,
لآ استبيحْ القراءه دُون لآيك 🎵💗؛
,
#على_نُورّ_الشفقّ_وعلى_وتر_القدر
'
تأمل حالتها وهو يعرفها اكثر من حاله حدّها تتبعثر قدامه بدون لا توضّح له حثيثية مشاعرها ووش يعني لها
صدّ عنها بكل ما حوله الا هِي .. ما يبي حتى انه يشهد على حالتها
لانها توجعه توجعه ، يجيها بكثره لكّنها حتّى بقلتها بخيله معه
لكّن صدّته ذي خلتّها تمتم بكل جرأه وبخالصّ الامتنان اللي انزرع بداخلها له؛ شكراً على كل شي
شكراً على حُبك ليّ اللي ما راح اوفيه ما حييت .. استودعتك الله
التفت بـكامل ذهُوله من الامتنان اللي جاه منها وهو ما كان يبيه بهالطريقه
ما كان منتظر منهَا شكر ووداع ، بالعكس كان منتظر منها قبُول وولوج !
معقُوله هالقد امنيته صعبه عليها!
وش يمنعها وكل ما يصدر منها تجاهه يقُول انها تبيه!!
ليه تعاكس رغباته ورغباتها معه!!
بعز ذهوله وحـيـرته منهَا ، شعر بملمس شفاتها اللي تعمّق بُعمق على خدّه
اوجعه اللي صدر منهَا بليله تشهد على انها ليله وداعيه بينها وبيـنه
لكّن اللي هزّ ودمرّه دمعتها اللي سقطت منها وشعر بحرارتها على خدّه
دمعتها اللي شرحت صعُوبة الامر عليها
وان حتى وداعها له كان ثقيل على قلبها لكن مجبُوره عليه
اللي ما قدرت توصلّه وتشرحه بكلامها .. وصلّته له دمعتها
ابتعدت عنه تحت صدمته من دمعتها وفزّت قلبه لها
لكنها طلعت بدون لا تعطيه فرصه يبدي ردّة فعل على اللي شافه منها
او حتى يمنعها من الهروب كعادتها !
ابتلع ريقه بضيق على حاله معها اللي كل ماظنّ انّه زان يرجع ويتدهور بسبب صدّها من جديد
تنهّد وهو يمسح دمعتها اللي على خدّه
تأملّهَا وهي على ابهامه تلمع ، ولمعت عُيونه لها بحزن
قبّلها بشفاته وتحوّلت من ابهامه لشفاته
تنهّد بضيق وهو يحس بملمس دمعتها على شفاته وهو ودّه لو يمسح عن صدرها كل ضيق يمسّه
اخذ نفس وهو يتأمل الباب اللي خرجت منّه ولا يقدر انّه يقوم ويرجّعها لأسوار حضنه الحانيه
'
أنت تقرأ
رواية على نور الشفق احيا واهيم ⚜️
Mystery / Thrillerللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...
