رواية على نور الشفق احيا واهيم ⚜️

116

,
لآ استبيحْ القراءه دُون لآيك

  #على_نُورّ_الشفقّ_وعلى_وتر_القدر

'

اقشعّر جسده وحس ان تركيزه كله تشتت عن الفلم وصار محصور بتأثير قُبلتها
قرص ساقها بخفه وتمتم بتهديد ؛ لا تتمردين لاني ماني عاجز عن مقابلة هالتمرد منك بالتمادي!
ضحكت بخفه وهي تعانده وترفع شفايها لحدّ اذنه وتعضّ عليها وتبتعد عنه، استقرت عينها بعينـه من التفت وهي ترفع حاجبها وبثقه ؛ ما تقدر لانك لو بغيت ما انتظرت ل..
ناظرها بصدمه وذهُول وحس انها ماهيّ طبيعيّه ابدا ، وقاطعها من كتم شفايفها بكفّه ونزلّها من على رجوله
وجلسهّا جنبه وهو يسدحّها على فخذه
ناظرها بتهديد بينما هي جلست تضحك بخفّه ، وهي تراقص حاجبها وتمتمت له من جديد وهي ترفع راسها بخفه من على رجله ؛ قلت لك ما تقدر وانا اشدّ الناس معرفه فيك
عضّ على شفته بقهر من انها عارفته لهالدرجه وضامنته بأنه مستحيل يتمادى بدون رغبتها
وهو يعترض قومتها ويبسط كفّه على عيونها وهو ينطق بتهديد لامسته بجديّه ؛ ناميّ ياشفق والا وربيّ تجاهلتك وطلعت حركاتك ذي من عينك واخذت اللي ابيه
تلاشت ضحكتها وكتمتها وهي تبتلع ريقها بخوف ، حطّت يدها على كفّه وابعدتها عن عيونها وناظرته ببراءه ؛ خلاص بوقف ازعجك ، بس لا تحرم عيوني النظر لحلالي
ناظرها بتيه ونطق بغرابه ؛ شفق وش اخرتها معك!
وش هالجرأه اللي لازمتك بالوقت الغلط!
عضّت على شفتها وهي ترفع نفسها من على رجله اليمين وتسحب بنفسها للخلف وتثبت راسها على رجله اليسار ونطقت بهدُوء ؛ ارفعها شوي
عقد حاجبه وهو يرفع رجله اليسار زي ماتبي ومعها ارتفع راسها وصارت قريبه منه بمسافه بسيطه وهي تنطق بهدُوء ؛ شكرا لك ، والحين ابعد نظرك عنيّ وارجع ركز بالفلم حقّك
ناظرها بتهديد لكنّها مسكت فكه ورفعته بحيث جابره مستوى نظراته تكون على الشاشه ؛ ما بزعجك ولا بشغل تفكيرك عن الفلم فيني ، تابع جرايمك ومجرمينك بتركيز
ابعد يدها ونزّل مستوى نظراته لها وتمتم بغيض ؛ اجرامك عندهم ولا شي ، هم ارحم عليّ منك وانتِ اخطر علي منهم !
ابتسمت بخفه وهي تغمض عيونها ؛ خلاص نمت ، تصبح على خير
ابتسم بخفّه وهو يتأمل تلاشي ابتسامتها بالتدريج ويدرك انها خلاص وقفت عن ازعاجه
حطّ كفّه على شعرها وبدا يخلل انامله لبين خصلها ويلعب فيهم وهو يرفع انظاره من عليها للشاشه واستكمل الفلم وهو مستمر باللعب بشعرها لين غطّت بالنوم وعتقته .