الحلقة 106
اه حسيت بكرشي توجع ملي تخيلت روحي بين يديه راقدة علا صدرو لي مهبني نشم فريحتو لي تقتلني بلعرق كل مانشمها
خرجت وبقيت قدام لباب بغيت نعرف واش راح يبرر لباباه
هههه والله غير يضحك الفاشل طول عمرو يبقا فاشل وعزام حتا ادا تعدل راح يفشل كيما قالو ذيل الكلب طول عمرو معوج
عزام بسيف باش سلك من باباه عتاذر منو وقالو بلي طول فالسهرة معا مرتو ومفاقوش بلوقت((واش من سهرة يا عزام راك مزبلها كاع)) وقالو ماشي بيدو هو من جديد معرس لازم يوالف
باباه تقبل لعذر وقالو بلي لازم يروحو لعندو الليلة باش يوجدو رواحهم للفوايج لمحدد بعد يومين
كمل معا باباه لبس حوايجو صلا صلاتو لي راحت عليه((عزام يصلي😅))
غلا تعصبت من لكلام لي قالو لباباه الجايح حط السبة عليا انا
تصدمت كي فتح عليها لباب نقزت مخلوعة
عزام تصدم منها يعني كانت تجسس عليا قال بتنرفيز وهو يضحك عليها وهي مخلوعة:علاش راكي واقفة هنا
غلا سبيت روحي الف مرة واش داني نوقف هنا ونتسمع واش دخلني تفو علا الغباء تاعك يا غلا الحمارة كذبت : جيت نقولك حابة نروح عند بابا
وكملت بقهر: خفت نروح بلاما نقولك وتتاهمني فحاجة
عزام مشيت معاها فلكذبة وقلت ببرود: اوكي روحي بصح مطوليش باش توجدي روحك نروحو عند العايلة
غلا حابة نهرب منو بصح كيفاش حتا بابا ماعندو مايديرلي
مشيت وانا نحس بنظراتو تعريني من الفوق للتحت
عزام اه هاد البنت تسحرني بكلشي فيها بجمالها بحشمتها بخوفها حتا فعنادها وقوتها
تنهد ودخل يوجد حوايجو فليفاليز توله لفاليز تاع غلا لي منحاتش منها حتا حاجة اكيد خاطر هدا ذوقي انا لي خيرتهولها
نحات غير لبيجامات والروبات الطويلة تنهدت اه علاش شريتهم انا لوكان ماشريتهمش هادو الطوال تاع وذني كانت لبست لي نحبو
أنت تقرأ
كرونيك :💕عنيد_&_عنيدة💕
Любовные романы#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
