,
لآ استبيحْ القراءه دُون لآيك 🎵💗؛
,
#على_نُورّ_الشفقّ_وعلى_وتر_القدر
'
ناظرته واردفت بحُنق ؛ ناسي انك السبب بموت ابوي!!
ناسي انك قتلته
اذا انت نسيت انا مستحيل انـسـى !!
مستحيل تنمحي من ذاكرتي اللحظه اللي سخرت فيها مني و منعتني فيها ولا صدقتني
مستحيل انسى تجاهلك لصدق عيوني وحرقة قلبي واستصغارك لي واتهاماتك الموجعه لي
مستحيل انسى كيف اصبح الصبّح علي وانا الوم نفسي بسبتك وبالاخير دفعت الثمن غالي وخسّرت ومو اي خساره
الا خساره شنيعه ، تجرّعت مرارتها لوحدي وانت؟؟
سكتت لثانيه واستكملت كلامها ؛ نسيت انك مُذنب بحقيّ و كمّلت حياتك عادي حتى اعتذار يبّرد قلبي من ناحيتك ما سمعته منك !!
وش من قلب تملكه داخلك ، كيف لشخص المفرُوض يكُون حامي لشعب دولته ، يكُون شخص قاتل ومتسبب بأذيتهم!!
مستحيل تكُون انسان وتملك ذرّة مشاعر ، انت حتى ما كلفت على نفسك وجيت تعزيّ مع ابوك!!
ابوك اللي ترك كل شي عشان خاطر العشره مابينه وبين ابوي لكّن ان..
توقفّت عن الكلام ، لحظّة ما شعرت فيه يتجمّد تماما ويحررها من مسكه لها ، وهو يشعر بضيّق تنفس شديد والسبب كلمة "قاتل " اللي اطلقتها عليه ، كانت تلوم وتعاتب وهو مو معها لان سمعه توّقف عند هالكلمه اللي اجرمت فيه وانهته
ماتوقع ولا واحد بـ ٪ ان الكلمه اللي كان يطلقها على ابوه من صغره ويحمّله ذنب ومسؤولية فقد امّه وحرمانها منها
تدور عليه الدنيا وتخلّي شفق تقُوله نفس الكلمه وترمي عليه نفس الاتهَام ، وما اوجعه الا انها كلمه انقالت له من شخص عزيز على قلبه وفوقها بريء منهَا
ما قدر يستحمل هالظلّم المُجحف بحقّه ، ومشى من عندها وهو يستند بكفه على الجدار بسبب جسمه اللي مو قادر يشيله ، وتوازنه اللي اختلّ بلحظه
وشعر بنفسه كل ماله ويضيق ، دخل للداخل وكمّل طريقه لحّد المطبخ وهو كل ماله ويحس بثقل جسمه
لين انقلب لونه لاحمر وتجمّد الدم بعرُوقـه ، وانهَار جسدّه مثل الجثّه قُبال باب المطبخ
وكل هذا تحت عيُون شفـق اللي حسّت بصدمه فضيعه وخـوف شنيع من اللي شافته فيه وانجبرت تتبعه
انحنت لمستواه بجسّد مُهتز وايدين راجفه ، ونطقت بنبره مكتومه ودمُوعها تنساب بغزازه؛هُمام شفيك!
قوم لا تخوفنيّ
جلست تضرب عليه بخفه وتحاول تصحيه ، لكن ما تجاوب معها نهائيا ، صرخت بإسم كيران لين جت لعندها وشافت الصدمه بعينها
وكونها سريعة البديهه بعكس شفق اللي تجمدت كليا امامه ولا عرفت كيف تتصرف ، على طُول دقّت على الاسعاف وماهي الا ربع ساعه حتّى وصلو ونقلوه .
أنت تقرأ
رواية على نور الشفق احيا واهيم ⚜️
Misterio / Suspensoللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...
