رواية على نور الشفق احيا واهيم ⚜️

15

#على_نُورّ_الشفقّ_وعلى_وتر_القدر

'

ميَاس للهدايا,
ما كان الاّ اسم محل الهدايا لبطلتنا مياس واللي كانت جالسه بالطرف وتشرف على العاملات عندها
إبتسمت وهي تمرر انظارها بهدوء عليهم وهم يشتغلون على الطلبيات المحجوزه
وقاطع عليها اللي دخلت لتجعل من ابتسامتها اعمق وتجبرها على الوقُوف للترحيب بها ؛ ارحبي تراحيب المطر يا دانة القلب
وربي اطلق من يزورنا من صبح الله
تبارك المكان بوجودك ي قلبي
إبتسمت دانه لصديقتها وجارتها بنفس الوقت؛ منور بأصحابه وربي
ميَاس ؛ حياك اجلسي
دانه سحبت الكرسي المقابل لميَاس وجلست
وتكلمت بعد ثواني معدوده ؛ صراحه زيارتي لك خاصه شوي
ميَاس ؛ امريني عيوني لك
دانه ؛ ابي هديه مميزه لشخص مميز
ميَاس بهدوء ؛ المناسبه؟
دانه ؛ كذا بدون مناسبه حبيت اهديه
ميَاس بعد تفكير؛ في بالك شي معين له؟
دانه هزة راسها بالنفي ؛ لا صراحه عشان كذا ابيك تختارين لي
ميَاس؛ تمام تعرفين وش يفضل؟
دانه ؛ صراحه اكثر شي يحبه العطورات وكل شهر يغير عطره
ميَاس ؛ تمام عندي
توجهت للركن الخاص فيها واللي كانت مسميته ''روائع مياس ''لان كل شي فيه من صنع يدها
توجهت لقسم العطُورات الجديده واختارت من بينهم عطرها المفضل والمميز ما بينهم واخر عطر صنعته
رشت منه على كرت صغير وحركته بعشوائيه
مدته لدانه ؛ شميه وهاتي رايك؟
اخذته دانه وشمته وكررت حركتها بعد ماحسّت ان هالعطر يتميّز بالغرابه وايضاً ريحته نادرة جدا مو قادره انها تبعده عن انفها
همست ؛ ذا جديد؟
ميَاس ؛ إيه من 3 ايام ضميته للمجموعه
دانه ؛ يجنن وربي ي بنت يجنن
يمّوت حتى شوي فيه!
ميَاس ؛ اجل حلال عليه
دانه بفضُول ؛ وش اسم هالعطر؟
ميَاس ؛ هلاك الرواسي
دانه عقدت حواجبها ؛ شيعني؟
ميَاس ؛ يعني الرسوخ والثبات وميزته انه يثبت بالملابس ومنعش بنفس الوقت واطلقت عليه هالاسم لكونه يميز كل شخص يحط منه
وامّا هلاك تبعاً لانه اهلكني لمّا خلصته وطلعت بنتيجه منه تعجبني
تقدرين تقولين انه اكثر عطر اخذ مني وقت
دانه بإنبهار ؛ الله عليك يختي ما شاء الله
ميَاس خلصت من اختيار الهديه وغلفتها بشكل حلو وحذّاب وسلمتها لدانه وإبتسمت
دانه ؛ مشكوره ي روحي تعبتك
ميَاس ؛ ولو حاضرين بكل وقت لأجلك
,
تعرفو على ميَاس ⬇️"
,