يديك راح ناكلو وباسها فخدها
حنان متوترة من قربو قالت بخجل: ها بعيد وانا علاش نديرلك السم والماكلة كاينة
دورها لعندو وهو مزال معانقها من خصرها قال بتعب: راني غليان وجيعان مدابيها مرتي توجدلي لغذا خير ماناكلها هي
ودار حركة بسنانو زعما ياكلها
حنان بعداتو تضضحك: لالا دوك نوجدلك روح بدل حوايجك بين مانوجد الطابلة