رواية على نور الشفق احيا واهيم ⚜️

117

,
لآ استبيحْ القراءه دُون لآيك

  #على_نُورّ_الشفقّ_وعلى_وتر_القدر

'

ابتسم وهو يتأمل القطع حقتها واماكنهم وهو يركز على القطعه اللي ازاحتها راح تفيده ويسجّل فيه فوز ثاني
وكانت هالقطعه هي اللي على حدود النار وبالمنتصف رماها وطلّعها خارج اللعبه ونطق ؛ دورك
كانت بقمة هدُوءها حتى بفوزه وما اكترثت لانها مركزه على خطتها هي فقط
لين مرّ الوقت عليهم ورمى لها سلمـان 4 قطع بينما هي رمت له 3 فقط
وصار بحوزتها 5 قطع بس ، وامّا هو كان بحوزته 6 قطع
عدد كافي لإعطاءه اكبر عدد من الفوز
لكّن ما حسب حساب انه مشى على خطتها ورمى قطع هي مانحتهم له لرميها
واصبحت قطعه اللي المفروض تكون قريبه من بعض ابعد من تصوره واصعب من انه يتحكم فيهم ويعجّل فوزه
داهمته بقطعها القريبه واللي شكلت خطوط متتاليه فوز ورا فوز لين رمت له 3 قطع
ومع كل قطعه ترميها تصعب عليه الفوز اكثر
ناظرته بغرور وشافته كيف مستغّرب من قطعه اللي اصبحت فجأه تنزمى وحده ورا الثانيه!
وهي تنطق بسخريه ؛ يمديك تفوز لا تستسلم !
باقي معك 3 وبإمكانهم صنع المستحيل
سكتت لثانيه وهي تحرك قطعتها وتستكمل ؛ بس هذا بيحصل مع بقاء وحده منهم لكن للاسف
اخذت القطعه وهي تنطق بضحكه خافته ؛ وهذي اخر قطعه تمنحك فرصه ورميناها
كيف الحال سلمان؟
ركز بقطعها الباقيه واساسياتها وتمتم بذهُول ؛ كنتِ تستدرجيني للفخ!
رفعت اكتافها بغرور وهمست بهدُوء ؛ كانت الوسيله الوحيده اللي رافقتني لتفريغ الاحباط فيني ، ليش كنت تظّن اني جديده عليها؟
ابتسم بخفه ؛ من نظراتك والحماس اللي كان فيك توقعتك اول مره تشوفينها
قلت مركزه فيهم عشان تتعلمها ما توقعت واصله لدرجة الاحتراف فيها واللي يقابلك مجرّد هاوي اخذه ظنّه بخسارتك وتحداك
ابتسمت بعذُوبه ؛ زي ما كنت مجرّد هاويه وسجلّت هدف برماي ، وتحديت احترافك
تأملها بهدُوء وهو يلّم القطع ؛ بما انيّ خسرت هاتي عقابك لي او طلبك
ناظرته بسكُون وهي تعدّل وضعية جلستها؛اوقاتي اللي اقضيها ماهي عُرضه ولا هدف ، استحاله ارهنها تحت اي ظرف وثمن
ابتسم وهو يشوفها تتحاشى البرد اللي رجع يستقّر على جسدها وسألها بهدُوء ؛ نرجـع ؟
هزت راسها بالايجـاب ، ومباشره لبّى هالطلب منها ورجعوا للمخيّم
اول ما دخلوا كانو البنات مجتمعين كلهم بساحة المخيّم
روابيّ تشوي الذره ، والباقين منشغلين بالأكل من المفرحات اللي جابتها غلا ، ويسولفون
ومسوين لهم شاهي وقهوه وكرك وتاركينهم على جنب وكل وحده منهم ترتشف من اللي تفضّله