رواية على نور الشفق احيا واهيم ⚜️

51

,
لآ استبيحْ القراءه دُون لآيك  🎵💗؛

,

#على_نُور_الشفق_أحيآ_وأهيم

'

بعكس سلمان اللي يناظرها ويحسّ انه انزاح عنه هم ثقيل جداً
ويفكر كيف يرقع الشي اللي طلبه من ابوه وكيف يصنع له موضوع مهم يكلمّه فيه بعيداً عن موضوع طلاقهم الباطل
طلعت سويّر من مكتب عمّها وبقى سلمان في حيرته وتفكيره
يحسّ مو متعود يكذب على ابوه ، وصعبه عليه انه يسحب عليه بعد ما كلّمه بنفسه وقاله عندي موضوع ضروري اكلمك فيه
تنهّد بشتات ، وكان راح يلحق ساره ويطلع لولا نبرة ابوه وهو يوقفّه ؛ لا تطلع ، ارجع اجلس مكانك
ناظره سلمان بهدُوء ورجع جلس مكانه واردف له بإبتسامه ؛ امرني يالغالي؟
شبك ابو سلمان كفوفه ببعض ووحطّهم على مكتبه ونطق له بهدُوء ؛ وش الموضوع الضروري اللي كنت تبيني فيه امس؟
وتقول موضوع ما يتأجل ومدري ايش!
ما كنت ابي افاتحك فيه بالمكتب لكّن دامك موجود فهذي الفرصه المناسبه
ناظره سلمان وهو شديد التوتر ما كان متوقع ان ابوه بيفاتحه بالموضوع ويستعجله !
ما امداه حتى يفكر ويصنع له موضوع هام يتكلّم فيه ويرقع اللي صار
ما حسّ بنفسه الا وهو يكب عفشه كله قدام ابوه ، وانه بلحظة غضب وانه كان واعي يوم طلّق ساره
وانه كان راح يرفضّ يشتغل معها لانها ماعادت محرم له
لكّن كمّل كلامه وعلّم ابوه بالمستجدّات اللي صارت بمكتبه وقدامه وماكان يدري فيها وان ساره وضحّت واكدّت له ان الطلاق كان باطل لان عليها " الدوره "
ناظره ابوه بصدمه وذهُول واردف ؛ كنت تعرف ان كان على زوجتك الدوره قبل تطلقها؟؟
ارمش سلمان بخوف من نبّرة ابوه اللي اختلفت بشكل نهائي ونطق بلعثمه ؛ اي كنت اعرف انهّا عليها ليش؟
تنهّد ابو سلمان بإرتياح ونطق ؛ تعرف ان معرفتك من عدمها ذي ممكن انها تحرّمها عليك!
ابتلع ريقه سلمان واردف ؛ شلون يبه ما فهمت!
استعدل ابو سلمان بجلسته وردّ على استفساره بكل هدوء ،؛ للطلاق بوضعك ثلاث حالات :
الحاله الاولى "لو كنت تدري بأن عليها الدوره وتدري انك لو طلقتها الطلاق باطل راح تأثم ولازم عليك التوبه "
الحاله الثانيه ؛ ولو كنت تدري ان عليها الدوره لكن تجهل بأنك لو طلقتها مايقع الطلاق هنا ما عليك اثم لكن يكون الطلاق باطل "
الحاله الثالثه والاخيره هي المشكله عشان كذا سألتك على طول ،
"لو كنت ماتدري وطلقتهَا وهي اللي علمتك بعد الطلاق هنا الطلاق يقع وتصير محرّمه شرعاً عليك "
عرفت الفرق بين الحالات واي حاله تمثّل وضعك؟
هزّ راسه سلمان بفهم لكلام ابوه واردف بهدُوء ؛ اي عرفت وعلى حسب الحالات الثلاث انا ينطبق علي الحاله الثانيه وبكذا ما اعتبر طلقت ساره؟
هزّ راسه ابوه بالايجاب واردف بشبه جديه ؛ وبعدين انت متزوج من ثمان سنين وتجهل بامور يعرفها مراهقين!!!
عضّ على شفته سلمان وردّ على ابوه بإحترام كبير؛ لو اني اعلم الغيب وادري اني بعيش هالوضع كان استعديت من بدري
وبعدين يالغالي مين اللي يتزوج ويبحث عن احكام الطلاق!
محد يعرف احكام الطلاق الا اللي يطلق
ضحك ابو سلمان بخفّه على حلطمة ولده واردف ؛ احمد ربك هالمره جتك سليمه والا كان كل فتره عندك جلسه بالمحكمه عشان ترجعها
تنهد سلمان بإرتياح ونطق بإمتنان؛ الحمدلله على كل حال
سكت لثواني واردف بتخّوف ؛ بس يبه انت متأكد من الحالات الثلاث والا مضيّع!
رمقه ابوه بنظراته ونطق ؛ استح على وجهك!
شايفني واحد من اصحابك! وش اللي متأكد والا منت متأ..
قاطعه سلمان من نطق ؛ يبه هذا موضوع جدي اخاف نوقع بالمحظور ؟
ناظره ابوه بأسى ونطق ؛ اللي خايف يوقع بالمحظور يروح يسأله شيخ ما يجيني يا ابو محظور!
حسّ سلمان ان ابوه يطقطق عليه واردف ؛ مقبوله منّك يالغالي مقبوله
قام سلمان واردف بهدُوء ؛ تأمرني على شي؟
هزّ راسه ابوه بالنفي ونطق؛ انتبه لشغلك بس ، وثاني مرّه فكر الف مره قبل تسوي شي وتندم عليه فهمت؟
هزّ راسه سلمان واردف ؛ اخذت درسي هالمره وتبت ومستحيل تنعاد
طلع من عند ابوه وهو مرتاح من اللي سواه وانه ماخبّى عن ابوه شي وانه اخذ منه اجابه ترضيه بعد ما كان متردد بكلام ساره وخلال هالثانيه بالضبط حمد ربّه انه كان يعرف
وانه تبع شور قلبه بذيك اللحظه ولحقها والا كان يجهَل عنها والحين خسرانها
نسترجع وش صار مع سلمان وكيف عرف بوضع ساره ، رغم انه كان عازل نفسه عنها ولا يتمنى يتواجه معها وتنكّد عيشته لكن بذاك اليوم تحديداً شافها تطلع من الشركه ولحقهَا ، لحد ما شافها دخلت لأحد الصيدليات اللي جنب شركتهم
دخلت وكان سلمان خلفها تماما ومشغل نفسه وكأنه يبحث عن شي عشان ماتنتبه له
شافها توجهت للرسبشن تحاسب وسألت الصيدليّ عن مسّكن معيّن
وخلال هالوقت سمع سلمان كل شي دار بينهم بس كان يجهل سبب طلبها للمسكن
ومن حسن حظّه دقت عليها صاحبتها بالدوام بعد ما تباطتها
ومن هنا عرف سلمان ان ساره باليوم الاول من الدوره وانهّا جايه للصيدليه عشان تأخد مسكّن يسكن عنها الألم
طلعت ساره بعد ما اخذت المسّكن وبعض المستلزمات الضروريه وطلعت من الصيدليه ،
وكان خلفها سلمان لين رجعت للشركه ودخلت للقسم النسائي الخاص فيها ،
استفاق من الموقف اللي استذكره واردف بحيره وهو يدخل لمكتبه ؛ الكلام اللي قاله ابوي لي ، كان يجهل فيه وضعيّ مع ساره
كيف لو كان يعرف !
هل تتغير الحالات!
انا لازم اتأكد قبل لا اقدم على شي واندم عليه
بالنهايه ما راح اخسر شي
جلس على كرسي مكتبه بشكل سريع ، وهو يسحب جواله ويدّق على الشيخ اللي لحد الآن ثقة سلمان فيه وعاليه ويعتبر مصدره الوحيد بالامور الشرعيه
لحظات بسيطه حتى استقبل مكالمته الشيخ ، وبعد الترحيب والسؤال عن الحال سرد له سلمان كل المستجدّات بالتفصيل
وماهي الا ثواني وجاه ردّ الشيخ الصادم ورغم ذلك كان سلمان مستعد لأي اجابه لان داخله ما كان مرتاح من الأساس ، وكأنه اضاع شي واخيراً حصل عليه ؛ كل الحالات اللي سمعتها من ابوك عن الطلاق صحيحه لكّن ما تنطبق على وضعك مع زوجتك وانت مادخلت عليها
وكلامي الاول ارجع واعيده لك يلزمك مهر جديد وعقد جديد وكل شي جديد
قفل منه سلمان وهو مرتاح نوعاً ما على الاقل صار له الوضع واضح وعلى بينه ، وعلى استعداد انه يتّم طلاقه ويفتح صفحه جديده مع سويّر
من ردة فعله قدام ابوه اعطته امّل انها ممكن تتفهم وضعه وتقبل فيه من جديد