رواية على نور الشفق احيا واهيم ⚜️

73

,
لآ استبيحْ القراءه دُون لآيك  🎵💗؛

,

  #على_نُورّ_الشفقّ_وعلى_وتر_القدر

'

ناظرتهَا آماليا ببرُود تام ونطقت بهدُوء ؛ انا ما اتكلم لك عن شي ماضي
اتكلم لك عن حاضر صار قبل اسبوع!
وابيك مرّه وحده انتي اللي تحدثين اعداداتك
انا وهُمام ما تممنا ملكتنا كل اللي صار وهم في وهم
ارمشت دانه بذهُول ونطقت وهي تبتلع ريقها بصدمه ؛ ايش؟؟
الدنيا اللي صارت ذيك كلها مزحه؟؟؟
وش قاعده تقولين انتي!
انتي واضح تحلمين واضح؟
نطقت آماليا بتضجّر منهَا ؛ لا حول ولا قوة الا بالله
اقولك ما تمت يعني ماتمت كل شي كذب واتفاق
وكل شي صار بسببي انا
تذكرين لما قلت لك بفضح شفق وعن مخططاتي اللي ناويتهَا
بوقتها طلع همام سامع كل شي قلته وهددني
وانتهى النقاش بينا بأن كل واحد فينا يكمّل حياته
انا بلاه وبدونه وهو طبعاً ما قدر ما يختار شفق
بكل الاحوال وقف ضدّي عشانها
ابتسمت بسخريه واستكملت بضيق؛ ما علينا اللي خاطبني ذا بعد ما عرف ابوي باللي سويته مع هُمام
ما عطاني الحريه للاختيار بحجة اني فشلتهم وانهم يوم سمحو لي بالاختيار ما كنت قدّه
وان هالمرّه هم بنفسهم بيختارو لي وعلى طول تدبست فيه
الغريب بالموضوع ان كل هالاثنين ما كنت ابيهم
لا هُمام ولا هذا الجديد اللي ماعرف عنه حتى ابسط الاشياء
تنهّدت دانه بضيق على حالها وعلى ملامحها اللي تشرح لها قد ايش هي بفتره صعبه ونطقت ولعها قدرت من خلالها تزيح بعض من مخاوفها ؛ وعسى ان تكرهو شي وهو خيراً لكم
ما تدرين نهاية هالامر اللي انحطيتي فيه وش بتكون
لكّن صدقيني فيه خيره يمكن ما تقدرين تبصرينها الحين
لكن مصير عينك تشوفها وتلمحها بعدين
لا تضايقين حالك كل شي تقدرين عليه سويتيه وبالنهايه ما صار اي شي
اتركي الامور هالمره تمشي زي ماهي عليه
اكتفت آماليا انها تهزّ راسها بتفهّم وتقبّل لكلام دانه ولقدرها وتمحي من راسها كل المخاوف والشتات اللي هي عايشه فيه وتسلّم آمرها لربهّا .
،
.