رواية على نور الشفق احيا واهيم ⚜️

95

,
لآ استبيحْ القراءه دُون لآيك
,

  #على_نُورّ_الشفقّ_وعلى_وتر_القدر

'

ابتسم هُمام بخفـه لانه فهم مباشره وش يعنـي ، امّا الضابط سحب جواله وضحـك ؛ صديقه ولا تعرف وش يعني ما توقعتها منك !
عبست ملامح عمّار وهو يسحب كفّه من على ذراع هُمام من لمح ابتسامتـه وهو فعلا يجهـل وش يعني هالرقم ؛ بحافظ على وجهك لانه موجود لكن هيّن
اتسعت ابتسامة هُمام على نطـق ضِياء ؛ كنت امزح الرقم يعني ان هذا القروب الثالث بنفس الاسم وفيه 4 و5 و6 ... بعد ما تجهل ان دائرة عملنا كبيره لا تعد ولا تحصى ومو بس هنا فيـه من برّا عشان كذا الكل يحلم يصير نفس عقيدنا
لكن المحظوظ اللي يشتغـل تحت أمرِه فيعتبر مركزنا اكثر حظ لانه قائدنا
رفع حاجبـه عمّار بغرور وهو يهزّ كتفه بذراع هُمام ؛ الحمدلله انـه صديقي ماتوقعت انيّ محظوظ هالقد
خزّه هُمام وبمقصد انّه يغيضـه ابعد كتفـه عنه ؛ نكمّل ضِياء الادله
ابتسم ضياء بخفـه ؛ على امرك
امّا عمّار ابتسم على جلسـة هُمام بعد ما نجح بأنه يغيّر موده تماما ، وكمّل باقي الادله معـه ليـن اللحظه اللي اثبتو فيها براءته وكيف انه ما كان موجه السلاح عليـه كان ناوي يشطفه لولا التدخـل اللي جاء من احد رجاله واللي نجح بتغيير وجهة السلاح تماماً وساهم بإصابـة سيّده
تنهـد هُمام براحـه تامـه ، وكان يظّن ان هذا اخر مقطع يشُوفـه لولا اللي سمعـه من ضِياء ؛ فيه دليل رابع لكن ما لحقنا نشوفه لان بالنسبـه لنا كان وقتها اهم شي انّا نلقى دليل نثبت فيـه برائتك.
تبـي تشوفـه اعتقد يمكن يفيدك بقضيتك او على الاقل تلقى السبب اللي خلاك تروح له ؟
رغم عدم رغبـة هُمام انه يكمّل ورغم انه ماكان مهتم ولا متحمس لان يدري ان ما راح يلقى شي يفيده لكـن ما حب انه يرفض حماس ضِياء ورغبته التامـه بمساعدته بأي شي ؛ نشوفه ليش لا
فتح ضِياء المقطع الخامـس وكان عمّار يتابع معهم بصمـت ، وكانت كلها مقاطع عاديـه للمستودع مافيه شي يلفت النظـر
لحد ما مرّت خمـس دقايق وكان هُمام ساند يده على المكتب ومنحني ومندمج بالدليل الا يرفـع نفسـه ويده من على الطاولـه ؛ لحظه لحظه !
التفتو عليـه كل من عمّار و وضِياء وبنفس الوقت لفظ اثنينهم بفزع ؛ شفيـك!
توجهّت نظرات هُمام على ضِياء وطلب منـه بنبره متسارعه ؛ رجع المشهد لقبل دقيـقه رجعـه !
سوّا ضِياء مثل ما طلب منه هُمام وهو جاهل وش اللي لقى فيـه وبنفس الوقت عمّار المستغرب من جديّة هُمام وتقلبّ حالـه
الا هُمام اللي كان عارف وش الهدف من اللي سواه ووش الكنز اللي حصـل عليه وهو يسمع اللي يدور بين صاحب المستشفى ورجاله
وتحديداً لمّا غلط واحد من رجالـه بإسمـه وناداه بـ رائد ، وهو يعدّل له ؛ اسمي بدر مو رائد
لياتيـه الرد من نفس الشخص؛ اعذرني سيّدي من كثر ما تغيّر اسمك انسى شكان اسمك
ضحك سيّده ، واستكمَل هو ؛ والله بعد غير رائد فيه ليث و اسامه و احمد وهيثم
ما كانت الاسماء اللي انذكرت غريبـه عليـه لحد ما ربطها بمخـه وتلفظ بغرابـه وبصوت يدل على تفكيره بينه وبين نفسـه " الهارب "
والصوت اللي كان خافت اعتلَى بفرح وهو يحرره ؛ هو هو والله هو
افتزع عمّار مع افتزاع ضِياء اللي ما فهم وش قاعد يصيـر مع هُمام ولا هو قادر يتجرأ ينطق بحرف ليعيد كلامـه هُمام بفرحـه غامرتـه وهو يقوم ؛ هو والله العظيم هو
ليجبر عمّار على انه ينهِي هالدهشـه اللي احتّلت ملامح اثنينهم ويسأله ؛ اي مين اللي هو شسالفه؟!
ناظره هُمام وملامح انتصاره مشعّه على تقاسيـم وجهه السمحـه ؛ المجرم اللي كنّا ندوره طلع هذا هو بنفسـه
استنكر اجابتـه عمّار وطرح اسألته عليه ؛ايـه شلون استنتجت هالشيّ وش اللي يثبت كلامك!
رجـّع المشهد هُمام وهو يوضّح لـه ؛ اسمع وركز وش يقُول وش الاسماء اللي تنذكر !
الاسماء اللي انا ماسك قضاياهم من سنين!
المتهمين اللي نمسكهم ويقدرون يثبتون عدم تواجدهم بمكان القضيه ويطلعون براءه
ركز معـي ، أحمد ،ليث ، هيثم ، اسامه ، رائد ، بدر
ماهي اسماء غريبـه !
لو اخذت اول حرف من اساميهـم وش يطلع ؟
نطـق عمّار بـ " الهارب "
هزّ راسـه هُمام ؛ عليـك نور ، والاسامي اللي ذكرها مو صدفـه ابدا كلها اسماء تخصـه وكلهم اسامي اشخاص كان ينتحـل شخصيتهم عشان يسوي جرايمـه وبالاخير بكـل سهوله يهرب منها وهم ولا مره قدرنا ندينهم بشي
واخرهم رائد واللي توقعناه مسؤول عن تهريب الاسلحه واللي شكلـه ابدا مو غريـب ولا مختلف عن شكـل المجرم بدر ومع ذلك ما قدرنا ندينـه الا بجريمـه وحده
لكن الجرايم الباقيـه ما اثبتناها عليه وهذا يعنـي ان المجرم شخص قدر يهرب منا بكـل مرّه وجالس يلعب معنا لعبـة القط والفار
لدرجـه حتى الاسماء اللي مختارها تدل على انـه " الهارب "
وترتيب القضايا والاسماء واللي ولا واحد منا قدر يفكر فيها خارج الصندوق
ضحك بسخريـه ؛ طلع داهيـه لكـنه طاح بالاخير بيدنا