رواية على نور الشفق احيا واهيم ⚜️

19

  #على_نُورّ_الشفقّ_وعلى_وتر_القدر

'

سلمان ؛ والاخيره؟ ما قدرت تحرك قلبك لو شي؟
الوافي ؛ علاقتي انا وغزل ياسلمان مبنيّه على الاحترام فقط والمجامله احياناً
لكن يعلم الله إن غزل وفيّه وإنسانه نادره قدرت تريحني  وقدرت انها تسعدني مثال للزوجه المثاليّه لكن عيبها ما قدرت تسرق قلبي
لكن سرقت قلب بنتي تُقى لدرجه ممكن توصل فيها لمرحله تتخلى عني بس ما تتخلى عن غزل
سلمان بدهشه ؛ لهالدرجه ؟
الوافي ؛ واكثر
سلمان ؛ سبحان من سخّرها لها
الوافي ؛ والله ببقى ممنون لها طُول عمري لان لولا الله ثم هي ما كانت تُقى عايشه طبيعي ومو متأثره بالتغييرات اللي حصلت بحياتي
-
للتوضيّح ؛
الوافي تزّوج بالمره الاولى لأجل ينسى دُرّه وتحت شروط معينه وانجب منها تُقى
قرر من بعد موتها ما يتزّوج ابداً
لكن الظرُوف حدته يتزوج ثانيه وثالثه ورابعه لكن مو لنفسه ولا عدهم زوجاته انمّا امهّات لبنته ققط وكل منهم عارفه بهالشرُوط من البدايه
ماراح تكون زوجة وافي ابداً ولا راح يقّرب منها ابداً
امّا غزل فكانت علاقتها بالوافي من نوع اخر وبطلب منها يبينون قدام الكل عكس ذلك لجل تُقى فقط
بمعنى يوهمون الكل انهم متزوجين وعايشين بغرفه وحده وكأنهم أب وأمّ حقيقيين
لكن بالحقيقه كل منهم غريب عن الثاني
وعلاقتهم مبنيّه على الود والاحترام والتقدير فقط
رغم ضعف قلب غزل تجاه الوافي مع مرور السنوات الا انها كانت عارفه بحكايته من البدايه وعارفه انها مستحيّل تحصل على مقابل لمشاعرها تجاهه
وبكذا قدرت تكتّم حبها له داخلها وتكمّل طبيعي
بعد فتره زمنيّه من الصمت نطق الوافيّ بفضُول ؛ بما انك خلصت مني وجاوبتك على فضُولك ، انت كيف حياتك مع زوجتك عساك مبسُوط ومرتاح؟
إبتسم سلمان بُعمق ونطق ؛ تعرف توم وجيري؟
الوافي ؛ إيه
سلمان ؛ حنا النسخه البشريه منهم
الوافي ؛ اوف اوف يعني حياتكم مناقر بكل وقت!
سلمان بنبره فيها من الجديّه ؛ صح اغلبها مناقر لكن فيها شوي سعاده وعلى حساب هالسعاده للحين عايشين
الوافي بإبتسامه ؛ فيه حُب يعني ؟
سلمان هز راسه بالإيجاب ونطق بتنهيده؛ وفيه مراره عشق
الوافي اللي فهمها بسرعه؛ يعني من طرف واحد؟
واكيد ان الطرف العاشق انت؟
سلمان ؛ للاسف
الوافي ؛ وهي؟
سلمان هز اكتافه بعدم معرفه ونطق بفضُول ؛ الاغلب انها تكرهني
الوافي ؛ وليه تكرهك،ماعندها نظر والله !
سلمان اللي حس بالضيق يتملّك داخله كونه ما قدر يفصح لليوم بسبب زواجه منها ومن تكون ونطق لجل يوصل للوافي قصده؛ مو شرط اللي تحبه يحبك والا؟
الوافي تنهد ؛للاسف معك حق
كان الوافي راح يسأل ويتعمق اكثر بمعرفة حياة صاحبه مع زوجته لكن قاطع عليهم الرجّال اللي داهمهم بدُون مقدمّات من شافهم جالسين ؛ الوافي وابوخالد؟؟
ناظروه الوافي وسلمان بصدمه وخصوصا إنهم كانو متمنين محد يتعرف عليهم لدرجه انهم اختارو مكان بالعاده محد يجيه على حسب خبرهم
شافهم ما نطقو بولا حرف من صدمتهم ونطق بحماس وبإستغلال لمناسبة وجودهم بالديره؛ عشاكم الليله عندي قولو تمّ!
إبتلعو ريقهم بصدمه وكانو إثنيناتهم راح يرفضُون لولا إنه تنبأ برفضهم ونطق بتسّرع ؛ علي الطلاق بالثلاث عشاكم الليله عندي وبصدر مجلسي انتظركم!
قالهم هالجملتين وانسحب من امامهم كونه عارف انهم م راح يرفضون ابدا ومعتاد على هالطريقه لجل يصر على وجودهم عنده بالعاده من حبه الشديد لهم وكونه صاحبهم من عمر
تنهد الوافي وسلمان بنفس الوقت ونطق سلمان بحيره ؛ تغيرت الدنيا وصاحبنا ما تغيّر
الوافي ضحك بخفُوت ؛ واللي علينا نشيل هم زوجته ونلبي رغباته
سلمان ؛ مثل العاده يعرف شلون يجبرنا
الوافي ؛ المهم منها لوقت العشاء خلنا ناخذ لنا فره على الديره
سلمان ؛ تمام ، لكن بسيارتي؟
الوافي هز راسه بأي وقام ؛ يله اجل نمشي
,
,
وصلو روّاف ودره وإيڤا من قبل كم ساعه للديره نزّل دره عند بيت أهلها وتوجّه لبيته بعد ما سلّم عليهم وجلس عندهم شوي واخذ بنته معاه ومشى وبقت دره مع امها وابوها اللي كانو طايرين من الوناسه بشوفتها
والناس الوحيدين اللي كانت لهم معرفه تامه بموضوع درّه وسر زواجها من روّاف والإتفاق اللي ما بينهم بعد ما قررت تصارحهم بالحقيقه بعد زواجها منه بسنه
بالبدايه ما تقبلو اللي سمعوه منها وحقيقة زواجها لكن إدراكهم انها اجبرت نفسها على إتخاذ هالقرار لجلهم
ولجل ما تزعلّهم بروحتها لحالها تقبلو الامر شوي شوي ورضو فيه
وبالعكس حبو روّاف ااكثر وبنته لانه كان قد الامانه وإهتم ب ببنتهم لهالوقت
وبينما كانت عائلة دُرّه متقبله الحقيقه المره
كانت عائلة روّاف عكس ذلك كونه انجبر يتزوج ويعصي امرهم وبالاخير يطلع متزوجّها لجل يسافر فقط وفوقها يتزوّج وحده ثانيه اجنبيه ويخلّف منها بنت!
كان صعب عليهم يتقبلون هالقنبله الجديده وهم للحين ما تقبلو قنبلتهم الاولى!
وصّل البيت وكان متخّوف من ردة فعلهم تجاه بنته خاف إنهم ينكروها ويكشّوون منها ويحز بخاطر بنته الوحيده
لكن بالاخير نزل لجل يواجهم لأنه ماعاد له مفر من المواجهه ابداً
دخل وهُو محتضّن إيدين بنته اللي كانت على محيّاها إبتسامه عريضه لأنها واخيرا بتشوف عمّانها وجدّانها
إرتفعت نظرات امه على فتحة الباب وإعتلت الصدمه على وجهها من شافته
صّدت عنه وكانت هالصّده قاتله لقلبه كيف والصّده والتنكر له صار من أمه اللي جاي وكأن متأمل ان جمرة الفراق والسنين الطويله حننتها عليه
إلتفت على صوت ابوه اللي جاي من خلفه وإبتسم بأمل إن ابوه يرق قلبه عليه ويستقبله بأفضل طريقه
لكن إنصدم صدمة عمره لمّا نطق أبوه وبنبره قاسيّه جداً ؛ عوّدت يالعاق ومعّك اجنبيه!!
توسعت عيُونه بصدمه من منطُوق ابوه بكلمه ثقيله جداً عليه وعلى قلبه؛ يبه وش هالكلام؟
كشّت إيڤا وفزعت من صوت جدّها القاسي وجت خلف أبوها وهي متمسكه فيه بخوف
وكمّل روّاف بهدوء ؛ وبعدين هالطفله اللي تقول عنها اجنبيه هذي حفيدتك بنتي!
ضحكت امه بسخريه ونطقت ؛ خلنا نعترف فيك بالاول عشان نعترف ببنتك الشقرا!
مرر نظراته ما بينهم بقّل حيله وإنسحب من امامهم للداخل باحث ومتلهف على إخته سوير هي الوحيده اللي راح تستقبله بالأحضان
توجه لغرفتها وضرب على الباب بخفه وهو ينادي عليها لكن مامن رد
كانو امه وابوه يناظرونه وعارفين إنه يبحث عن وهم لكن ما كلفو على أنفسهم حتى يعلمونه
إلتفت عليهم وحسّ بالريبه ونطق بتساؤول وبنبره غريبه  من انتبه على ضحكة امه الساخره ؛ سويّر وينها!!
محد رد ولا حد كلف على نفسه يجاوبه مما أثار فتيّل الغضب عنده ؛ اختي وين!! تكلمو!!!
ما ردّو عليه بعد لكن نظراتهم لبعض إستفزته أكثر وقذفت الخوف والرعب بقلبه كونه شك إنها دفعت ثمن اللي سواه ؛ وش سويتو فيها!!
إلتفت على صوت اخوه الكبير واللي كان لا يقل عنهم كره له وغضب منه ؛ انت وش جابك بعد سواياك الشينه!!
نطق روّاف بعد ما تجاهل كلامه وسؤاله له ؛ ساره وين يا رمّاح!!!
رمّاح ببرود تام ؛ ذلفت باللي ما يحفظها!
توسعّت عيُون روّاف بصدمه ونطق بغيّض؛ نعم!
وين راحت؟
رمّاح بسخريه ؛ شايفني وكيل اعمال اختك عشان ادري وينها؟!!
روّاف نطق بإنفعال شديد ؛ رمّاح قل الصراحه,  اختي وين وديتوها!!!
رمّاح ببرود يقتل ؛ زوجناها حرام؟؟