رواية على نور الشفق احيا واهيم ⚜️

112

,
لآ استبيحْ القراءه دُون لآيك

,

  #على_نُورّ_الشفقّ_وعلى_وتر_القدر

'

دار بنظراته على باقي خواتـه ؛ ابوي ما يهوى بُعد مياس وبالنسبه للتؤام مايهوون بعد بعضهم
لكن في مجال نغريهم باللي معنا
صوّت على اساميهم وسرعان ما كتمت شفاته غلا وهي تخطف منه الصرافـه ؛ انا انا بضحي بنفسي لعيونك افا عليك بس وشهوله تفرق الهاوين عن بعضهم
عقّد حاجبه ؛ اشك انك رحمتيهم
ابتسمت بإتساع وهي تحطّ نفسها تحت ذراعه وتمشي فيـه ؛ مع السلامه يالربع انا وسلمان مستعجلين بنمشي قبلكم
الناقص جيبوه معكم
سحبته ووقفت امام سيارته وهي تسحب يدها وتفتح الباب تحت نظراتهم واندهاشهم ؛ يلا عجّل لا يحملون بسيارتك فوق اللي فيها
ضحك سلمان بخفّه وهو يلتفت عليهم ؛ زي ماقالت بنسبقكم والناقص الحقونا فيه
سكر باب الجيب الخلفي وركب سيّارته وحرك طالع من بيت ابوه وكانت غلا تقلّب الصرافه بيدها ؛ كل مافيها لي صح!
التفت سلمَان ؛ وتحت امرك افا عليك وفيه غيرها لو تبين
هزّت راسها بـ " لا " ؛ هذي تكفي
كان مندمج بالطريق واستوقفه سؤالها ؛ يمدي على جرير!
التفت عليها بغرابه ؛ ماهي على طريقنا يعني مايمدي
عبست ملامحها ؛ بس احتاج شي منها
نطق بإستفسار ؛ وماذكرتي انك تحتاجين شي الا الحين والا لانه على حسابي ماتوفرين
خاطري اعرف الفلوس اللي تجيك من ابوي كل شوي على صرافتك وين تروح لمين تصريّنها!
استندت على المرتبـه ؛ لمشاريعي المستقبليه
عقّد حاجبه ؛ حركات اخت غلا ماعرفتك اجل تفكيرك من الحين تجاري
ابتسمت بغرُور ؛ اكيد بنت رجل أعمال وش تنتظر مني
ابتسم بإعجاب ؛ الله ييسر دربك .. بس زي ماقلت لك مايمدينا على جرير للاسف
خليها وقت ثانـي
تقبّلت الامر وهي تطلّع جوالها وتطقطق فيـه ، وبعد مضيّ فتـره ضئيله
جذب كامل اهتمامها من نطق اسمها ؛ غليش
التفتت عليه برفعة حاجب ؛ شوهت اسمي وش ذا!
ضحك بخفّه ؛ من الاخر ماجبتك معي لله ولاعطيتك هاللي معك لله ابي ساره تكون معنا
بس ماراح تجي تعرفينها تحب تسوي عكس اللي ابيه
شرايك تقنعينها
توسعت عيونها بذهُول ؛ والله وطلعت مصلحجي انت ووجهك وانا اقول مستحيل يعطيني كل هالفلوس
والله سوير اخذت عقلك حتى عادي عندك تفلس من وراها
ابتسم بخفّه ؛ عندي من الله ما يكفيني ويكفي احفادي لكن حتى لو افلست من وراها بكون سعيد يكفي انه راح منيّ عشانها
ارمشت بذهُول ؛ ياليل امّها منكم يالعاشقين اعوذ بالله ، صدق مايسوي فيكم خيـر ،الواحد من يحب ينسى نفسـه
اسمعني انا بحاول بس عشان حماسك وعشان الفلوس ذي تكون مباركه على الاقل اخذتها بجهدي
لكن مهما كانت النتيجـه مالي دخل ، مو تاخذها منيّ
هزّ راسه ؛ اللي جاك ما يرجع وش ماكانت النتيجـه ارتاحي ، بس حاولي من قلبك لو سمحتي
وبسرعه كلميها لانا قريبين من بيت اخوها
هزّت راسها بـ "طيب " وهي تدق على ساره