'
لآ استبيحْ القراءه دُون لآيك وكُومنت 🎵💗؛
,
#على_نُورّ_الشفقّ_وعلى_وتر_القدر
'
يسأل بإهتمام ملحُوظ ؛ سارتي ويـن؟
محد فيكم ناداها؟؟
ردّت عليه ميـاس بهدُوء ؛ الا والله ، من اليوم احاول فيها
لكن الله يهديها رافضـه
تقول مافيني حيل لقروشة التصوير!
سكتت لثواني معدُوده ثم استرسلت بهدُوء ؛ جرّب دق عليها ، ان شاء الله توافق تجي
لأن صراحه مكانها خالي مال..
قاطعتها غلا اللي استنكرت تصرّف ساره ؛ انا اعرفها ذي الحركات
الاخت مسويّه فيها مستحيه وماتبي تداهم خصوصيتنا
التفتت على رُبى تستكمل بإلحاح ؛ رُبى حبيبتي ، ادخلي بالله وخليها تجي
قولي غلا طلبتك بالاسم وجيبيها معك غصب
لان ما يكمل يومي الا فيها
طلعت من عندهم رُبى لأجل تناديها
يبتسم سلمان اللي كان على وشك انه يتصّل عليها لكّنه تراجع ، مبسُوط بتصرف غلا وكيف تفادت الإحراج
اللي كانت راح تعيشه ساره ، لو كان المساهم بتواجدها بينهم سلمان .
..
خلال هالاثنـاء ، عند سـاره
اللي جالسه على مقربه من شفق ، تلعب بخصلات شعر بسّام
ومندمجه بسوالفها
وكيف كانت شفق تعبّر لها فيها عن مشاعرها اول ما عرفت عن ساره وان غير العلاقه المهنيه اللي تجمعهم
فيه علاقه ثانيـه ، ارق واجمل
تبتسم سـاره ؛ ياعمري ياشفق
تأكدي انه بداخلي احمل لك نفس المشاعر
واني سعيده بالفرصه اللي خلتنا نتعرف اكثر
احتضنت بسّام تسترسل بضحكه ؛ حتى هالنتفه اكل قلبي وربي
على اني بالعاده الصدق ما احب الأطفال العيال خصوصاً
لان لي معهم ماضي شين من شقاوتهم
لكن بسّام كسر القاعد وخلاني اعيد النظر
ابتسمت شفق ؛ عاد تصدقين على انه يموت بإستفزازي لكن قلبي متولع حيل فيه
سبحان من زرع القبُول فيـه من بد الأطفال
قاطع عليهم لحظاتهم الرقيقه ، وجُود رُبى بينهم ؛ سويـر!
من اليوم ادور عليك اخرتها طلعتي هنا !
عقدت حاحبها ساره بإبتسـامه ؛ شتبين ي نشبـه؟!
حطت يدها رُبى على خصرها تهز كعبها بخفه ؛ والله شوفي مو انا اللي ابيك يعني
غلا اللي تبيك ، تقول خليها تجيني بصور معها
ما يكمل يومي الا فيها
حالفه علي ما ارجع لهم لين اجيبك معي
فلو سمحتي يعني ، بلا تغلي زود!
قومي معي
ضحكت شفق بخفـه ، ترحم رُبى من شافت ساره تُوشك على الرفـض تساعدها ؛ ي شينك!
فيه احد يرفض التصوير مع عروسة اخوي !
عروسنا م تنرفض ياعيوني
قومي بس قومي لا تتأخرين عليهم
لان اعتقد المصوره بعد بتمشي
ابتسمت ساره تقُوم ، تمثل تضجرّها؛ بس اكلتوني !
بروح بروح خلاص!
ضحكت شفق على طريقتها بالحكي ونبرتها، ترسل بوسـه لها رُبى من بعيد قبل تمشي .
أنت تقرأ
رواية على نور الشفق احيا واهيم ⚜️
Mistero / Thrillerللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...
