كرونيك :💕عنيد_&_عنيدة💕

الحلقة136

الحلقة136
خالد تصدم صدمة عمرو
كانت حوايج تاع السحور 😲 صحا يلالا ريم وصلت بيك حتا توصلي تسحريني
قالم لبس حوايجو داه معاه وخرج بعد ما عيط لواحد صاحبو استاذ شريعة
~~~عند غلا~~~
حست بفرحة وسعادة قدرت تتجاوب معا عزام وتشاركو رايها تمشاو شوية تغداو وراحو يدورو فليسونتر خيرت لباباها زوج صبابط من ذوق عزام كي راحو يخرجو طلب منها عزام تشري ليها مبغاتش هيه بصح معا من جبدها بسيف عليها خيرلها صبابط طالون بسكات سندال ملاح
قال لهاداك لي يخدم: شوفلي بوانتور 37
غلا ستغرب كيفاش يعرف لابوانتور تاعي
قرب لعندها وقال: رواحي تقيسيهم مالغري علابالي بلي يجيوك قدقد
عزام حافظ مقاس رجلها وحتا لاطاي يعرفها كأنو رسمها فخو
غلا خفت نبهدلو قدام هدوك لي يخدمو تم قعدت صدمني كي قعد قدامي
نحيت سباطي بزربة قبل ماينحيهالي حاولت نحي من يديه سندال مي هو سحبها وتجاهلني
حكم رجلي مليح كنت مستمتعة بدفا يديه علا رجلي عرفتو يتعمد يطول وهو يقيس فيا
حطيت يدي علا يدو ودخلت السندال
بعد مدة حسيتها عام دخلتها وقلت بتوتر: خلاص قدي
عزام ببتسابة ذابت غلا بشوفتها: هيه ياك قوتلك نعرف لبوانتور تاعك.
شاور لهداك يجي يرفدهم وراح معاه باش يحاسبو
خرجنا حبسني فلكراسا برا وقالي نسناه هنا ومانتحركش وراح شفتو دخل لحانوت مي مادققتش تاع واش
عزام قررت نشريلها مكياج وبارفانات علابالي بلي عندها بارفان خاص بيها ديما تحطو مي بغيت تكون مقلشة قدام عايلتي سيرتو يما لي عينيها يحومو علا كلشي
دخلت عند واحد يعرف عايلتنا خواتاتي ديما يشرو من عندو
وصيت علا كلشي بغيتو عاوني نخير ماكياج خاطر ماعنديش خبرة فيه
عطيتو لادراس تاع دارنا وقوتلو باش يبعثهم وخرجت لعندها نجري
غلا حسيتو طول خفت بزاف جات لراسي افكار غبية قلت بلاك هرب مني وخلاني هنا نضيع تبسمت كي شفتو جاي ستغربت واش كان يدير لداخل كل هاد لوقت ويديه فارغين اكيد معجبو والو ذوقو صعيب
بعد ما وصل قال ببتسامة : يلاه نروحو
غلا بحشمة: بصح مزال مشريناش لقشابية لي قتلك عليها
عزام تفكر:اااه صح نسيت هيا معايا نعرف واحد يبيع نوعية مليحة
غلا ببتسامة خلات عزام يركز معا شفايفها: اوكي
ماحس غير وهو حاكملها يديها بقوة يحاول يتحكم فروحو باش مايتهورش هي معارضتش بلعكس زيرت عليه وديها يرعشو من الخوف والحشمة