كرونيك :💕عنيد_&_عنيدة💕

الحلقة 85

الحلقة 85

~~~بعد شهر~~~~
نور داخلة فشهرها ولات ماتقدرش تتحرك بزاف حتا البيبي معدبها يتحرك بزاف حتا تولي تبكي كي تحب تقعد لازم تفتح رجليها مليح حنان و شمس يضحكو عليها وهي تسب و تتحلف فيهم
اليوم عرس خالد من مريم
حنان مزال سمانة لعرسها
شمس ولات ماتروحش لدار جداتها اياد ميخليهاش خاطرو يتوحشها
غلا ولات تعيش عند باباها فلمزرعة حست براحة مالغري عزام يجي خطرات يبات تما يشفي غليلو فيها بسب و الهواش هو مهتم بشركة باباه علابيها معندوش لوقت بزاف
~~عرس خالد~~
محضر حتا واحد من غير يماه وباباه وكان باين عليهم ماهمش راضيين حتا الناس فاقو
ريم راح طير من الفرحة. كانت زينة بثوبها الابيض و مكياجها الفخم قطعو لبياس مونتي وحست بقلبها رجف
يماها الضحكة واصلة لودنيها كانت تهدر مع الضياف وتزوخ حفصة ملت من تصرفاتها وطلبت من راجلها يروحو بصح هو قال خلينا معا خالد يبان مهموم كي يخلصو نروحو
خالد مكانش حاس بلفرحة كل دقيقة يقول واش درت علاش تزوجت ندم ((هاد البداية و مزال مزال))كان مغزل من ريم لي تجري بيه فلاصال تعرفو علا لبنات معلابالوش علاش مافرحش مالغري حتا فعرسو من نور مكانش فرحان بصح دوكا لوكان يلقا كيفاش يهرب
~~~عند شمس~~~
كانت قاعدة فلاشونبر تاعها تسب وتلعن فخالد كانت حاسة بنور عيطتلها فتلفون ماريبونداتش طلبت من اياد يديها تشوفها كي وصلت لعندها قالتلها يماها من البارح وهي فلاشونبر ما تهدر معا حتا واحد
راحت تطل عليها سمعت شهقاتها من ورا الباب قطعتلها قلبها يعني حبيبها راهو يتزوج بوحدوخرا وليوم راح يدير معاها كيما كان يديرلها يرقد فحضنها يبوسها ويعنقها يعني الفكرة وحدها تقتلها رجعت شمس بلا تدخل ملحبتش تضغط عليها
دخل عليها اياد ولقاها تسب وتعاير فخالد
قرب منها وقال: هف استغفري بلاك ترجع الدعوة عليك
شمس نقزت عليه تهدر بلعياط: كامل الرجال كيف كيف تخممو تلقاو اعذار سخيفة باش تروحو تجيبو مرا ثانية
رفدت يديها تبدا تدعي عليهم بصح اياد قفلها فمها قال: والله المفروض انا لي نتزوج ماشي خالد اللي سبب زواجو سخيف تفحصها بنظراتو لي تخوفها
سحبها لسرير وقال: ماشي كيفي انا السبب تاعي يقتل ماشي غير يتزوج
شمس سكتها كلامو عندو الحق هي مقصرة معاه و بزاف ماديرش واجباتها كزوجة