كرونيك :💕عنيد_&_عنيدة💕

الحلقة 147

الحلقة 147
~~~بعد يومين~~~
عند ايااد
كان معصب كيفاش قدرت شمس تقلب الامور لصالحها وتخليه يجيب خدامة
يزيد يتعصب كل ما يتفكر كيفاش جا لعندو ع.النور بهدلو ويقول بلي متوجهاش باش تخدم عندو بونيشة ماهيش موالفة بالخدمة تاع الدار
راح جاب خدامة فطريقو عرا علا شمس يديها معاه ويريروحو للدار
كانت بقمة عصبيتو وصل قدام دار جداتها عيطلها
شمس كانت فرحانة خاطر هواشها مع اياد جاب نتيجة هيا تعرفو مستحيل يجيبلها خدامة الا في حالتين يا تكون تقرا وهاد الشي مستحيل يا تكون اونسانت وهدا ماشي بيدها
كانت لابسة موجدة روحها تسنا برك وكتاش يصوني تلفونها
صونا فيدها علامات الخوف برزت فوجهها ردت بحب: هااي حبيبي
كانت اول مرة تنطقها ممكن خوفها من مواجهتو خلاتها تنطقها عارفة مزبلتها راح يقتلها
اياد بتنرفيز رغم انو قلبو نبض بفرحة كي سمع كلمة حبيبي من فمها: راني قدام لباد هياا رابيد
شمس بخوف :اوكي دقيقة برك كوبات عليه
قالت للخدامة تخرجلها لافاليز تاعها سلمت علا جداتها وخرجت لعندو تجري قبل ما يعصب
ركبت قدامو شافت مرا قاعدة من اللور عرفاتها الخدامة ردت السلام ماردش عليها سكتت خافت لوكان يكرفس جدها قدام لخدامة خلي كي نوصلو للدار نهدرو
~~~عند حنان~~~
كانت تحس بتعب تعبها الوحام سيرتو كي جا علا راجلها ياسيين كانت متحملوش وهو معصب من حالتها كل ما يقرب هيا تبعد كان يقولها راكي تكبري فلحكاية بزاف
قامت من سريرها دخلت للسالدوبان دوشت كي جات تخرج دار قلبها بغات تتقيا رجعت للداخل تتقيا بصعوبة
ياسين سمع صوتها وهي تتقيا قام وقف قدام لباب وقال : حنان فتحي لباب بلاك دوخي
غسلت وجهها وخرجت حست معدتها عاودت تقلبت كي شافت ياسين واقف قدامها شبه عاري
ياسين حكملها وجهها باسها وهي تفرفط وسادة نيفها شاف فيها تبسم ودخل للسالدوبان كره روحو من حالتها
حنان لبست حوايجها بسيف وهبطت تاكل شوية باش تروحلها الدوخة
دخل عليها لؤي جا لعندها يجري تحنات رفداتو وقالت: صباح لخير حبيبي فطرت ولا مزال