رواية على نور الشفق احيا واهيم ⚜️

86

,
لآ استبيحْ القراءه دُون لآيك

  #على_نُورّ_الشفقّ_وعلى_وتر_القدر

'

اقترب منها لكن باقي بينهم مسافه ملحُوظه ،
مدّ يدّه لمستوى المذكّره الصغيره واللي تماثل كفّ يده بالمستوى والكِبَر
ابتلع ريقه بتخوّف لا تحتك يدّه بأي جزء منهَا
اول ما مسكت كفّه المذكره تنفسّ بإرتياح وسحبها بحذر الا ان حذّره الزايد خلّ تركيزه وما شعر برجله اللي ما صمدت ولا تحملت وضعيته وتبعثرت واجبرته على الاختلال بكامله
وكان راح يوقع عليها لولا كفّ يساره اللي ثبتهّا على حافة السرير جنبها
وصارت هي مابين كفيـنه ، كفّه اللي ماسكه المذكره من جهتها اليسار
وكفّه المستنده على حافة السرير من جهتها اليمين
وركبته اللي شوي وتحتك بساقها بالوقت اللي هو يحاول بشتّى الطرق يستعيد توازن جسمه
وبين ماهو يحاول الاستقامه والابتعاد عنها
عدّلت وضعية راسها وبدَل لا تصير مستنده على السرير استندت على يدّه اللي مثبّت فيها نفسه بالغصّب على حافة سريره
انذهل من ارتمى ثقل راسها على ساعده وزادته صعُوبه بالتوازن
ضغط كفّه بقوه على السرير رغم الالم اللي يشعر فيه الا  انه كان متخوف لا تزلق يده بسبب ثقلها عليه وترتطم بالارض
تأمل صعوبة الأمر عليه وهو يتنازل عن المذكره المهمه اللي قضى ساعاته يدور عليها لأجل يخلص نفسه من هالوضع المربك اللي اجبره رغم محارباته الكثيره يحتك فيها
عدل جلسته وعدل وضعية راسها بيمينه ورجعها لنفس وضعيتها قبَل وهو بأتم حذره وكأنه ناسي حقيقة انها اذا نامت ما فيه اصعب منها بالصحوه
واول ما عدّل وضعيتها وحرر كفّه اليسار استند على ظهره بجنبها على ذات السرير
يحس انه ارهق تماما واكثر ما ارهقه محاولة صموده وسيطرته على اذرعته ووضعيته ، مما جعله يستنزف كامل طاقته ،
تأملها وهي نايمه ولا حاسه فيه وبمحاولاته ،
ابتسم بحزن واردف لهَا وكأنها تسمعه ؛ ليتك تدرين اني حتى برفضي لك اخترتك على نفسي
ضاع في تأملهّا لثواني واستكمل بعجز تام مع تنهيدات المؤلمه؛ عمري ما واجهت اي صعُوبه بحياتي الا انتِ ، كنتِ اصعب ما واجهته
انتفضت ودب الرعب في قلبه خوف من انهّا حست فيه او سمعت همسه ، وسرعان ما استرخى كل مافيه من عرف بسبب نفضتها الرئيسي
وهو البرد اللي لامس جسدها و ما قدرت تستحمله
قام من عندها وتوجه للكبت حقّه ، سحب احد المفارش الخفيفه منه
وهو يمدّه عليها ويلحفّها فيه ، ضغط على نهاية المفرش بكفّه من الضيق والعجز اللي احتله
بعد ما حس بحاجة قلبه لوداعها بالشكل اللي هِي تستحقه
وكان بعقله خيارات كثيره لكنّها غير مسموحه وصعبه عليه،
الا خيار واحد مقبول نوعاً ما عنده
وما توانى لحظه انه يقدم عليه،انحنى لمستوى بداية ذراعها اليمين ونهاية كتفها بالضبط
وقبّله بشكل مطوّل وابتعد عنها،القبله اللي ما لامست جسدها بشكل مباشر وكان عازلها الوحيد لبسها اللي ترتديه
وكانت هي الطريقه الوحيده اللي بتمنعها تشعر فيه
حتى مذكرته اللي قضى فوق الساعات يدورّ عليها تنازل عنها وكأنه فقد اهميتها عنده
لان اللي صار له وهو ياخذها منعه من تكراره
بعد ما كانت سبيله الوحيد لأجل يستحمل الفتره الجايه من حياته لكن حتى بأخذها واجه صعُوبه
وكأن نصيبه المكتوب له يشهد فيه حرمانه من الثنتين
طلع وما نظر خلفه ابدا..ونزل للاسفَـل