Not Just an Ordinary Love : 1st Gen (COMPLETED)

Kabanata 54

Isang linggo ang nakalipas….

“Bakit parang nilalayuan mo ako? May problema ka ba sa akin?”tanong ni Lance habang binabaybay nila ni Ella ang daan papuntang canteen.

“Wala naman. Saka hindi naman kasi kita iniiwasan. Busy lang talaga ako. Kaya hindi mo ko makausap.”tipid na ngiting sabi niya kay Lance.

Umiiwas si Ella kay Lance pero namimiss niya ito, lalo na sa pagsabay dito sa lunch. Naguguluhan si Ella, hindi siya puwedeng pumili dahil parehong mahalaga si Lance at Rod sa kanya. Hindi nga lang niya alam kung sino sa dalawa ang mas matimbang.

“Kung hindi mo ako iniiwasan sabay tayong mag lunch.” nakangiting sabi ni Lance.

Alam ni Ella na paghinindian niya ang binata, magtataka ito lalo.

“Sige, pero libre mo ako ng milk tea.” nakangiting sabi niya dito.

“Sige ba.”masayang tugon ni Lance. Isang linggo din siyang iniiwasan ni Ella, kahit hindi nito sabihin alam niyang may kaugnayan ito sa banggaan sa kotse ni Eric.

“Hi Lance.”

Nagulat sila sa boses na nagmula sa likuran at ng sabay sila lumingon nabungaran nila ang nakangiting si Nicole at nakalingkis ito kay Rod.

“Hi Nicole.”bati dito ni Lance. Matagal na silang magkakakilala ni Nicole kaya alam niya kung gaano ito patay na patay kay Rod.

“Girlfriend mo?”tanong ni Nicole kay Lance na ikinangiti nito.

“Mukha ba?”natatawang sabi ni Lance.

“Bagay kasi kayo.”sagot ni Nicole sa binata.

Minsan ng  nagustuhan ni Nicole  si Lance, pero mailap ito sa babae. Kung tutuusin una niya itong nagustuhan kaysa kay Rod. Nakilala niya ito sa farm. Ang pamilya ni Lance ang sumasaka sa lupa ng pamilya nila Nicole.

Napatingin si Ella kay Nicole at ningitian ito. Iniiwasan niya mapatingin sa lalaking kasama nito. Naisip niyang didikit na lang siya kay Lance ng hindi na maulit ang ginawa nila sa kuwarto niya.

“Mag lulunch ba kayo? Sabay na kami ni Rod. Kunwari double date.” nakangiting sabi ni Nicole. Tiningnan niya si Ella na mukhang naiilang, una niya itong nakita noong kaguluhan sa park at si Lance ang kasama. Hindi niya alam kung bakit sinugod ng panahon ni Rod ang grupo nila Ella.

“Sure, pero nagbabaon kasi kami ni Ella. Siya nagluluto ng binabaon niya para matikman ko daw ang gawa niya.”nakangiting sabi ni Lance. Alam niyang tinititigan siya ng masama ni Rod, tahimik lang ito sa tabi ni Nicole.

“Talaga? Wow ang sweet naman niya. Kung ako sayo pursigihin mo ligawan para sagutin ka agad.”sabi ni Nicole. Pero may naramdaman siyang inggit para kay Ella. Si Lance, ni hindi man lang siya malingon ng binata dati.

“Pero ililibre mo rin ako ng milk tea iyong maraming pearls.”nakangiting pagpapaalalang sabi ni Ella pero sa totoo lang kinakabahn siya sa tingin na ibinigay sa kanila ni Rod. Baka lumabas na naman ang kademonyohan nito.

“Sige mag double date tayo.”biglang sabi ni Rod. Nakangiti pa ito ng sabihin iyon. na ikinagulat ni Ella at Lance.

“Talaga honey. Sige halika punta na tayo ng canteen.”sabi ni Nicole na lalong kumapit sa braso ni Rod.

“Halika na Ella,”yaya ni Lance. Inakbayan niya si Ella, naisip niya na mas madali sa kanya kung malapitan niya titingnan ang kaaway. Alam ni Lance na hindi magpapatalo basta-basta si Rod.