رواية على نور الشفق احيا واهيم ⚜️

161

,
لآ استبيحْ القراءه دُون لآيك وكُومنت 🎵💗؛

,

#على_نُورّ_الشفقّ_وعلى_وتر_القدر

'

" آمـاليا "
دخلت آماليا لبيت أهلها ، تستقبلها صرخـه من هيـام اللي باغتتها بحضن شديد
تسبق حتى أمها بالسلام عليها
تضحك آماليا ؛ ياربي من هالمجنُونه !
سلمّي زي الاوادم اوجعتيني
عاندتها هيـام تشدّ بإحتضانها تمتم ؛ حماره قسم بالله ما توقعّت بتوحشيني هالقد
الواحد وده يدعي على السبب لكن ما نقدر
ضربتها آماليا بخفه على ظهرها ؛ ابعدي ، خليني اسلم على اميّ اشتقت لها
ابتسمت هيـام بهدُوء ثم حررت آماليا من إحتضانها تعطي المجال لأمها
اللي استقبلتها بإبتسامه عذبه تفرد لها يدينها
ترتمي آماليا بحضنها بسعاده
تطوّقها يدين أمها برقه وهي تقبّل راسها من الخلف بسبب استناد راس اماليا على كتف امها ؛ يابعد قلبي ي بنتي ، لك فقده
عانقت آماليا امها بعذُوبه ، تستشعر امان حضنها اللي فارقته وتاقت له طُول سفرتها مع صايل ؛ ماتدرين كم مره نزلت مني دمعه شوق لك ولحضنك
اشتقت والله اشتقت
ابتعدت عن حضن أمها تضحك بسبب هيام اللي اردفت ؛ هذي جايه تبكينا وتمشي قلة ادب
خلاص فقدناك وفقدتينا لا تزودينها
ناظرتها آماليا ترفع حاجبها ثم سحبتها لحضنها ؛ قسم بالله عياره محد مزعجني بالسفر كثرك
كل ساعه تدقين واذا ما دقيتي ارسلتي
ردّت هيـام ؛ شسوي ، محد من احبابي غايب الا انتِ ، احمدي ربك اني مهتمه لغيابك واسأل عنك
ضحكت آماليا بسرور ؛ يابعد قلبي والله
التفتت على أمها وهي مازالت محتضنه هيام تحت ذراعها ؛ اخباركم وحشتوني حيل والله
ابوي وينـه ما شفته؟
اول ما سألت عنه دخـل من باب المدخل ينصدم بوجُودها ، يرحب فيها بسعاده ثم فلتت هيام تتوجه له ترتمي بحضنه
ثم ابعدت تقبّل راسه يتمتم " حبيبتي الكعبه وانا ابوك "
يحتضنها ابوها تحت ذراعه يمشي فيـها ؛ انا من دخلت حسيت ان فيه سرُور ينتظرني
يازين هالسرور اللي يخصّك والله
حمدلله على سلامتكم
ابتسمت بعذُوبه ؛ الله يسلمك يابعد قلبي
سألها بإهتمام ؛ صايل ما نزل ؟
هزّت راسه بـ " لا " بخفـه ؛ كان مقرر ينزل ويسلّم لكن ما شفنا سيارتك ، وقال وهو راجع لأجل ياخذني بيسلم عليك
لان عمّي ينتظره من واحنا بالطريق
بس قلت له وصلني اهلي اول وما رفض
تفهّم ابو آماليا يعذره ؛ اي ما عليه لاحقين ان شاء الله
..
مرّ الوقت ،
واختلت هيام بآماليا يسولفون مع بعض
وكانت هيام من اول الجلسه ما تسكت تسرد لآماليا كل التفاصيل اللي صارت بغيابها ؛ اي اي بقولك اهم شي صار تخيلي !
اكتشفنا ان البنت اللي رجعت مع هُمام واللي احتفلنا فيها ما تكُون شفق !
عقدت حاجبها آماليا بإندهاش ؛ كيف ما تكُون شفق تستهبلين !
ناظرتها هيام بجديـه ؛ وربي ما اكذب ماهي شفق
آماليا بإندهاش مُريب ؛ فهميني شلون تصير ذي !
رفعت رجولها هيام من على الارض تتربع فوق الكنب وتسرد لها بالتفاصيل الدقيقه ؛ بعد سفرتكم بإسبوعين ، رجعت شفق الحقيقيّه من سويسرا
لانها من الاصل بيوم رجعتهم كانت مخطوفه ومن شبيهتها اللي شفتيها بنفسك
ما جاك استغراب ولا استشعرتي ولو لحظه ان اللي قدامك ما تكُون شفق ؟
ناظرتها آماليا ؛ شوفي انا جتني لحظه استغربت بس ماهو استغراب انها مو نفس البنت
لا .. تذكرين لمّا بادرت تسلم علي وتحضني ؟
العلاقه اللي كانت بيني وبين شفق اقرب للرسميه وخصوصا بعد اللي عشناه صعب جداً انا نكون ودودين كذا وكأنه ما صار شي
لكن ردّة فعلها خلتني استشعر انها تغاضت عن كل شي وقررت نفتح صفحه جديده
بس يطلع انها مو شفق من الاساس ذي مصيبه كيف صارت!
استكملت هيـام بهدُوء توضّح لها؛ لمّا رجعت شفق عرفنا كل شي وان البنت اللي رجعت كانت منتحله شخصيتها
واسمها الحقيقي سدف
احتلت مكان شفق لأهداف معينه وطلعت حابستها بنفس الفندق اللي استاجروا فيه هُمام وشفق
وهناك ياقلبي ي شفق تعذبت من صديقة سدف ذي
تغيرت مرّه لو تشوفينها
جتنا ولون شعرها متغيّر للاسود
وفوقها مقصُوص قصير!
وزياده نحفانه بالحيل اوجعني قلبي عليها
لما رجعت واكتشفت ان بحياة هُمام بنت تشبه لها حقدت على هُمام لانه ما حس بغيابها ولا فقدها ولا حتى فكر يدور عليها
وهي اللي كانت تظّن طول فترة حبسها كان يدورّ عليها
هربت من عندهم وجت عندنا ومنها عرفنا كل شي
لامتني كيف ما حسيت بغيابها وكيف اقتنعت ان اللي حلّت مكانها ما تكُون هي
وانا ما الومها صدق انا صديقتها واقرب الناس لها
كيف ما ميزت ، كيف ما عرفت
البنت اللي قدامي ما كانت شفق
اصلا شفق مو متقنه للرقص هالقد !
اشياء غريبه وعجيبه كانت تحصل قدامنا لكن بعيده عن مدى استيعابنا
قاطع هاللحظه واستكمال هيـام للقصه رنيـن جوال آماليا اللي التقطته تحت تضجّر هِيام ؛ ي ليل طب اصبر انا جالسه احكي سالفه مهمه!
ابتسمت آماليا ؛ ما عليه برد بشوف وش يبي
رفعت حاجبها هيام ؛ ياليل المتزوجين م يصبرون عن بعض
ترا له ساعه من تركك خير !
ضحكت آماليا تستقبل مكالمته ترد عليه تستمع لسبب إتصـاله ، تبتسم بعذُوبـه تقفل المكالمه بعد لحظات
تردف هِيـام ؛ واخيرا ما بغى يقفل
وين كنّا ؟
ضحكت آماليا ؛ همتك السالفه اكثر من معرفة سبب اتصاله ؟
عقدت حاجبها هيـام ببرود ؛ وش السبب يعني
اكيد يقول اشتقت لك
انتبهي لنفسك
ويتغزّل
اعرفها سوالف المتزوجين ذي
والا ما جلستي طول المكالمه تبتسمين
وش بيقول يعني غير !
ضحكت آماليا اكثر ، ثم تلاشت ضحكتها توضّح لها الحقيقه ؛ لا حبيبتي ، داق يقولي انه وافق انام عندكم هالليله
وبكرا بيجي يأخذني
عشان كذا كنت مبتسمه وهو يقولي كيف وافق وكيف قرر
توسعت عُيون هيام بدهشه ثم ضحكت بسعاده ؛ صايل قسم بالله يفهم
احبه
ناظرتها آماليا بصدمه تضربها بالخداديه ؛ وجع سيطري على لسانك !
وش احبه ذي ؟
ضحكت هيام ؛ اقصد حب اخوي يابنت قلبي وجع !
شذا الغيره؟ اعوذ بالله
مسرع
نطقت آماليا ؛ لا نتضارب ماهو وقته
خلينا نرجع لسالفتك احسن ، وش صار بعدين ؟
تبسمت هيـام بحزن ؛ ابدا ما رضت ترجع له وبقت عندنا لفتره
حاولت قد ما اقدر ابهج روحها
ورحت واتفقت مع صديقتي الـ هير ستايل ساميه لأجل تحاول تغير لون شعرها وتخليه قريب للون شعر شفق القديم
اخترنا بني عسلي وكان مرّه يجنن عليها
بعدها بفتره هُمام طاح غشيان ونقلوه للمستشفى
دق خالي علي وقال لي انه يبي شفق
مدري شقالها لكن شفق قامت مطيُوره من عندي تبينا نروح للمستشفى
وهناك دخلت تشُوفه والمسكينه لحظات واغمى عليها جنبه
بعد التشخيص اكتشفوا انها تعاني من فقر دم حاد
ونقلو لها دم
وبعدها اكتشفوا انها حامل ياعمري
لمّا عرفت جتني صدمه وندمت اني خليتها تصبغ على حسب اللي اعرفه ان الصبغه تسبب تشوهات للجنين
وصار لها مضاعفات واجهضت ، وتبيّن بعد الإجهاض
ان شفق اساسا كانت تعرف بالحمل وهي اللي تعمدت تجهض
قهرتني ما علمتني الا بعد ما خسرت الجنين
ما اثر عليها فقده بأي شي بس بعدين واضح ندمت ي حياتي هي
قرارها كان من التشتت اللي عاشته ومن الظروف القاهره اللي مرت فيها
وكُرها لهمام من جهه ثانيه ، وكون فيه طفل بيربطها فيه
انهاها وخلاها تفقد تركيزها وما تعرف ان القرارات اللي تتخذها فقط ردات فعل على زعل لحظي منها
المهم كل الاثنين قاموا بالسلامه ورجعوا للبيت سوى
اردفت آماليا ؛ ياحياتي ياشفق ، ما توقعت كل هذا صار فيها
تكسر الخاطر قسم بالله
شهر عسلها اخترب والسبه بنت انانيه !
تبسمت هِيـام بضيق ؛ بيني وبينك حتى سدف تنرحم
لمّا سجنوها وحققو معها عرفوا سببها
البنت طلعت متبناه ووحيده وبعد وفاة اللي تبناها اكتشفت انها مخطوفه من نفس الشخص
وان اهلها حيين وان عندها اخت
فلما شافت شفق والشبه اللي بينهم ما قدرت الا تسوي اللي تشوفه صح بنظرها
فصار اللي صار
ومع التحقيقات عرفو ان سدف تكون توأم شفق
و.
قاطعتها آماليا بصدمه ؛ توأمها كيف !
من طفولتك وانتِ مع شفق ما كان ينجاب لتوأمها طاري !
شي غريب !
اردفت هيـام ؛ رجعة سدف خلتهم يكتشفون اسرار واجد
اساسا شفق مو بنت رايد اللي نعرفه
له صاحب غيره اسمه رايد وكان عنده توأم بنات صغار
وقت جابتهم امهم توفت وزوجها كان شديد التعلق فيها
فمن شدة زعله وحزنه عليها وعلى فقدها
تعب وتنوم بالمستشفى وكل ماله يشتّد عليه المرض
زاره رايد اللي نعرفه وطلب منه ابو التوأم انه ياخذ بناته لبيته ويربيهم ويعتني فيهم لين يطلع
وصاه عليهم وحرصه انه ما يعطيهم لأي احد ولا يسلمّهم لمن ما كان
لكن مرضه اشتد عليه اكثر واكثر وتوفى بعد اخذ رايد للتوأم بشهر
ومن يومها ورائد يعتني بهالتوأم مع بنته الصغيره اللي كانت اكبر منهم بشهر
بعدها بشهرين انخطفت سدف
وجن جنون رايد وبحث عنها لكن ما حصلها ابداً
ولانهم كانو امانه من صاحبه تعب نفسيا وكان شديد على ام بتّال لأجل تكون حريصه على شفق
وبسبب اهتمامها الجاد بشفق اهملت بنتها الصغيره وللاسف ماتت بعد خطف سدف بشهرين
انحرقت قلوبهم على موتها
وانتشر بينهم ان التوأم هي اللي ماتت
ولكن الحقيقه شفق اللي ماتت والتوأم ضي
تحولت من ضيّ لتكون شفق
مدري وش هدف رايد من اللي سواه لكن لعله كسب خير فيها عشان ما تحس انها مو بنته وتحس وهي بين عياله بالفرق
المهم سدف اللي احتلت مكان شفق تكُون من الاساس اخت شفق التوأم واسمها ودق واللي انخطفت من سنوات
تدرين وش اللي يمّر الكبد ويقهر ويحرق القلب
ان الحقير اللي ورا خطف سدف يكون سعُود الصديق المشترك لـ خالي حسين ورايد
ما توقعت كل هالحقاره تطلع من صديق لصديقه
للحين ماني مستوعبه وش اللي حدّه على انه يسوي كذا
وقدامه يمثّل ان قلبه عليه ومكسور عليه ويدوّر على بنته
اخ مستفز قسم بالله مستفز
الله لا يسامحه ، وش ذنبها تنحرم وتتشتت مثل كذا
اللي صار كاسر خاطري عليها مره ومخليني ارحمها
رغم كل شي سوته
سكتت لثواني ثم استرسلت بهدُوء ؛ ادري ماهو مبرر بس سدف محد فينا يدري وش عانت منه
وكيف مرت حياتها
الصديق اللي بلا قلب وجرح قلب صاحبه
متأكده 100٪ ان سدف عانت من قساوته
لان مستحيل مثل هالقلب تعيش معه مرتاح وسعيد
انكسر قلب آماليا عليهم ثنتينهم من اللي عرفته ؛ ووش صار لسدف ؟
للحين مسجُونه؟
حاسبوها !
حركت راسها هِيام بـ " لا " ؛ كل اللي صار لها طلع لعبه من هُمام
صح بالبدايه نوى يحاسبها لكن تدارك كل شي
من حس انه لو استمر بتعاني شفق بالاخير لان هي من الاساس رجعت للسعوديه بنفس طريقة سدف
كلهم بهويات بعض رجعوا
وقرر انه يعاقبها بطريقتها ومثل ما مثلت عليهم هو مثّل عليها بكل شي
وسوّا محاكمه لها وهميه ونظروا بحالتها وطلعوها براءه
وفوقها علموها بحقيقتها وانها تكون توأم شفق ومن عائلتها الحقيقين
تدرين انها ياعمري طلعت متزوجه !
اصدمك بعمرها وقت تزوجت ؟!
عقدت حاجبها آماليا تسترسل هِيام بهدُوء ؛ تزوجت وهي بعمر 13 سنـه
وامس تقولي شفق انها عرفت ان عندها ولد عمره 5 سنوات!
يعني ولدت وهي مازلت بعمر الـ 13 سنـه ، مره تحزن مره
الله يعوضها
حتى طفولتها ماعاشتها زي الناس!
حسبي الله ونعم الوكيل بكل ظالم يتقوى على يتيم
ابتسمت آماليا بضيـق ؛ عسى الله يأجرها على مُصابها
ويعوضها عن كل ما مرّت فيه ويسعدها بحياتها
الله يسخر لها لها ولدها ويكون عوضها عن كل مُر وحزن عاشته
تمتمت هِيـام بحزن ؛ آمين يارب آمين
ناظرت لآماليا بهدُوء ؛ اي صار وقتك تسولفين لي ، وش صار معكم كل شي كل شي ابي اعرفه
ضحكت آماليا ؛ الحمدلله عطيتيني فرصه اهرج من وقت ما جيت وانتِ ما تسكتين
ناظرتها هيـام بزعل ؛ اش اش بس
انا الغلطانه اللي علمتك عن كل شي صار بغيابك
رفعت حاجبها آماليا ؛ بس الموضوع المهم اللي كنت حابه اسمع عنه منك للحين م تكلمتي عنه
ناظرتها هِيـام بعُقدة حاجب ؛ اي موضوع؟
اردفت آماليا ؛ موضوع الخطيب حياتي شصار عليه ؟
فاتحتك امي عليه
رديتي والا بعدك!
ابتلعت ريقها هيام بإحراج ؛ لا مارديت
وامي كملتني بعد سفرتكم بمدّه
قالت عندي خبر ان آماليا اساساً فاتحتك فيه بس ما يضر اني اقوله لك بشكل رسمي
المهم طلبت منيّ استخير عشان ارد على الولد
واخرها قبل كل يوم عطتني محاضره طويله
وطلبت منها مهله اسبوع للرد
بس اكون صادقه معك للحين ما استخرت
احسني مو مستعده اساسا افكر فيه بجديه
فيه شي شاغلني ومشغلني اذا عرفته وقتها يمكن افكر استخير
ناظرتها آماليا بصدمه ؛ تستهبلين انتِ !
كل هالوقت اللي مر ولا استخرتي!
الرجال كم له ينتظر ؟
اردفت هِيـام بنرفزه ؛ وانا شعلي بإنتظاره !
ترا طالب له ادميـه ؟
مو كنب او مطبخ يجهز على مزاجه والوقت المحدد اللي يبيه
وبعدين قلت لك فيه شي شاغلني يعني صعب مره علي اتجاهله
لازم اعرفه قبل
آماليا اللي تناظرها بهدُوء وهي تحاول قد ما تقدر تعقّل اختها من هالتفكير المتسرّع ؛ هيـام حبيبتي ترا اللي انتظر كل هالمده ، ما راح ينتظر اكثر
ي تردين بالرفض وتنهين السالفه
ي تستخيرين وتتركين كل شي على ربك
مو شرط كل شي تعرفينه مو كل شي يستاهل انك توقفين عنده
خطيبك يكون اخو شفق وانتِ وشفق روح بجسدين
يعني هالعلاقه والارتباط بيقربكم اكثر
وش اللي يخليك تتأزمين من هالوضع وما تعطينه من وقتك وتفكرين فيه بكل جديّه
تمتمت هِيـام بتضجر ؛ مدري مدري ، خلينا منه
وخليك من موضوعي بالكامل ، ابي اسمع عنك
ابتسمت آماليا اللي غسلت يدها منها بالكامل واخذت تسولف معها وتلبيّ رغبتها وتعلمها بكل مكان زاروه والتفاصيل اللي عاشتها
والمواقف اللي مرّت فيها ، حتى خلتها تشوف بعض الصور اللي صورتها وتنبسط فيها .
..