كرونيك :💕عنيد_&_عنيدة💕

الحلقة 101

الحلقة 101
~~~عند عزام~~~
عيطولو لافامي تاعو وقالو بلي لازم يروح معاهم فهاد لي فاكونس لتونس عند خوالو يعقبو لي فاكونص عندوهم
يماه بغاتو يروح ويدي معاه غلا
هو كان محتار كيفاش يهدر معاها وهو كل لوقت يطلب ويعيط عليها

فلاخير قرر يقولها واللي صرا صرا هو عندو شحال يخمم يسافرو معا بعض باش يتقرب منها وكان خايف بباه مايقبلش كيعاد هو لي تولى الشركات تاعو ودوكا هاي جات عندو لفرصة مالازمش يضيعها بين يديه خاطر تما يقدر يتقرب منها ماتهربلوش هي قدام عايلتو اخخ وقتاش نحضنها والله من كثر ماني متشوق باش نحضنها نخاف لوكان تموت بين يديا
دخل للفيلا وشافها غايسة فتلفزيون بصح غير كي شافتو قدامها نقزت من بلاصتها
خزر فيها كانت لابسة بيجامة سور طاي صدرها قريب يخرج فخاضها كل ما تتحرك يشطحو معاها ضطرت تلبس من لحوايج لي جابهم قشها تقطعو
حسيت بكهربا تسري فلكور تاعي حسيت من نظراتو انو عراني قالت : العشا واجد. الا حاب نحطلك
عزام كاشف توترها وخوفها قال ببرود وهو يقعد علا الفوتوي وفنفس لبلاصة لي كانت قاعدة فيها : مانيش جيعان قعدي حاب نحكي معاك فواحد لموضوع
غلا حست بلخوف قالت : واللي هو
عزام : هاا يا الر* اقعدي باش نقدر نحكي نورمال
كانت راح ترفض مي سبقها عزام سحبها من يدها وقعدها قدامو
غلا برجفة وهي تزحف للرف تاع لفوتوي :قول خلصني

عزام بهدوء: وجدي روحك غدوا نروحو لدار العايلة وبعد سمانة راح نسافرو معاهم لتونس عند خوالي
كمل ببتسامة استهزاء: عتابري سفرتنا معا لعايلة لتونس شهر عسل لينا
غلا تعصبت من طريقة كلامو عمبالو ميتة باش نسافر معاه حمار قالت وهي تنوض:مرسي بصح انا مانبغيش شهر عسل لا معاك لا معا عايلتك تقدر تروح معاهم وحدك
زاد عصبني من نظراتو حابة نعميه نحيلو عينيه اه نظراتو كيما السهم كملت بثقة: نقدر نخرج مدام خلصت كلامك كانت حابة برك تهربلو
عزام بلعياط: وشكون سقساك علا رايك اصلا راح تروحي وبسيف عليك اوكي
وقف وقرب عندها وقف يحكي عند وذنها بشويش:ماتتحداينيش خليك رايضة تروحي معايا برضاك خير مانتصرف معاك تصرف مايعجبكش
راح يعضها من وذنها بصح غلا دزاتو بسرعة
مشا وهو يضحك عليها
غلا حبس قلبها من قربو ليها تنهدت رخيس سحرني بشويشو ما قدرتش نرد عليه افف كيفاش نقول لبابا اه لازم نقولو هو يتصرف منحبش نروح مع هاد لمتوحش