رواية على نور الشفق احيا واهيم ⚜️

5

#على_نُورّ_الشفقّ_وعلى_وتر_القدر
.

صعدت فوق وهي بقمة قهرها منه اتجهت صوب الصاله اللي كانت جالسه فيها امها مع ابوها وتسولف بحماس لابوها عن زواج هُمام وآماليا
نزلت حجابها من عليها وهي تتجه لهم وكانت بتقولهم عن رفضها وعن اللي صار بينها وبين هُمام لكن تراجعت كلياً من سمعت امها كيف متشوقه لزواجها من ولد اخوها الوحيد
التفت امها عليها من لمحتها ؛ آماليا تعالي شبغيتي حبيبتي؟
آماليا هزت راسها بالنفي ؛ ما ابي شي ي قلبي  لا تشغلين بالك
سحبت حجابها من على الكنبه وامّها التفتت على ابوها وهي تكمل سالفتها وحماسها
امّا آماليا اتجهت صوب غرفتها
جلست على السرير وهي تمسكه مع اطرافه بكفوفها وتشد عليه بقهر وغيض انحطت بموقف لا تحسد عليه
فرحة امها اللي م تبي تكسرها ورغبتها هي اللي تملّكت قلبها بسبب صاحب السواره المجهول واللي عهدها فيه من عمرها 8 سنين
ضحكت بسخريه ؛ ربطت نفسي بمجهول ووقفت حياتي عليه وعلى قلبي اللي مدري وش مصيري معاه
,
,
قاعد وحاط اللابتوب على رجله ويكتب اللي تراود لذهنه حالياً وهو يدندن م بينه وبين نفسه بخفوت
قاطعت عليه اللي رمت نفسها بحضنه بعد ما رجعت وبصوت طفولي؛ بابي الحلو
الوافي اللي ابعدها بخفه ؛ اللاب يابابا شوي شوي
تُقى بصوت طفُولي ؛ اسفه
ابعد اللاب وحطه بجنبنه وحضنها وهو يقوم على حيله نزلها على الارض وسحب شنطتها من على ظهرها واخذها معه احتضن يدها بكفه وهو يمشي فيها ؛ زي م تعودنا نترك كل اللي يشغلنا ووين نروح؟
تُقى بحماس وهي ترفع يمينها ؛ ناكل طبعاً
الوافي بتعقيد حاجب ؛ لا طبعاً همك بطنك يا دكتوره؟
تُقى بإحراج ؛ وين اجل ؟
الوافي ؛ نغسل ونبدل ونروح نقبّل راس يمه ويبه ونرجع ناكل صح؟
تُقى ؛ صح
صعد فيها فوق ودخلها لغرفتها وطلب من المربيه تبدل ملابسها وتغسلها وتنزلها تحت
اتجه لغرفه غزل بعد ما انحنى لمستوى بنته وقبّلها على جبينها برقه ؛ يلا حبيبتي
طلع من غرفتها بعد ما تركها مع المربيه واتجه لغرفة نومه وكانت غزل توها صاحيه وماخذه شاور وجالسه قبال التسريحه ترتب نفسها وباين على ملامحها التعب
لكن اخف من امس اتجه صوبها وهي يقبّل راسها من الخلف واردف بحنيه ؛ لا اليوم احسن من امس الحمدلله
ابتسمت غزل وهزت راسها بخفوت
ابعد عنها وهو يجلس على طرف السرير وعيونه عليها ؛ خلصي حبيبتي عشان ننزل جميع
غزل التفتت عليه ؛ تمام
مر الوقت والوافي وغزل طلعو على طلعة بنتهم تُقى اللي اتسعت إبتسامتها من شافت امها واقفه على حيلها
اسرعت بخطواتها لها وغزل شالتها لحضنها
تُقى قبلت خد امها بعمق
وامّا غزل ابتسمت بخفه وهي تهمس لها ؛ حبيبة ماما
تُقى حاوطت عنقها بإيديها وهي تشد عليهم ؛ اليوم بتاكلين معي ؟
غزل ؛ طبعاً ياماما ما فيه شي يمنعي
تُقى بحماس وبصوت طفولي ؛ يس
الوافي ضحك بخفوت وهو يقرصها بخفه على رجلها ؛ نعم قامت الماما وصار البابا ما يسوى؟
تُقى مدت لسانها له ؛ طبعاً الماما غير
الوافي عفس ملامحه بتمثيل وبيّن الزعل؛ وبوجهي بعد
لا زين ما فيه نعم لكل طلباتك من اليوم فيه لا وخلي الماما تنفعك
مشى الوافي وغزل ناظرت ببنتها ورفعت لها كفها ؛ كفو اللي بصف الماما
تُقى بغمزه وهي تضربها على كفها بكفها؛ اعجبك
غزل ؛ بس كأنك زعلتيه؟
تُقى ؛ ما بيزعل من حبيبته تُقى
غزل ؛ لا ضامنه ابوك صح
تُقى بثقه ؛ طبعاً.
.
,
, '' برلين '' .
طلعت وهي محتضنه بين كفوفها يد إيڤا اللي تنطنط بحماس
ناظرتها دُرّه بإبتسامه مرحه ؛ مبسوطه حبيبة ماما؟
إيڤا وهي تثبت قبعتها من فوق وترفع انظارها لدُرّه؛ اكيد ماما
دُرّه إلتفتت على روّاف اللي يمشي بهدوء وراهم ؛ حرك رجلك روّاف بنتأخر اذا هذي مشيتك!
روّاف رفع انظاره عن جواله وبدون شعور نطق ؛ طيّب ي دُرّة القلب طيب
دُرّه انعصر قلبها من ناداها بنفس الطريقه اللي اعتاد الوافي يناديها فيها بس تجاهلت كلمته وصدت تناظر بالطريق
امّا إيڤا التفتت على ابوها وهي معقده حواجبها ؛ بابا مو مسموح لك تقول لماما كذا بس انا
دُرّه ابتسمت وهي تنزل نظرها لـ إيڤا اللي معصبه ؛ غرتي؟
إيڤا ؛ طبعاً لا يناديك بهالاسم هذا حقي انا بروحي
روّاف اسرع بخطواته وهو يجي بجنب بنته إيڤا ويحتضن كفوفها بحنيه وهمس وهو يناظر بعيون دُرّه؛ تمام اسفين يا بابا غلطنا
إيڤا ؛ سامحتك بس لا تعيدها
مر الوقت ووصلو وجهتهم المقصوده
تحررت إيڤا من بينهم وهي تسارع بخطواتها للداخل
التفتت عليهم وهي ترسل لهم بوسه بالهوا ؛ باي
روّاف دخل إيديه بأجياب بنطوله وابتسم لبنته ؛ باي ي روح بابا
إلتفت على دُرّه ؛ نرجع
دُرّه تنهّدت؛ قلبي ما يطاوعني اخليها لحالها؟
روّاف ؛ هي كبيره لا تحسسينها انها ما زالت طفله ترى عمرها 9 سنوات
دُرّه تنهدت بعمق ؛ وش اسوي قلب الام
روّاف ؛ يخليك لها ي امها خلينا نرجع الحين وبنرجع ناخذها بدري ولا يهمك
دُرّه هزت راسها بقل حيله ومشت معاه ,