رواية على نور الشفق احيا واهيم ⚜️

82

,
لآ استبيحْ القراءه دُون لآيك
,

  #على_نُورّ_الشفقّ_وعلى_وتر_القدر

'

هزّ راسه رافيّ بـ طيّب واردف بهدُوء رغم انفاسه الملهثه ؛ لا تخيّب ظني ترا ما بنيته الا عليك
اشر سلمان على خشمه ونطق بثقه تامه وهو عازم على تحقيق الوعد اللي عطاه له بأي ثمن؛ لو يتطلّب انيّ اتغرّب له ورب الكون وبإذنه لـِ تِبشربه
ابتسم رافيّ بإتساع وهو يودعه ويغادر من أمام بيته وهو حامل أمنيات عظيمه بداخل قلبه لكن بدايتها وانطلاقتها متعلّقه بسلمان
رجع سلمان بملامح مختلفه كليّا عن اللي طلع فيهَا من عند الوافي
تبسّم بعمق وهو يردف للوافي ؛ جيت والخير ارتبطّ بجيّتك
لقيت اللي بقاتل عشانه لقيته
ناظره الوافي ولمح ملامحه اللي تفيض بكاملها من الحماسه والسعاده
نفس الحماس ونفس الملامح ونفس كل شي بوقت مراهقته لمَا كان عنده احلام وطموح وشجاعه
ابتسم له بعُمق وهو يتسائل ؛ علمّني وش اللي ردّ سلمان لأول حياته عشان ارخص له حياتي؟
اردف سلمان وهو يجلس قباله ويتفحّص الملف والاوراق اللي فيه ؛ لما يتمّ وعد ، واعتبره مثل الدين على رقبتي ما يعرف فيه شخص قبلك
واللحين لحّق مابقى غير ساعتين ونص ويفرغون المدارس ،الحق على بنتك لا تطلع وما تلقاك
قام الوافي من مكانه يودعه وهو مجبُور عشان يرجع للرياض ويلحق على بنته
لكّنه حمد ربه انه ما تذكر الشي اللي قاله له قبل يفتح الباب
ويحس انه ممنون وممتّن للشخص اللي جاه ونساه السالفه وخلاه يكون بذي الايجابيه الفائقه والمريحه لقلب الوافي وعيُونه ؛ وداعة الله يا بو خالد
اردف سلمان بهمس ؛ فمان كريم ، انتبه لنفسك وسلمّ لي على الغاليه امك وحفيدتها
ردّ عليه الوافي بالنيابه عنهم بـ الله يسلمك ، ابشر ويوصل بإذن الله ، قبل لا يغادر بيت سلمان ويبعد عن الديره بكاملها.