كرونيك :💕عنيد_&_عنيدة💕

الحلقة 57

الحلقة 57
~~~~عند خالد~~~~
دخل للدار يحوس عيها بعينيه مشافهاش ظن انها راحت دارهم كره حياتو معاها خاطرها ماتهتمش لمشاعرو وماتتعاملش معاه كزوج حتا انها هجرتو 4 شهور
كان داخل لاشونبر تاعهم سمعها تهدر فالتلفون
نور: اييه يا يما اومبعد نروح عند جينيكولوك نشوف كانت منقهرة من خالد خاطر مايسقسيش عليها حتا و علابالو بلي حملها صعيب ماسقساهاش مامبا علا الطفل الا راهي تروح عند الطبيبولا نو
خالد تعصب خاطر نور من شدة كرهها ليه ما ولاتش تهتم بحملها
كي سمعها كوبات تنطر جا داخل عندها
خالد ببرود: السلام و عليكم
نور من فوق قلبها: و عليكم السلام
راح قعد فلفوتاي يخزر فيها توحشها علخر لوكان يلقى يروح ليها يعنقها بقوة اومبعد يوكلها العصا خاطر بعدت عليه
نور توترت و قالت بنرفزة:واش تحب كي جيت عندي باين علا لسانك كاش هدرة
خالد تبسم خاطرو شلق بيها مازالت تحشم منو قال:جاي نقولك وجدي روحك باش نروحو عند الطبيبة نطمنو علا حملك و علا البيبي
نور ناضت رايحة للدريسينغ قالك: ماتعبش روحك اصلا كنت رايحة قبل ما تهدر
خالد: انا لي نديك
نور: سيبا لابان نروح وحدي
خالد ناض و قال: ماتنسايش بلي انا راجلك و بابات البيبي لي فكرشك حاب نطمن عليه
نور تعصبت دورت لعندو و قالت: اييه علابالنا بلي هاد لبيبي غلطة مراحش تتعاود
خالد كان حاب يفشخها بصح جمع يده علا شكل قبضة وقال بلعياط:اوكي يا نور يعني حملك مني صار غلطة دوك تشوفي الا متزوجتش عليك و جبت مرا و نجيب منها 10 ولاد ميسمونيش خالد
نور بلعياط: ها مبروك عليك وانا واش تحبني ندير نبكي و نعيط ولا نقطع حوايجي و نجري فالطريق كي لمهبولة لا بلعكس راح نشطح و نغني و نفرح خاطر راح تبعد عليا
دورت قابلت الدريسينغ ماتحبش تشوف فوجهو خايفة لوكان تضعف قدامو ندمت كي فكرت فكاش نهار انها تحبو وتتقرب منو ها شوف دوكا ولات تكرهو وزاد كرهها ليه اليوم
طاحو دموعها وحاولت تحبس شهقتها لي قريب تخرج
خالد هدر هكا باش يغزلها بصح صدمانو بردها الي يدل علا كرهها الشديد ليه
قال بقهر: هدرتي مانعاودهاش روحي وجدي روحك نشوفو الطبيبة خير ما تشوفي حاجة ما تعجبكش و خرج
نور رمات روحها فالسرير تبكي بالشهقة تحس روحها مظلومة