رواية على نور الشفق احيا واهيم ⚜️

110

,
لآ استبيحْ القراءه دُون لآيك وكُومنت 🎵💗؛

,

  #على_نُورّ_الشفقّ_وعلى_وتر_القدر

'

شدّ على يدها وتأمل عيونها اللي كانت مثبته عليه وداخلها مُنصت لتبريره
واللي نجح بأنه يخدّر فيها بركانها الثائر
وبنبرته اللي استلطفتها منه كثير ختم كلامه وهو يضرب على يدها بخفّه؛ لكن اللوم كله على اللي انصت لاوهام قلبه وما انصت لقلبي
اللوم كله على اللي حرمني الوقت بسبب زعله وفضل الصمت على انه يصارحني
لكن فداه لومي وفداه كلّي .. عساه الحيـن بألف خير وعاذرني؟
عضّت على طرف شفّتها السُفليه بعد ما ادركت سببه وكان تبريره كافي لاعلاء شانها بداخله واهميتها اللي تفُوق تصورها واردفت بعد ماحررت كفها من مسكته وركزته على صدره وابعدته عنها برقّه ؛ طيب بس لا تلصق كذا توترني!
ابتسم سلمان بخفه ؛ مانيب لاقص لكن لا تبعدين!
لكن ما جاوبتيني قلبك عساه بخيـر وراضيّ عني؟
صدّت عنه بخجل وهي تبتسم بُعمق وتحس داخلها تفجّر طاقه وانشراح واؤنس
مد يده امامها اليد اللي حررت كفّها من حنيّتها ، استغربت من حركته ولفّت عليه ورفعت رمشها بعدم فهم ، وقابل هالاستغراب منها نبرته ؛ هذي يدي زي ما تشُوفين ممتده لك وان رديتي يدك لها بأعتبرها اجابـه بالرضى والعكس صحيح
سكت لكم ثانيـه واسترسل بهدُوء ؛ صح هذي وسيلـه ثانيه للتعبيـر لو صعب عليك الحكـي بيوم
كان يناظرها وهو ينتظر منها ترّد يدها لبين اسوار يدّه لكّن طوّلت وجاه الشك انّ مازال بداخلها الزعل وان الرضـى مابينها وبينه بيطُول
لكن خالفت شكوكه كلّها من ردّت يدها وشعر بملمس من لامست كفّه رغم ارتجافها لانها لأول مره تبادر بهالفعـل
فكان صعب عليها ، لكّن بما انها بمنظوره وسيله للاجابه ففضلّت انها تجاوبه فيها على انها تنطق بإجابتها
ماتدري ان هالوسيلـه هو بعد يفضلها وارق على قلبه والطف من كل وسيله ثانيـه
وكان هالشي واضح لانها من حطّت يدها المرتجفه بين اسوار كفّه شدّ عليها ومسكها بقّوه وهو يهمس بتحذير ؛ لا تختارين انها تبعد عنّي بعد اليوم ، سمحت لك تبعدينها هالمره لظرُوف استثنائيـه ،لكنّ خلّي في بالك انّها الاخيـره
'